1 තවද එය මෙසේ සිදු විය, එනම් එම වසරේදීම නීෆායිවරුන් සහ ලේමන්වරුන් අතර නැවතත් යුද්ධයක් ඇති වීමට පටන් ගත්තේය. තවද මම තරුණ වුවත්, පෞරුෂය විශාල වූවෙමි; එසේහෙයින් එනම් නීෆායිහි ජනතාව මා ඔවුන්ගේ නායකයා, හෝ ඔවුන්ගේ හමුදාවන්හි නායකයා විය යුතු ලෙසට පත් කළහ.

2 එසේහෙයින් එය මෙසේ සිදු විය, එනම් මාගේ දහසයවන වසරේදී, මම නීෆායිවරුන්ගේ හමුදාවක ප්‍රධානියා ලෙස, ලේමන්වරුන්ට විරුද්ධව ඉදිරියට ගියෙමි; එසේහෙයින්, වසර තුන්සිය විසිහයක් ගෙවී ගොස් තිබුණේය.

3 තවද එය මෙසේ සිදු විය, එනම් තුන්සිය විසිහත්වන වසරේදී ලේමන්වරුන් අතිශයින් මහත් බලයකින් අප වෙත පැමිණියහ, එපමණකින් එනම් ඔවුන් මාගේ හමුදාවන් බිය ගැන්වූහ; එසේහෙයින් ඔවුන් සටන් කිරීමට අකමැති වූ අතර, තවද ඔවුන් උතුරු රටවල් දෙසට පසුබැසීමට පටන් ගත්හ.

4 තවද එය මෙසේ සිදු විය, එනම් අප ඇන්ගෝලා නගරයට පැමිණියෙමු, තවද අප නගරය අත්පත් කර ගත්තෙමු, තවද ලේමන්වරුන්ට එරෙහිව අපව ආරක්ෂා කර ගැනීමට සූදානම් වීම් කළෙමු. තවද එය මෙසේ සිදු විය, එනම් අප අපගේ ශක්තියෙන් නගරය ශක්තිමත් කළෙමු; එහෙත් අපගේ සියලු බලකොටු තිබියදීත්, ලේමන්වරුන් අප වෙත පැමිණ, අපව නගරයෙන් පලවා හැරියහ.

5 තවද එසේම ඔවුන් දාවිත්ගේ දේශයෙන් ද අපව පන්නා දැමුවෝය.

6 තවද අප පිටත් වී ඉදිරියට ගමන් කොට තවද මුහුදු වෙරළට බටහිරින් පිහිටියාවු යෝෂුවාගේ දේශයට පැමිණියෙමු.

7 තවද එය මෙසේ සිදු විය, එනම් හැකි ඉක්මනින් අප අපගේ ජනතාව එක්රැස් කළෙමු, එනම් අපට ඔවුන් එක් බඳකට එක්රැස් කළ හැකි වීම පිණිසය.

8 එහෙත් බලව, දේශය කොල්ලකරුවන්ගෙන් සහ ලේමන්වරුන්ගෙන් පිරී තිබුණි; තවද මාගේ ජනතාව මත එල්ල වූ මහා විනාශය නොතකා, ඔවුන් ඔවුන්ගේ නපුරු ක්‍රියාවන් ගැන පසුතැවිලි නොවූවෝය; එසේහෙයින් නීෆායිවරුන් සහ එසේම ලේමන්වරුන් යන දෙපිරිස මතම, දේශයේ මුළු මුහුණත පුරා ලේ සහ මනුෂ්‍ය ඝාතනය පැතිර ගියේය; තවද එය මුළු දේශයේ තලය පුරාම එක් සම්පූර්ණ විප්ලවයක් විය.

9 තවද දැන්, ලේමන්වරුන්ට රජෙක් සිටියේය, ඔහුගේ නම ආරොන් විය; තවද ඔහු හතළිස් හාරදහසක හමුදාවක් සමඟ අපට විරුද්ධව පැමිණියේය. තවද බලව, මම හතළිස් දෙදහසකින් ඔහුට විරුද්ධ වුණෙමි. තවද එය මෙසේ සිදු විය, එනම් මම මගේ හමුදාවෙන් ඔහුට පහර දුන් විට එනම් ඔහු මා ඉදිරියෙන් පලා ගියේය. තවද බලව, මෙම සියල්ල සිදු වූ අතර, තවද අවුරුදු තුන්සිය තිහක් ගෙවී ගොස් තිබුණි.

10 තවද එය මෙසේ සිදු විය, එනම් නීෆායිවරුන් ඔවුන්ගේ අයුතුකම් ගැන පසුතැවිලි වීමට පටන් ගත් අතර, තවද අනාගතවක්තෘ සාමුවෙල් විසින් අනාවැකි පළ කරන ලද පරිදිම මොරගසන්නට පටන් ගත්හ; මක්නිසාද බලව, සොරුන්, තවද මංකොල්ලකරුවන් ද, තවද මිනීමරුවන් ද, තවද මායා කලාව සහ දේශයේ තිබූ මායා කර්මය නිසා, කිසිවෙකුට තමාගේම දේ තබා ගත නොහැකි විය.

