1 Ngokuba bheka, iNkosi, iNkosi yamaBandla, isusa eJerusalema, kanye nakuJuda, insika kanye nodondolo, udondolo lonke lwesinkwa, kanye nensika yonke yamanzi—

2 Indoda enamandla, kanye nendoda yempi, umahluleli, kanye nomphrofethi, kanye nohlakaniphileyo, kanye nomdala;

3 Induna yamashumi amahlanu, kanye nomuntu ohloniphekileyo, kanye nomeluleki, kanye nengcweti ehlakaniphileyo, kanye nesikhulumi esinekhono.

4 Futhi ngiyobanika abantwana ukuthi babe ngamakhosi abo, futhi nezingane ziyobusa phezu kwabo.

5 Futhi abantu bayocindezelwa, yilowo nalowo ngomunye, futhi yilowo nalowo ngumakhelwane wakhe; ingane iyohamba ngokubhensa phambi kwabadala, ngokunjalo namashinga kubo abahloniphekileyo.

6 Lapho umuntu eyobamba umfowabo wendlu kayise, futhi bese ethi: Wena unengubo, yiba ngumbusi wethu, futhi ungayivumeli ^alencithakalo ize ngaphansi kwesandla sakho—

7 Ngalo lolo suku uyofunga, ethi: Angizukuba ^angumelaphi; ngokuba endlini yami akukho sinkwa nazingubo; ningangenzi umbusi wabantu.

8 Ngokuba iJerusalema ^aichithiwe, futhi noJuda ^buwile, ngenxa yokuthi izilimi zabo kanye nezenzo zabo beziphambene neNkosi, ukucunula amehlo enkazimulo yayo.

9 Isimo sobuso babo siyafakaza ngokumelene nabo, futhi simemezela isono sabo ukuthi sinjengaso ngisho ^aesaseSodoma, futhi abanakusifihla. Maye emiphefumulweni yabo, ngokuba bazenzele ububi.

10 Yisho kwabalungileyo ukuthi ^akuhle kubo; ngokuba bayodla isithelo sezenzo zabo.

11 Maye kwababi, ngokuba bayobhujiswa; ngokuba umvuzo wezandla zabo uyoba phezu kwabo!

12 Abantu bami, abantwana bangabacindezeli babo, futhi abesifazane bayabusa phezu kwabo. O bantu bami, labo ^aabaniholayo benza ukuthi niphambuke futhi bashabalalise indlela yemikhondo yenu.

13 INkosi imele ^aukunicelela, futhi imele ukwahlulela abantu.

14 INkosi iyongena ekwahluleleni kanye nabadala babantu bayo kanye ^anamakhosana abo; ngokuba ^bnidle ^cisivini ^dnempango ^eyabampofu ezindlini zenu.

15 Nichaza ukuthini na? Nishaya abantu bami baba yizicucu, futhi nigaya ubuso babampofu, kusho iNkosi uNkulunkulu wamaBandla.

16 Phezu kwalokho, iNkosi ithi: Ngenxa yokuthi amadodakazi aseSiyoni aphakeme, futhi ahamba nezintamo ezeluliwe kanye namehlo aqhikizayo, ehamba futhi ^aecokama ekuhambeni kwawo, futhi enza ubukhencekhence ngezinyawo zawo—

17 Ngalokho-ke iNkosi iyolushaya ngoqweqwe ukhakhayi lwamakhanda amadodakazi aseSiyoni, futhi iNkosi ^aiyozithola izinxenye zezimfihlo zabo.

18 Ngalo lolo suku iNkosi iyobususa ubucwebecwebe bobukhencekhence bemihlobiso yawo, kanye ^anezigqoko ezinamanethi, kanye ^bnezimbedu eziyindilinga njengenyanga;

19 Izigqizo kanye namasongo, kanye ^anezimvakazi;

20 Izigqoko, nemihlobiso yemilenze, nemiqhele, namakha, kanye namacici ezindlebe;

21 Izindandatho, kanye nobucwebe bamakhala;

22 ^aIzembatho ezingagqokwa nezinye, kanye nezembatho zemikhosi, kanye nezembatho zokumboza ubuso nentamo, kanye nezipeletu zezinwele;

23 ^aIzibuko, kanye nelineni elicolekileyo, kanye nemishuqulo, kanye namaveyili.

24 Futhi kuyokwenzeka ukuthi, esikhundleni samakha kuyoba khona iququ; esikhundleni sebhande, ^aukudabuka; esikhundleni sezinwele ezilungiswe kahle, impandla; esikhundleni ^bsesidiya, ukwembatha ingubo yesaka; ^cukusha esikhundleni sobuhle.

25 Amadoda akho ayokuwa ngenkemba ngokunjalo namaqhawe akho empini.

26 Futhi amasango akhe ayolila futhi akhale; futhi uyophundleka, futhi uyohlala phansi.