1 En ^akvistur mun fram spretta af ^bstofni ^cÍsaí og angi upp vaxa af rótum hans.

2 Yfir honum mun hvíla ^aandi Drottins, andi vísdóms og skilnings, andi ráðspeki og kraftar, andi þekkingar og ótta Drottins —

3 Sem mun skerpa skilning hans í Drottins ótta. Hann mun ekki ^adæma eftir því, sem augu hans sjá, og ekki skera úr málum eftir því, sem eyru hans heyra.

4 En með ^aréttlæti mun hann dæma hina fátæku og ^bskera með sannsýni úr málum hinna ^chógværu á jörðunni. Hann mun ljósta jörðina með sprota munns síns og deyða hina ranglátu með anda vara sinna.

5 Réttlæti verður beltið um lendar hans og trúfesti beltið um ^amjaðmir hans.

6 Þá mun úlfurinn una hjá lambinu og pardusdýrið liggja hjá kiðlingnum, kálfar, ung ljón og alifé ganga saman og ungt barn gætir þeirra.

7 Og kýr og birna verða á beit saman, kálfar og húnar liggja hvorir hjá öðrum og ljónið mun hey eta sem naut.

8 Brjóstmylkingurinn mun leika sér við holu ^anöðrunnar og barnið, nývanið af brjósti, stinga hendi sinni inn í bæli ^bhornormsins.

9 Hvergi á mínu heilaga fjalli mun ^aillt framið né nokkru tortímt, því að jörðin verður full af ^bþekkingu á Drottni, á sama hátt og djúp sjávar er vötnum hulið.

10 Á ^aþeim degi mun ^brótarkvistur Ísaí standa sem merki fyrir lýðinn, og ^ctil þess munu ^dÞjóðirnar leita, og hvíld hans verður dýrðleg.

11 Og svo ber við, að á þeim degi mun Drottinn útrétta hönd sína ^aöðru sinni til þess að endurheimta þær leifar fólks síns, sem eftir eru í Assýríu, Norður-Egyptalandi, Suður-Egyptalandi, Blálandi, Elam, Sínear, Hamat og á eyjum sjávar.

12 Og hann mun reisa ^amerki fyrir þjóðirnar, heimta saman hina ^bbrottreknu úr Ísrael og ^csafna saman hinum tvístruðu úr Júda, úr fjórum höfuðáttum heims.

13 Þá mun ^aöfund Efraíms einnig hverfa og fjandskapur Júda líða undir lok. ^bEfraím mun ekki öfundast við ^cJúda og Júda ekki fjandskapast við Efraím.

14 Þeir munu ^asteypa sér niður á herðum Filista gegn vestri og í sameiningu ræna austbyggja. Edóm og Móab munu þeir hremma og Ammónítar verða þeim lýðskyldir.

15 Og Drottinn mun ^aþurrka upp voga Egyptahafs og bregða hendi sinni yfir fljótið í stríðum stormi og skipta því í sjö kvíslir, svo að yfir má ganga þurrum fótum.

16 Og það skal verða ^abrautarvegur fyrir þær leifar fólks hans, sem enn er eftir í Assýríu, eins og var fyrir Ísrael, þá er hann fór frá Egyptalandi.