11 මෙසේ මෙම දේවල් නිසා, තවද ඉතා විශේෂයෙන් නීෆායිහි ජනතාව අතර, මුළු දේශය පුරාම ශෝකයක් සහ විලාපයක් ඇති වීමට පටන් ගත්තේය.

12 තවද එය මෙසේ සිදු විය, එනම් මොර්මන් වන මම, ස්වාමීන්වහන්සේ අභිමුඛයෙහි ඔවුන්ගේ විලාපය, ඔවුන්ගේ වැලපීම සහ ඔවුන්ගේ ශෝකය දුටු විට, ස්වාමීන්වහන්සේගේ දයාවන් සහ බොහෝ ඉවසිලිවන්තකම දැන, මාගේ හදවත මා තුළ ප්‍රීති වීමට පටන් ගත් අතර, එසේහෙයින් ඔවුන් නැවතත් ධර්මිෂ්ඨ ජනතාවක් බවට පත් වන ලෙස උන්වහන්සේ ඔවුන් හට කරුණාව දක්වනු ඇතැයි සිතුවෙමි.

13 එහෙත් බලව, මාගේ මෙම ප්‍රීතිය නිෂ්ඵල විය, මක්නිසාද ඔවුන්ගේ ශෝකය දෙවියන්වහන්සේගේ යහපත්කම නිසා පසුතැවිලි වීමට නොව; එහෙත් එය ශාප ලත් අයගේ ශෝකයට වඩා වැඩි විය, මක්නිසාද ස්වාමීන්වහන්සේ ඔවුන්ට සැමවිටම පාපයෙන් සතුට ලබා ගැනීමට ඉඩ නොදෙන නිසාවෙන්ය.

14 තවද ඔවුන් බිඳුණු හදවත් සහ පසුතැවිලි වූ ආත්මයන් සමඟ ජේසුස්වහන්සේ වෙතට නොපැමිණියේය, එහෙත් ඔවුන් දෙවියන්වහන්සේට ශාප කර, තවද මිය යාමට කැමති විය. එසේනමුත්, ඔවුන් තම ජීවිත වෙනුවෙන් කඩුවෙන් සටන් කරනු ලබන්නෝය.

15 තවද එය මෙසේ සිදු විය, එනම් මාගේ ශෝකය නැවතත් මා වෙතට නැවත පැමිණියේය, තවද එනම් ලෞකිකව සහ අධ්‍යාත්මිකව යන දෙවර්ගයෙම ගත වූ කරුණාවේ දවස් ඔවුන් කෙරෙන් පහව ඇත්තැයි මම දුටුවෙමි; මක්නිසාද ඔවුන්ගේ දෙවියන්වහන්සේට විරුද්ධව විවෘත කැරැල්ලකින් ඔවුන්ගේ දහස් ගණනක් කපා දමනු ලැබ, තවද දේශය මතුපිට මල මෙන් ගොඩගසා ඇති බව මම දුටුවෙමි. තවද මෙසේ වසර තුන්සිය හතළිස් හතරක් ගෙවී ගියේය.

16 තවද එය මෙසේ සිදු විය, එනම් තුන්සිය හතළිස් පස්වන වසරෙදී නීෆායිවරුන් ලේමන්වරුන් ඉදිරියෙන් පලා යාමට පටන් ගත්තෝය; තවද ඔවුන්ගේ පසුබැසීම නැවැත්වීමට හැකි වීමට පෙර, ඔවුන් ජේෂොන් දේශයට පවා පැමිණෙන තෙක් ඔවුන් හඹා ගියෝය.

17 තවද දැන්, ජේෂොන් නගරය ඇමරොන්ගේ වාර්තා, එනම් ඒවා විනාශ නොවන්නාවු පිණිස, ස්වාමීන්වහන්සේ වෙතට තැන්පත් කළාවු දේශයට ආසන්නව තිබුණේය. තවද බලව මම ඇමරොන්ගේ වචනයට අනුව ගොස්, තවද නීෆායිගේ තහඩු රැගෙන, තවද ඇමරොන්ගේ වචන වලට අනුව වාර්තාවක් සැදුවෙමි.

18 තවද නීෆායිගේ තහඩු මත මම සියලු දුෂ්ටකම් සහ පිළිකුල්කම් පිළිබඳ සම්පූර්ණ වාර්තාවක් සැදුවෙමි; එහෙත් මෙම තහඩු මත මම ඔවුන්ගේ දුෂ්ටකම් සහ පිළිකුල්කම් පිළිබඳ සම්පූර්ණ වාර්තාවක් තැබීමෙන් වැළකී සිටියෙමි, මක්නිසාද බලව, මනුෂ්‍යයාගේ මාර්ගයන් දැකීමට මට හැකිවූ කාලයේ සිට, දුෂ්ටකම් සහ පිළිකුල්කම් පිළිබඳ අඛණ්ඩ දර්ශනයක් මාගේ ඇස් ඉදිරිපිට තිබෙන්නේය.

