මොර්මන්ගේ පොත

1 තවද දැන් මම, මොර්මන්, මා දුටු සහ අසා ඇති දෙවර්ගයෙන් දේවල් වාර්තා කර, තවද එය මොර්මන්ගේ පොත ලෙස හඳුන්වමි.

2 තවද එනම් ඇමරොන් ස්වාමීන්වහන්සේ වෙතට වාර්තා සඟවා තැබූ කාලයේදී, ඔහු මා වෙත පැමිණියේය, (මම වයස අවුරුදු දහයක් පමණ වූ විට, තවද මාගේ ජනතාවගේ ඉගෙනීමේ ක්‍රමයට අනුව මම යම් තරමකට ඉගෙන ගැනීමට පටන් ගතිමි) තවද ඇමරොන් මා හට මෙසේ කීවේය: නුඹ සන්සුන් දරුවෙකු බවත්, තවද ඉක්මනින් නිරීක්ෂණය කරන බවත් මට වැටහෙන්නේය;

3 එසේහෙයින්, නුඹ වයස වසර විසිහතරක් පමණ වන විට, එනම් නුඹ මෙම ජනතාව සම්බන්ධයෙන් නිරීක්ෂණය කළ දේවල් නුඹ මතක තබා ගත යුතු යැයි මම කැමැත්තෙමි; තවද නුඹ එම වයස වන විට, ඇන්ටම් දේශයට, ෂිම් ලෙස හඳුන්වන කන්දක වෙතට යන්න; තවද එහිදී මම මෙම ජනතාව පිළිබඳ සියලු පූජනීය කැටයම් ස්වාමීන්වහන්සේ වෙත තැන්පත් කර ඇත්තෙමි.

4 තවද බලව, නුඹ නීෆායිගේ තහඩු නුඹ වෙත ගත යුතු අතර, තවද ඉතිරි කොටස ඒවා ඇති ස්ථානයේම තැබිය යුතු වන්නේය; තවද එනම් මෙම ජනතාව සම්බන්ධයෙන් නුඹ නිරීක්ෂණය කළාවු සියලු දේවල් නීෆායිගේ තහඩු මත නුඹ කැටයම් කළ යුත්තේය.

5 තවද මම, මොර්මන්, නීෆායිගෙන් පැවත එන්නෙක් නිසාවෙන්, (තවද මාගේ පියාගේ නම මොර්මන් විය), ඇමරොන් මා හට අණ කළ දේවල් මට සිහි විය.

6 තවද එය මෙසේ සිදු විය, එනම් මා එකොළොස් හැවිරිදි වියේ පසුවූ විට, මාගේ පියා විසින් දකුණු දෙසට වූ දේශයට, සරහෙම්ලා දේශයට පවා ගෙන යන ලදී.

7 භූමියේ මුළු මතුපිටම ගොඩනැගිලිවලින් වැසී ගොස් තිබූ අතර, තවද මනුෂ්‍යයින් මුහුදේ වැලි මෙන් ආසන්න සංඛ්‍යාවක් විය.

8 තවද එය මෙසේ සිදු විය, මෙම වසරේදී නීෆායිවරුන් අතර යුද්ධයක් ඇති වීමට පටන් ගත්තේය, ඔවුන් නීෆායිවරුන් ද, තවද ජේකොබ්වරුන්ගෙන් ද, තවද ජෝසෆ්වරුන් සහ සෝරම්වරුන්ගෙන් සමන්විත විය; තවද මෙම යුද්ධය නීෆායිවරුන් ද, ලේමන්වරුන් ද, ලෙමුවෙල්වරුන් සහ ඉෂ්මායෙල්වරුන් අතර විය.

9 දැන් ලේමන්වරුන්, තවද ලෙමුවෙල්වරුන් සහ ඉෂ්මායෙල්වරුන් ලෙමුවෙල්වරුන් ලෙස හැඳින්වූ අතර, තවද එම කණ්ඩායම් දෙක නීෆායිවරුන් සහ ලේමන්වරුන් විය.

10 තවද එය මෙසේ සිදු විය, එනම් ශිදොන් ජලය අසල, සරහෙම්ලා සිමාවන් තුළදී ඔවුන් අතර යුද්ධය ආරම්භ විය.

