1 Ut kik’ulman naq li anjel kinraatina, ut kixye: Chat-iloq! Ut kin’ilok, ut kiwil k’iila tenamit ut awa’b’ejihom.

2 Ut li anjel kixye we: K’a’ru nakawil? Ut kinye: nawil naab’al li tenamit ut awa’b’ejihom.

3 Ut kixye we: A’ineb’ li tenamit ut li awa’b’ejihom reheb’ laj Gentil.

4 Ut kik’ulman naq kiwil sa’ xyanqeb’ lix tenamiteb’ laj ^aGentil lix k’ojlajik jun li ^bnimla iglees.

5 Ut li anjel kixye we: K’e reetal lix k’ojlajik jun li iglees li q’axal tz’eqb’eetal sa’ xb’eeneb’ chixjunil chik li iglees, li ^anakamsink reheb’ laj santil paab’anel re li Dios; relik chi yaal, ut naxk’uub’ li rahilal choq’ reheb’, ut naxb’ak’eb’, ut naxk’e sa’ xb’eeneb’ jun li ^biiqleb’ ch’iich’, ut naxk’ameb’ taq’a chi preexil.

6 Ut kik’ulman naq kiwil li ^animla tz’eqb’eetal iglees a’in; ut kiwil ^blaj tza naq a’an laj k’ojob’anel chaq re.

7 Ut kiwil li ^aoor, ut li plaat, ut li lemtz’ t’ikr, ut li kaqi t’ikr, ut li q’unal t’ikr b’aqb’il chi chaab’il, ut li k’iila paay chi aq’ej terto xtz’aq, ut kiwil naab’al li ixq aj yumb’eet.

8 Ut li anjel kinraatina, ut kixye: K’e reetal li oor, ut li plaat, ut li lemtz’ t’ikr, ut li kaqi t’ikr, ut li q’unal t’ikr chaab’il xb’aqb’al, ut li aq’ej terto xtz’aq, ut li ixq aj yumb’eet, a’an li ^aratawom li nimla tz’eqb’eetal iglees a’in.

9 Ut jo’kan ajwi’ re te’nimaaq ru xb’aan li ruchich’och’ ^aneke’xsacheb’ laj santil paab’anel re li Dios, ut neke’xk’ameb’ taq’a chi preexil.

10 Ut kik’ulman naq kin’ilok ut kiwil k’iila ha’; ut ke’xjacheb’ ru laj Gentil rik’in li riyajileb’ li was.

11 Ut kik’ulman naq li anjel kixye we: K’e reetal, lix josq’il li Dios wan sa’ xb’eeneb’ li riyajileb’ laa was.

12 Ut kin’ilok ut kiwil jun li winq sa’ xyanqeb’ laj Gentil, li jachjo rik’ineb’ li riyajileb’ li was xb’aan li k’iila ha’; ut kiwil lix ^aMusiq’ li Dios, naq kikub’e chaq ut kik’anjelak sa’ xb’een li winq, ut a’an xko’o chiru li k’iila ha’, toj rik’ineb’ li riyajileb’ li was, li wankeb’ chaq sa’ li yeechi’inb’il ch’och’.

13 Ut kik’ulman naq kink’e reetal lix Musiq’ li Dios, naq kik’anjelak sa’ xb’een jalaneb’ chik chi aj Gentil; ut ke’el chaq chi preexil, chiru li k’iila ha’.

14 Ut kik’ulman naq kiwil ^ak’iila ch’uut reheb’ laj Gentil sa’ xb’een li ^bch’och’ li yeechi’inb’il; ut kink’e reetal lix josq’il li Dios, naq kiwan sa’ xb’eeneb’ li riyajileb’ li was; ut ^cke’jek’iik chaq chiruheb’ laj Gentil ut ke’sak’e’.

15 Ut kink’e reetal lix Musiq’ li Qaawa’, naq kiwan sa’ xb’eeneb’ laj Gentil, ut ke’usa ut ke’xk’ul li ^ach’och’ choq’ reechanihomeb’; ut kink’e reetal naq saqeb’ xtib’el, ut q’axal chaq’aleb’ ru ut ^bch’ina-useb’, chanchaneb’ lin tenamit naq maji’ ^cneke’kamsiik.

16 Ut kik’ulman naq laa’in, aj Nefi, kink’e reetal naq eb’ laj Gentil li ke’el chaq chi preexil ke’xtuulanob’resi rib’ chiru li Qaawa’; ut lix wankil li Qaawa’ kiwan ^arik’ineb’.