19 තවද ඔවුන්ගේ දුෂ්ටකම නිසා මට දුක් වේ; මක්නිසාද මාගේ සියලු දවස්වලදීම, ඔවුන්ගේ දුෂ්ටකම නිසා මාගේ හදවත ශෝකය සමඟ පිරී තිබෙන්නේය; එසේනමුත්, එම අවසාන දවසේදී එනම් මා ඔසවන ලබන්නාවු බව මම දන්නෙමි.

20 තවද එය මෙසේ සිදු විය, එනම් මෙම වසර තුළදී නීෆායිගේ ජනතාව නැවතත් ලුහුබැඳ තවද පලවා හරිනු ලැබිය. තවද එය මෙසේ සිදු විය, එනම් අප ෂෙම් ලෙස හැඳින්වූ දේශයට උතුරු දෙසට පැමිණෙන තුරු අප පලවා හරිනු ලැබිය.

21 තවද එය මෙසේ සිදු විය, එනම් අප ෂෙම් නගරය ශක්තිමත් කළෙමු, තවද අප හැකි තරම් අපගේ ජනතාව එක්රැස් කළෙමු, එනම් සමහරවිට විනාශයෙන් අපට ඔවුන්ව ගලවා ගත හැකි වන පිණිසය.

22 තවද එය මෙසේ සිදු විය, තුන්සිය හතළිස් හයවන වසරේදී ඔවුන් නැවතත් අප මත පැමිණීමට පටන් ගත්තෝය.

23 තවද එය මෙසේ සිදු විය, එනම් මම මාගේ ජනතාවට කතා කළෙමි, තවද එනම් ඔවුන් ලේමන්වරුන් ඉදිරියෙහි නිර්භිතව නැගී සිට, තවද ඔවුන්ගේ භාර්යාවන්ද, ඔවුන්ගේ දරුවන්ද, තවද ඔවුන්ගේ නිවාස, තවද ඔවුන්ගේ ගෘහය වෙනුවෙන් සටන් කරීමට මහත් ශක්තියකින් ඔවුන්ව උනන්දු කළෙමි.

24 තවද මාගේ වචන ඔවුන්ව යම් තරමකට ප්‍රාණවත් කළ අතර, එපමණින් එනම් ඔවුන් ලේමන්වරුන් ඉදිරියෙන් පලා නොගියහ, එහෙත් ඔවුන්ට එරෙහිව නිර්භීතකම ඇතිව නැගී සිටියෝය.

25 තවද එය මෙසේ සිදු විය, එනම් අප පනස් දහසකින් යුත් හමුදාවකට විරුද්ධව තිස් දහසකින් යුත් හමුදාවක් සමඟ සටන් කළෙමු. තවද එය මෙසේ සිදු විය, එනම් අප ඔවුන් ඉදිරියෙහි එවැනි ස්ථිරත්වයකින් සිටගත් අතර එනම් ඔවුන් අප ඉදිරියෙන් පලා ගියෝය.

26 තවද එය මෙසේ සිදු විය, එනම් ඔවුන් පලා ගිය විට අප අපගේ හමුදාවන් සමඟ ඔවුන් ලුහුබැඳ ගියෝය, තවද ඔවුන්ව නැවත හමුවූහ, තවද ඔවුන්ට පහර දුන්නෙමු; එසේනමුත් ස්වාමීන්වහන්සේගේ ශක්තිය අප සමඟ නොවීය; එසේය, අප අපටම අත්හරිනු ලැබ සිටියෙමු, එනම් ස්වාමීන්වහන්සේගේ ආත්මයාණන් අප තුළ රැඳී නොසිටියෝය; එසේහෙයින් අප අපගේ සහෝදරයන් මෙන්ම දුර්වල වී සිටියෙමු.

27 තවද මාගේ ජනතාවගේ මෙම මහත් විපත නිසා, ඔවුන්ගේ දුෂ්ටකම සහ ඔවුන්ගේ පිළිකුල්කම් නිසා මාගේ හදවත ශෝක විය. එහෙත් බලව, අප අපගේ උරුමයේ දේශයන් නැවත අත්පත කර ගන්නා තෙක්, ලේමන්වරුන්ට සහ ගැඩියැන්ටන් කොල්ලකරුවන්ට විරුද්ධව පෙරෙට ගියෙමු.

28 තවද තුන්සිය හතළිස් නව වන වසර ගෙවී ගොස් තිබුණි. තවද තුන්සිය පනස් වන වසර තුළදී අප ලේමන්වරුන් සහ ගැඩියැන්ටන් කොල්ලකරුවන් සමඟ ගිවිසුමක් ඇති කර ගත්තෙමු, එමඟින් අපගේ උරුමයේ දේශයන් බෙදා ගැනීමට අපට හැකි විය.

29 තවද ලේමන්වරු අප උදෙසා උතුරු දෙසට වූ දේශය දුන්හ, එසේය, දකුණු දෙසට දේශය වෙත මඟ පෙන්වන පටු මාර්ගය දක්වා පවා ලබා දුන්නෝය. තවද අප ලේමන්වරුන් වෙත දකුණු දෙසට මුළු දේශයම ලබා දුන්නෙමු.