1 Zvino tarisai, zvakaitika kuti ini Jakobho, ndaparidzira zvakawanda kuvanhu vekwangu neshoko, (uye ndinokwanisa kungonyora zvishoma chete, nenzira yekuoma kwakaita kunyora mazwi edu pamahwendefa) uye tinoziva kuti zvinhu zvatinonyora pamahwendefa zvinogara zviripo;

2 Asi chose chinhu chatinonyora tikasachinyora pamahwendefa chinoshaika nekupfudzika; asi tinokwanisa kunyora mazwi mashomanani pamahwendefa, anozopa vana vedu, nehamawo dzedu dzinodiwa, karuzivo maererano nesu, kana maererano nezvemadzibaba avo—

3 Zvino tinofara muchinhu ichi; uye tinoshanda nesimba kuti tinyore mazwi aya pamahwendefa, tichivimba kuti hama dzedu dzinodiwa nevana vedu vachazoatambira nemwoyo inotenda, uye voaverenga nokudzidza norufaro kwete nekusuwa, kana nekushora, maererano nevabereki vavo vekutanga.

4 Nokuti, nechikonzero ichi tanyora zvinhu izvi, kuti vagoziva kuti ^ataiziva nezvaKristu, uye taive netariro yekubwinya kwake mazana mazhinji emakore asati auya; uye hatizi isu chete taive netariro yekubwinya kwake, asiwo ^bnemaporofita vatsvene vose vakange varipo tisati tavepo.

5 Tarisai, vaitenda muna Kristu uye ^avachinamata Baba nemuzita rake, nesuwo tinonamata Baba nemuzita rake. Uye pamusana paizvozvo tinochengetedza ^bmurau waMosesi, ^cunonongedzera mweya yedu kwaari; nechikonzero ichi chakaitwa kuti chive chitsvene kwatiri nokururama, sezvo zvakanga zvakaiswa kuna Abrahama murenje mukuteerera kwake mirau yaMwari mukubvuma kwake kupira mwana wake Isaka, zviri zvakafanana nerungano rwaMwari neMwanakomana Wake ^dMumwechete Akaberekwa.

6 Nokudaro, tinotsvaka mumagwaro emaporofita, uye towana zvakazarurwa zvizhinji nemweya ^awechiporofita; nenzira ^byevapupuri vose ava tinowana tariro, uye rutendo rwedu rwunobva rwasimbiswa, zvekuti tinogona ^ckutaura ^dmuzita raJesu nemiti chaiyo ichititeerera, kana makomo, kana masai-sai egungwa.

7 Zvakadaro, Ishe Mwari vakatiratidza ^akusasimba kwedu kuti tive tinoziva kuti inzira yenyasha dzavo, nekuzvideredza kwavo kukuru kuvana vevanhu, kunoita kuti tive nesimba rekuita zvinhu izvi.

8 Tarisai, mabasa aIshe makuru uye anoshamisa. Kudzama ^akwezvakavandika zvavo ^bhakutsvakwe tikakuwana; uye hazviitike kuti vanhu vazive dzose nzira dzake. Hakuna munhu ^canoziva ^dnezvenzira dzake kunze kwekunge atozvizururirwa; nokudaro, hama, musashore zvamunozururirwa naMwari.

9 Nokuti tarisai, nesimba ^areizwi rake ^bmunhu akauya panyika, nyika iri yakasikwa nesimba reshoko rake. Nokudaro, kana Mwari vakangotaura chete nyika ikabva yavepo, uye vakataura munhu akabva asikwa, Ko zvino, vangatadze here kutuma ^cnyika, kana mabasa emaoko avo pamusoro penyika, maererano nezvavanenge vachida zvinovafadza?

10 Nokudaro, hama, musatsvake ^akuraira Ishe, asi kuti imi murairwe navo. Nokuti tarisai, imi pachenyu munoziva kuti vanoraira zviri ^bmuuchenjeri, uye mukururama, nemutsitsi huru, mumabasa avo ose.

11 Nokudaro, hama dzinodiwa, dzokerai kwavari ^anerudzikinuro rwaKristu, Mwanakomana ^bMumwechete Akaberekwa, uye zvimwe mungawane ^ckumuka kuvakafa, maererano nesimba rekumuka kuvakafa riri munaKristu, uye mugopiwa naKristu kuna Mwari ^dsemichero yekutanga, muine rutendo, uye muine tariro yakanaka yekubwinya kwake asati azviratidza pachake munyama.

12 Uye zvino, vadiwa, musashamiswe kuti ndiri kukutaurirai zvinhu izvi; ko tingaregererei ^akutaura nezverudzikinuro rwaKristu, nokuti tiwane ruzivo rwezvake rwuzere, zvimwechete nekuti tiwane ruzivo rwekumuka kuvakafa nerwenyika ichauya?

13 Tarisai, hama dzangu, uyo anoporofita, ngaaporofite zvinonzwisiswa nevanhu; nokuti ^aMweya unotaura chokwadi uye haunyepe. Nokudaro, unotaura zvinhu ^bsezvazviri chaizvo, nezvazvichazove chaizvo; nokudaro, zvinhu izvi tinozviratidzwa ^cpachena, kuti mweya yedu iwane ruponeso. Asi tarisai, hatizisu tega vapupuri vezvinhu izvi; nokuti Mwari vakazvitaurawo kuvaporofita vakare.

14 Asi tarisai, maJuda vaive vanhu ^avakaoma mitsipa; uye ^bvaishora mazwi akareruka, uye vakauraya vaporofita, uye vakatsvaka zvinhu zvavakanga vasinganzwisise. Nokudaro, nenzira ^cyeupofu hwavo, upofu hwakakonzerwa nekutarisa zvakapfuuridza chinangwa, vanofanira kupunzika; nokuti Mwari vakabvisa kuisa kwavo zvinhu pachena, uye vakavapa zvinhu zvizhinji ^dzvavasinganzwisise, nokuti ndizvo zvavaida. Uye nokuti vaizvida Mwari vakazviita, kuti vapunzike.

15 Uye zvino ini Jakobho, ndiri kutungamirwa neMweya kuti ndiporofite; nokuti ndiri kuona nokushanda kweMweya uri mandiri, kuti ^anekupunzika kwemaJuda ^bvacharamba ^cdombo pavange vachazovakira uye vova nehwaro hwakasimba.

16 Asi tarisai, maererano nemagwaro matsvene, ^adombo iri richave iro guru, uye rokupedzisira, uye rigove iro chete rinoita ^bhwaro, pangavakirwe nemaJuda.

17 Uye zvino, hama dzangu dzinodiwa, zvingaitike sei kuti ivava, mushure mekunge varamba hwaro hwechokwadi, vangazovaka ^azvakare pahuri, dombo iroro rikazove musimboti wehwaro hwavo?

18 Tarisai, hama dzangu dzinodiwa, tichakududzirai chishamiso ichi; kana ndikasadaro, nechimwewo chikonzero, ndazunzwa pakusimba kwangu muMweya, uye ndikapunzika nenzira yekunetseka kwangu kukuru pamusoro penyu.