1 Futhi kuyovela ^ainduku kuso ^bisiqu ^csikaJese, futhi igatsha liyokhula ezimpandeni zaso.

2 ^aUMoya weNkosi uyohlala phezu kwakhe, umoya wokuhlakanipha kanye nokuqonda, umoya wokwaluleka kanye namandla, umoya wolwazi kanye nowokuyesaba iNkosi.

3 Uyomenza abe ngonokuqonda okusheshayo ekuyesabeni iNkosi; futhi ^aakayikwahlulela ngokubona kwamehlo akhe, noma asole ngokuzwa kwezindlebe zakhe.

4 Kepha uyokwahlulela abampofu ^angokulunga, futhi ^babasole ngokulinganayo ^cabathobileyo bomhlaba; futhi uyoshaya umhlaba ngenduku yomlomo wakhe, nangomphefumulo wezindebe zakhe abulale ababi.

5 Futhi ukulunga kuyoba yibhande lezinkalo zakhe, nokuthembeka kuyoba yibhande ^alamanyonga akhe.

6 Phezu kwalokho impisi iyohlala newundlu, nengwe iyolala phansi nezinyane lembuzi, ithole kanye nezinyane lengonyama kanye nokukhuluphalisiweyo ndawonye; umntwana omncane uyozihola.

7 Inkomazi kanye nebhele kuyoklaba; amazinyane akho ayolala phansi ndawonye; ingonyama iyodla utshani njengenkabi.

8 Umntwana oncelayo uyodlala emgodini ^awemfezi, futhi umntwana osanda kususwa ebeleni uyofaka isandla sakhe ^besiseleni sikamantshingeyana.

9 ^aAbayikulimaza noma babhubhise entabeni yami yonke engcwele, ngokuba umhlaba uyogcwala ^bulwazi lweNkosi, njengamanzi esibekela ulwandle.

10 Futhi ^angalolo suku kuyoba khona ^bimpande kaJese, eyokuma njengesibonakaliso kubantu; ^ckuso ^dabeZizwe bayobuthana; futhi ukuphumula kwakhe kuyoba kuhle kakhulu.

11 Futhi kuyokwenzeka ngalolo suku ukuthi iNkosi iyokwelula isandla sayo futhi ^aokwesibili ukubuyisa insalela yabantu bayo abayobe besele, e-Asiriya, naseGibithe, nasePhatirosi, naseKushe, nase-Elamu, naseShineyari, naseHamati, kanye naseziqhingini zolwandle.

12 Futhi uyophakamisela izizwe ^aisibonakaliso, futhi aqoqe ^babaxoshwa bakwa-Israyeli, ^caqoqele ndawonye abahlakazekileyo bakwaJuda emagumbini amane omhlaba.

13 ^aUmhawu ka-Efrayimi phezu kwalokho uyosuka, izitha zikaJuda ziyosuswa; u-^bEfrayimi akayikuba namhawu ^cngoJuda, futhi noJuda akayikumhlupha u-Efrayimi.

14 Kepha ^abayondizela emahlombe amaFilisti ukuya ngasentshonalanga; baphange nabasempumalanga kanye-kanye; bayokwelula isandla sabo kuyo i-Edomi kanye neMowabi; futhi abantwana bama-Amoni bayobalalela.

15 Futhi iNkosi ^aiyolibhubhisa nya ulimi lwasolwandle lwaseGibithe; futhi ngomoya wayo onamandla iyonyakazisa isandla sayo phezu komfula, futhi iyowushaya ube yimifudlana eyisikhombisa, futhi yenze abantu bawele ngezicathulo ezomileyo.

16 Futhi kuyoba khona ^aumgwaqo omkhulu wensalela yabantu bakhe abayosala, e-Asiriya, njengoba kwakunjalo ku-Israyeli ngosuku lolo aphuma ngalo ezweni laseGibithe.