11 තවද එය මෙසේ සිදු විය, එනම් නීෆායිවරුන් තිස් දහසක සංඛ්‍යාවක් පවා ඉක්මවා යන, බලවත් මනුෂ්‍යයන් සංඛ්‍යාවක් එක්රැස් කර තිබුණේය. තවද එය මෙසේ සිදු විය, එනම් මෙම වසර තුළදීම ඔවුන්ට සටන් ගණනාවක් තිබු අතර, එහිදී නීෆායිවරුන් ලේමන්වරුන් පරාජය කර ඔවුන්ගෙන් බොහෝ දෙනෙකු මරා දමනු ලැබුවෝය.

12 තවද එය මෙසේ සිදු විය, එනම් ලේමන්වරුන් ඔවුන්ගේ සැලැස්ම ඉවත් කරගත්තෝය, තවද එහි දේශය තුළ සාමය ස්ථාපිත විය; තවද වසර හතරක පමණ කාල පරාසයක් පුරාවට සාමය පැවතුණේය, එනම් එහි කිසිදු ලේ වැගිරීමක් සිදු නොවීය.

13 එහෙත් මුළු දේශය තලය මතුපිට දුෂ්ටකම පැවතුණේය, එපමණකින් එනම් ස්වාමීන්වහන්සේ උන්වහන්සේගේ ප්‍රියාදර ගෝලයන් ඉවත් කර ගත් සේක, තවද ජනතාවගේ අයුතුකම් නිසා හාස්කම් සහ සුව කිරීමේ ක්‍රියාවන් නැතිවී ගියේය.

14 තවද එහි ස්වාමීන්වහන්සේ කෙරෙන් කිසිදු දීමනාවන් නොවු අතර, තවද ඔවුන්ගේ දුෂ්ටකම සහ අවිශ්වාසය නිසා, ශුද්ධාත්මයාණන්වහන්සේ කිසිවෙකු මත පැමිණියේ නැත.

15 තවද මම, වසර පහළොවක වයසැතිව තවද තරමක් සන්සුන් මනසකින් යුක්තවූ හෙයින්, එසේහෙයින් ස්වාමීන්වහන්සේ මා බැහැදැක, තවද ජේසුස්වහන්සේගේ යහපත්කම අත්දැක තවද දැනගත් සේක.

16 තවද මම මේ ජනතාව හට දේශනා කිරීමට උත්සාහ කළෙමි, එහෙත් මාගේ මුඛය වසා තිබුණේය, තවද එනම් ඔවුන් හට දේශනා කිරීම මට තහනම් කරනු ලැබුවේය; මක්නිසාද බලව, ඔවුන් කැමැත්තෙන්ම ඔවුන්ගේ දෙවියන්වහන්සේට විරුද්ධව කැරලි ගැසූවෝය; තවද ඔවුන්ගේ අයුතුකම් නිසා ප්‍රියාදර ගෝලයන් දේශයෙන් පිටතට ගෙනයනු ලැබුවෝය.

17 එහෙත් මම ඔවුන් අතර රැඳී සිටියෙමි, එහෙත් ඔවුන්ගේ හදවත්වල දැඩිකම නිසාවෙන්, ඔවුන් හට දේශනා කිරීම මා හට තහනම් කරනු ලැබුවේය; තවද ඔවුන්ගේ හදවත්වල දැඩිකම නිසාවෙන් ඔවුන් උදෙසා දේශය ශාප කරනු ලැබීය.

18 තවද ලේමන්වරුන් අතර සිටින්නාවු, මෙම ගැඩියැන්ටන් කොල්ලකරුවන් දේශය ආක්‍රමණය කළේය, එපමණකින් එනම් එහි වැසියන් ඔවුන්ගේ වස්තුන් පොළොවේ සැඟවීමට පටන් ගත්තෝය; ස්වාමීන්වහන්සේ දේශයට ශාප කළ බැවින්, තවද එවා ලිස්සන සුළු බවට පත්විය, එනම් ඔවුන්ට ඒවා අල්ලා ගැනීමට, හෝ නැවත රඳවා ගැනීමට නොහැකි විය.

19 තවද එය මෙසේ සිදු විය, එනම් එහි මන්ත්‍රකාරයන්, තවද මායාකර්මය සහ විජ්ජාවන් තිබුණේය; තවද අබිනඩායිගේ සහ ලේමන්වර ජාතිකයෙකු සාමුවෙල්ගේ සියලු වචන සම්පුර්ණ වන තුරු වුවද, නපුරු තැනැත්තාගේ බලය මුළු දේශය පුරාම ක්‍රියාත්මක විය.