1 Uye zvino, tarisai hama dzangu, sekutaura kwandakaita kwamuri kuti ndichaporofita, tarisai, ichi ndicho chiporofita changu—kuti zvinhu zvakataurwa nemuporofita uyu ^aZenosi, maererano nemba yaIsraeri, achivafananidza nemuti wakasimwa wemuorivhi, zvichaitika zvechokwadi.

2 Uye zuva raachatambanudza ruoko rwake zvakare nguva yechipiri ^akudzora vanhu vake, ndiro zuva, hongu, ingagove nguva yekupedzisira, yekuti ^bvaranda vaIshe vafambe vari ^cmusimba ravo, ^dkudiridza nekudimburira ^emunda wavo wemizambiringa; uye mushure mezvo ^fkuguma kunobva kwasvika.

3 Uye vakaropafadzwa sei vakashanda nesimba mumunda wavo wemizambiringa; uye vakatukwa sei avo vacharasirwa munzvimbo dzavo! Uye nyika ^aichapiswa nemoto.

4 Uye Mwari vedu vane tsitsi nesu, nokuti vanoyeuka imba ^ayaIsraeri, zvose midzi nemapazi acho; uye vanovatambanudzira ^bmaoko avo muswere wose; uye vanhu ^cvakaoma mitsipa uye vanhu vane makuhwa; asi avo vose vasingaomese mwoyo yavo vachaponeswa muumambo hwaMwari.

5 Nokudaro, hama dzangu dzinodiwa, ndinokunyengetedzai nemazwi akapfava kuti dai matendeuka, uye mouya muchiziva mumwoyo menyu, ^amonamatira kuna Mwari sekubatirira kwavakaita kwamuri. Uye nguva inenge yakatambanudzirwa imi ^bruoko rwavo rwetsitsi mukati mezuva, musaomese mwoyo yenyu.

6 Hongu, nhasi, kana mukanzwa izwi ravo, musaomese mwoyo yenyu; ko munoda ^akufirei?

7 Nokuti tarisai, mushure mekunge mariritirwa neshoko raMwari muswere wose, munounza michero yakaipa here, zvinoita kuti ^amutemwe uye mukandwe mumoto?

8 Tarisai, mazwi aya mungaarambe here? Mungarambe here mazwi evaporofita; uye mungarambewo here ose mazwi akataurwa maererano naKristu, mushure mekunge vazhinji vataura pamusoro pake; uye mugoramba shoko rakanaka raKristu, nesimba raMwari, ^anechipo cheMweya Mutsvene, nokudzima Mweya Mutsvene, nokuita dambe kuronga kwerununuro, zvamakagadzirirwa?

9 Hamuzive here imi kuti mukaita zvinhu izvi, kuti simba iroro rerununuro nerekumuka kuvakafa, riri munaKristu, zvichakuitai kuti mumire nokunyara nokunzwa muine ^amhosva zvikuru pamberi pechigaro ^bchekutonga chaMwari?

10 Uye maererano nesimba ^arekukutonga kwakanaka, nokuti kukutonga kwakanaka hakungarambwe, munofanira kuenda ^bkudziva remoto suriferi, une rimi risingadzime, uye une utsi husingagume kukwira, dziva remoto iri nesuriferi ^cidambudziko ^drisingapere.

11 Imi zvino, hama dzangu dzinodiwa, tendeukai, uye mopinda nepakasuwo ^akakamanikana, uye moramba muchifamba nenzira yakamanika, dakara muwane upenyu hwokusingaperi.

12 Imi ^achenjerai; chii chimwe chandingataure?

13 Kekupedzisira, ndinokuonekai, kudakara tasangana zvakare pamberi pechigaro chekutonga kwaMwari, icho chigaro chekutonga chinounza kutya nekuzeza ^akukuru kune vakaipa. Ameni.