1 Ut chixjunil li k’a’aq re ru a’in kiril lin yuwa’, ut kirab’i, ut kixye naq toj yoo chi wank sa’ jun li muheb’aal t’ikr, sa’ li ^aru taq’a Lemuel, jo’ ajwi’ naab’al chik xkomon li k’a’aq re ru, li ink’a’ naru xtz’iib’ankil chiruheb’ li perel ch’iich’ a’in.

2 Anajwan ut, jo’ xin’aatinak chirixeb’ li perel ch’iich’ a’in, k’ehomaq reetal, moko a’aneb’ ta li perel ch’iich’ nink’e wi’ chi tz’aqal li esil chirix lin tenamit; xb’aan naq eb’ li ^aperel ch’iich’ nink’e wi’ chi tz’aqal li esil chirix lin tenamit, a’an Nefi kink’e choq’ xk’ab’a’; jo’kan naq a’aneb’ lix perel ch’iich’ laj Nefi nayeeman reheb’, jo’ chanru ink’ab’a’ laa’in; ut eb’ li perel ch’iich’ a’in, a’aneb’ ajwi’ lix perel ch’iich’ laj Nefi nayeeman reheb’.

3 A’ut kink’ul jun lix taqlahom li Qaawa’ naq tinyiib’eb’ li perel ch’iich’ a’in, re jun li chaab’il ^aajom re taawanq jun li esil tz’iib’anb’il chirix lix ^bk’anjel lin tenamit sa’ li paab’aal.

4 Chiruheb’ li jun ch’ol chik chi perel ch’iich’ taatz’iib’amanq jun esil chirix li rawa’b’ejileb’ li rey, ut eb’ li pleet ut li wech’ok-ib’ re lin tenamit; jo’kan naq eb’ li perel ch’iich’ a’in wankeb’ choq’ re xk’ihal li k’anjel sa’ li paab’aal; ut li ^ajun ch’ol chik chi perel ch’iich’ wankeb’ choq’ re xk’ihal li rawa’b’ejileb’ li rey ut eb’ li pleet ut li wech’ok-ib’ re lin tenamit.

5 Jo’kan ut, li Qaawa’ kinixtaqla chixyiib’ankileb’ li perel ch’iich’ a’in choq’ re jun lix ^achaab’il ajom a’an, jun ajom li moko nawb’il ta inb’aan.

6 A’b’anan li Qaawa’ ^anaxnaw chixjunil li k’a’aq re ru chalen chaq sa’ xtiklajik; jo’kan ut, a’an naxkawresi jun li b’e re taa’uxmanq chixjunil lix k’anjel sa’ xyanqeb’ li ralal xk’ajoleb’ li winq; xb’aan naq k’ehomaq reetal, a’an wan chixjunil lix ^bwankilal re xtz’aqob’resinkil ru chixjunil li raatin. Ut jo’kan wan. Amen.