17 Ut kiwil naq eb’ laj Gentil sa’ xna’il ch’och’eb’ chaq ke’ch’utla sa’ xb’eeneb’ li ha’, ut sa’ xb’een ajwi’ li ch’och’, re xpleetinkileb’.

18 Ut kink’e reetal naq lix wankil li Dios kiwan rik’ineb’, ut jo’kan ajwi’ naq lix josq’il li Dios kiwan sa’ xb’eeneb’ chixjunil li ch’utch’uukeb’ chaq chiruheb’ chixpleetinkileb’.

19 Ut laa’in, aj Nefi, kink’e reetal naq eb’ laj Gentil li ke’el chaq chi preexil ^ake’kole’ chaq xb’aan lix wankilal li Dios sa’ ruq’eb’ chixjunil chik li tenamit.

20 Ut kik’ulman naq laa’in, aj Nefi, kink’e reetal naq ke’usa sa’ li ch’och’; ut kink’e reetal jun li ^ahu, ut k’amb’il sa’ xyanqeb’.

21 Ut li anjel kixye we: Ma nakanaw xyaalalil li hu?

22 Ut laa’in kinye re: ink’a’ ninnaw.

23 Ut a’an kixye: K’e reetal naq na’el chaq sa’ xtz’uumal re jun aj Judio. Ut laa’in, aj Nefi, kink’e reetal, ut a’an kixye we: Li ^ahu li nakak’e reetal a’an jun ^btz’iib’anb’il esil reheb’ laj ^cJudio, wan wi’ lix sumwank li Qaawa’, li kixk’uub’ choq’ re lix junkab’al laj Israel; ut wan ajwi’ chi sa’ naab’al lix profeetil aatineb’ li santil profeet; ut a’an jun li tz’iib’anb’il esil chanchan li k’a’ru tz’iib’anb’il li wan chiruheb’ li ^dperel ch’iich’ bronce, ka’ajwi’ naq moko wan ta xk’ihal jo’ aran; a’ut wan chi sa’ lix sumwank li Qaawa’, li kixk’uub’ choq’ re lix junkab’al laj Israel; jo’kan naq nim lix loq’al choq’ reheb’ laj Gentil.

24 Ut lix anjel li Qaawa’ kixye we: Aawilom naq li hu na’el chaq sa’ xtz’uumal re jun aj Judio, ut naq ki’el chaq sa’ xtz’uumal re jun aj Judio, wan chi sa’ lix tz’aqalil lix evangelio li Qaawa’, li neke’xch’olob’ wi’ xyaalal li kab’laju chi apostol; ut eb’ a’an neke’xch’olob’ xyaalal jo’ chanru li yaal li wan rik’in lix Karneer li Dios.

25 Jo’kan ut, eb’ li na’leb’ a’in neke’chal chaq rik’ineb’ laj ^aJudio ut neke’xik sa’ xtz’aqalil rik’ineb’ laj ^bGentil, jo’ chanru li yaal li wan rik’in li Dios.

26 Ut chirix naq neke’xik xb’aan li ruq’eb’ li kab’laju chi apostol re li Karneer, chalen chaq eb’ laj Judio toj ^arik’ineb’ laj Gentil, nakawil lix k’ojlajik li ^bnimla tz’eqb’eetalil ^ciglees a’an, li q’axal tz’eqb’eetal wi’chik chiru chixjunileb’ chik li iglees, xb’aan naq k’e reetal, ^dxe’risi chaq sa’ lix evangelio li Karneer k’iila raqal li ^esaqen ru ut q’axal wan xloq’al; ut jo’kan ajwi’ k’iila sumwank re li Qaawa’ ke’risi chaq.

27 Ut chixjunil a’in ke’xb’aanu re naq te’xpo’ ru lix tiikil b’e li Qaawa’, re te’xmutz’ob’resi li ruheb’ ut te’xkawob’resi li raameb’ li ralal xk’ajoleb’ li winq.

28 Jo’kan ut, nakawil naq chirix naq xnume’ li hu sa’ ruq’ li nimla tz’eqb’eetal iglees a’in, naq wan k’iila na’leb’ saqen ru ut loq’eb’ li isinb’ileb’ chaq sa’ li hu, a’an lix huhil lix Karneer li Dios.

