1 Ma lan e re rran nem, e ra medilip e ppin mar feked taʼareb e pumoʼon, mar gaʼar gaed: Gamaed ra kay e ggan romaed, ma gamaed chuw ko mad ni fanmaed; kemus ni ngam piningmaed u fithingam ni nge chuweg e tamraʼ romaed.

2 Lan e re rran nem e bay ba paʼangin rokʼ Somoel nra felʼ usun ma rib mangil; fare waʼamngin e fayleng e rra mangil me felʼ usun u oewchen fa piʼinem ku Israel nra miil gaed.

3 Ma bay yibi buch, ni piʼin ni kan pagraed u Zion mar magaey gaed u Jerusalem e yira yoeg ni yaed ba thothup, gubin e piʼin ni kan yoloey ni ku yaed ba fos u lan yu Jerusalem—

4 Napʼan ni fare Somoel e ra machalbog nag fapi rugod nu Zion ko fare galong, ma ke machalbog nag fare kirbin yu Jerusalem u dakean fare pufthin nge machalbog.

5 Ma fare Somoel e bayi sunmiy u dakean gubin yang ni yibe paer riy ko burey nu Zion, ngo dakean e pi ulung rokʼ, bangi manileng nge ath nib rran nge raʼen e dramrom ko nifiy ni ke nepʼ; ni matanag nga dakean gubin e rir nu Zion.

6 Ma bay yib bangi toglulʼ ni rran ni nge upnguyey ko gowael, nge bangi banʼen ni fan ko magif, nge miith ko yokoʼ nge nʼuw.