29 Ut chirix naq isinb’ileb’ chaq li na’leb’ a’in saqen ru ut loq’, naxik rik’ineb’ chixjunil lix tenamiteb’ laj Gentil; ut chirix naq xikenaq rik’ineb’ chixjunil lix tenamiteb’ laj Gentil, relik chi yaal, toj chixjunpak’alil li k’iila ha’ li kawil, rik’ineb’ laj Gentil li ke’el chaq chi preexil, nakawil—xb’aan li k’iila na’leb’ saqen ru ut loq’ li isinb’ileb’ chaq sa’ li hu, li saqen chaq ru chiru lix k’a’uxleb’ li ralal xk’ajoleb’ li winq, jo’ chanru lix saqenkil ru li wan rik’in lix Karneer li Dios—sa’ xk’ab’a’ li na’leb’ a’in li isinb’il chaq sa’ lix evangelio li Karneer, q’axal k’iheb’ li neke’tichk’ok, relik chi yaal, toj reetal naq laj Satanas naxk’ul nimla wankilal sa’ xb’eeneb’.

30 A’b’anan, nakak’e reetal naq eb’ laj Gentil li elenaqeb’ chaq chi preexil, ut taqsinb’ileb’ chaq xb’aan lix wankil li Dios sa’ xb’eeneb’ chixjunil chik li tenamit, sa’ xb’een li ch’och’ li sik’b’il ru chiru chixjunil chik li ch’och’, a’an li ch’och’ ki’ok wi’ sa’ sumwank li Qaawa’ Dios rik’in laa yuwa’ naq li riyajil te’xk’ul choq’ ^axch’och’il li reechanihomeb’; jo’kan ut, nakawil naq li Qaawa’ Dios ink’a’ tixkanab’eb’ laj Gentil chixsachb’al chi jun waakaj li ^bjun jachal laa wiyajil li junajinb’il sa’ xyanqeb’ laa was.

31 Chi moko tixkanab’eb’ laj Gentil ^achixsachb’al li riyajileb’ laa was.

32 Chi moko tixkanab’ li Qaawa’ Dios naq junelik te’kanaaq laj Gentil sa’ li xuwajel mutz’alil a’an, li nakak’e reetal naq wankeb’ wi’, sa’ xk’ab’a’ li raqal saqen ru ut q’axal loq’ re lix evangelio li Karner, li ramb’il chaq xb’aan li ^atz’eqb’eetal iglees a’an, li xawil wi’ xk’ojlajik.

33 Jo’ka’in ut naxye lix Karneer li Dios: Laa’in tinwuxtaanaheb’ ru laj Gentil, toj reetal naq tinwula’ani li rela’ lix junkab’al laj Israel rik’in nimla raqb’a-aatin.

34 Ut kik’ulman naq lix anjel li Qaawa’ kinraatina, ut kixye: K’e reetal, chan lix Karneer li Dios, chirix naq akaq kiwula’ani li ^arela’ lix junkab’al laj Israel—ut li rela’ a’in li nin’aatinak wi’ a’an li riyajil laa yuwa’—jo’kan ut, chirix naq akaq kiwula’aniheb’ rik’in raqb’a-aatin, ut akaq kinsak’eb’ rik’in ruq’eb’ laj Gentil, ut chirix naq ^bte’tichk’oq laj Gentil chi numtajenaq, sa’ xk’ab’a’ li jar raqal li q’axal saqen ru ut loq’ sa’ lix ^cevangelio li Karneer, li ramb’il ru xb’aan li tz’eqb’eetal iglees a’an, a’an lix na’ileb’ li ixq aj yumb’eet, chan li Karneer—laa’in tinwuxtaanaheb’ ru laj Gentil sa’ li kutan a’an, jo’kan naq ^dtink’e chi k’utmank chiruheb’, rik’in tz’aqal inwankilal, naab’al lin evangelio, li saqenaq ru ut loq’aq, chan li Karneer.

35 Xb’aan naq k’e reetal, chan li Karneer: Laa’in tink’utb’esi wib’ chiruheb’ laa wiyajil, jo’kan naq te’xtz’iib’a k’iila na’leb’ li tink’anjela chiruheb’, li saqenaq ru ut loq’aq; ut chirix naq te’sache’q laa wiyajil, ut te’lajq chi maak’a’aqeb’ xpaab’aal, ut jo’kan ajwi’ li riyajileb’ laa was, k’e reetal, ^ali na’leb’ a’in taamuqmanq, re taak’utmanq chiruheb’ laj Gentil, xb’aan lix maatan ut lix wankilal li Karneer.

36 Ut sa’eb’ a’an taawanq chi tz’iib’anb’il lin ^aevangelio, chan li Karneer, ut lin ^bsaqoonaq ut lin kolb’a-ib’.

37 Ut ^aosob’tesinb’ilaqeb’ li te’xk’e xch’ool re xk’eeb’al chi k’utmank lin ^bSion sa’ li kutan a’an, xb’aan naq taawanq rik’ineb’ li ^cmaatan ut li wankilal re li Santil Musiq’ej; ut wi ^dneke’kuyuk toj sa’ roso’jik te’waklesiiq sa’ roso’jik li kutan, ut te’kole’q sa’ li ^erawa’b’ejihom li Karneer li junelik taakanaaq; ut ani li ^ftaapuktesink resil li tuqtuukilal, relik chi yaal, resil li nimla sahil ch’oolejil, k’a’jo’ xch’ina-usileb’ chaq chiru li tzuul naq te’wanq.

38 Ut kik’ulman naq kink’e reetal li rela’ li riyajileb’ li was, ut jo’kan ajwi’ lix ^ahuhil lix Karneer li Dios, li ki’el chaq sa’ xtz’uumal re laj Judio, naq kichal rik’ineb’ chaq laj Gentil, toj ^brik’ineb’ li rela’ li riyajileb’ li was.

39 Ut chirix naq kiwulak rik’ineb’, kiwileb’ jalan chik li ^ahu, li ke’k’utman chaq xb’aan lix wankilal li Karneer, chalenaqeb’ chaq rik’ineb’ laj Gentil toj rik’ineb’ a’an, re ^bte’q’unb’esiiq xch’ool laj Gentil ut li rela’ li riyajileb’ laa was, jo’ ajwi’ eb’ laj Judio, li jek’inb’ileb’ chiru chixjunil lix b’een li ruchich’och’, naq lix tz’iib’ahomeb’ li profeet, jo’ ajwi’ li kab’laju chi apostol re li Karneer, tz’aqal ^cyaal.

40 Ut li anjel kinraatina, ut kixye: Eb’ li ^atz’iib’anb’il esil a’in, li kawil sa’ roso’jik sa’ xyanqeb’ laj Gentil, ^bte’xxaqab’ xyaalalil li ^cxb’een, a’an reheb’ li kab’laju chi apostol re li Karneer, ut tixk’e chi nawe’k li saqen ru ut loq’il na’leb’ li ki’isiik chaq chi sa’; ut tixk’e chixnaweb’ chixjunileb’ li junkab’al, aatinob’aal, ut teepal, naq lix Karneer li Dios a’an li Ralal li Junelik Yuwa’b’ej, ut laj ^dKolol re li ruchich’och’, ut naq chixjunileb’ li winq tento te’chalq rik’in, malaj ut ink’a’ te’ruuq chi kole’k.

41 Ut tento te’chalq, jo’ chanru li aatin li taaxaqab’amanq xb’aan lix tz’uumal re li Karneer; ut li raatin li Karneer taak’utb’esimanq sa’eb’ li esil tz’iib’anb’il xb’aaneb’ laa wiyajil; jo’ ajwi’ li esil tz’iib’anb’il xb’aaneb’ li kab’laju chi apostol re li Karneer; jo’kan naq te’xaqab’aaq li wiib’ sa’ ^ajunajil; xb’aan naq ^bjunaj chi Dios wan ut junaj aj ^cIlol Karneer sa’ xb’een chixjunil li ruchich’och’.

42 Ut taachalq xkutankil naq a’an tixk’utb’esi rib’ chiruheb’ chixjunil li tenamit, chiruheb’ laj ^aJudio jo’ ajwi’ chiruheb’ laj Gentil; ut chirix naq xk’utb’esi rib’ chiruheb’ laj Judio ut jo’kan ajwi’ chiruheb’ laj Gentil, toja’ naq tixk’utb’esi rib’ chiruheb’ laj Gentil ut chiruheb’ ajwi’ laj Judio, ut li wan sa’ ^broso’jik taawanq choq’ xb’eenil, ut li ^cxb’eenil taawanq sa’ roso’jik.