1 Ut kik’ulman naq kiwaatinaheb’ li was, ut kinye: Chootaqe’q wi’chik Jerusalen, ut ^atiikaqo chixpaab’ankil lix taqlahom li Qaawa’; xb’aan naq k’ehomaq reetal, a’an q’axal kaw wi’chik xmetz’ew chiru chixjunil li ruchich’och’; k’a’ put naq ink’a’ q’axal ^bkawaq wi’chik xmetz’ew chiru laj Laban ut lix lajeeb’ roxk’aal, relik chi yaal, chiru ajwi’ lix lajetq mil?

2 Choxootaqe’q ut; ^akawaq qib’ jo’ laj ^bMoises; xb’aan naq a’an kiraatina chi yaal lix ha’il li ^cKaqi Palaw, ut kixjach rib’ chi ka’pak’al, ut eb’ li qayuwa’ ke’nume’ chaq, relikeb’ chaq chi preexil, chiru chaqi b’e, ut eb’ li teep aj pleet re laj Farahon ke’taaqenk ut ke’ok chi ha’ sa’ xha’il li Kaqi Palaw.

3 Anajwan k’ehomaq reetal, laa’ex nekenaw naq yaal a’in; ut nekenaw ajwi’ naq jun li ^aanjel x’aatinank eere; chan put ru naru nawiib’an eech’ool? Choxootaqe’q ut; li Qaawa’ naru chiqakolb’al, jo’ chan ru eb’ li qayuwa’, ut chixsachb’al laj Laban, jo’ chan ru eb’ laj Egipcio.

4 Ut chirix naq kinye li aatin a’in, toj yookeb’ xjosq’il, ut toj yookeb’ chaq chi wech’ink, a’b’anan kine’xtaaqe taqe’q toj reetal naq koowulak chirix lix xaqxookil tz’ak Jerusalen.

5 Ut q’ojyin chik; ut kintaqla xmuqb’aleb’ rib’ chirix li xaqxookil tz’ak. Ut chirix naq ke’xmuq rib’, laa’in, aj Nefi, kin’ok xmuqb’esinkil wib’ sa’ li tenamit ut xkohin sa’ xjayal li rochoch laj Laban.

6 Ut ^ak’amb’il chaq inb’e xb’aan li Musiq’ej, chi ^bmoko ninnaw ta chirub’eetal k’a’ru li tento tinb’aanu.

7 A’ut xkohin, ut naq kinnach’ok wan wi’ rochoch laj Laban kiwil jun li winq, ut t’anenaq chi ch’och’ chiwu, xb’aan naq kalajenaq rik’in viin.

8 Ut naq kinwulak rik’in, kintaw naq a’an aj Laban.

9 Ut kink’e reetal lix ^ayok’leb’ ch’iich’, ut kinb’otz’ sa’ rochoch; ut tz’aqal ch’iich’ oor li roq, ut q’axal chaab’il lix yiib’ankil, ut kiwil naq lix yok’leb’aal okenaq rik’in kawil ch’iich’ li q’axal terto xtz’aq.

10 Ut kik’ulman naq ^akin’elajiik xb’aan li Musiq’ej naq tinkamsi laj Laban; a’b’anan kinye sa’ inch’ool: Maajun wa inhoyom xkik’el li winq. Ut kika’ch’ino’ inch’ool, ut kiwaj raj naq ink’a’ tinkamsi.

11 Ut li Musiq’ej kixye wi’chik we: K’e reetal, li ^aQaawa’ xq’axtesi a’an sa’ laa wuq’. Relik chi yaal, ut kinnaw ajwi’ naq a’an kixsik’ chaq risinkil inyu’am laa’in; relik chi yaal, ut ink’a’ kiraj ab’ink chiru lix taqlahom li Qaawa’; ut jo’kan ajwi’ ^bkixmaq’ chaq li k’a’ re ru qe.

12 Ut kik’ulman naq li Musiq’ej kixye wi’chik we: Kamsi, xb’aan naq li Qaawa’ xq’axtesi sa’ laa wuq’;

13 K’e reetal naq li Qaawa’ ^anaxkamsiheb’ ^blaj maak re xk’eeb’al chi k’utmank lix tiikil ajom. ^cUs wi’chik naq taa’oso’q jun li winq chiru naq taalajq ut taa’oso’q jun tenamit chi maak’a’eb’ xpaab’aal.

14 Ut anajwan naq laa’in, aj Nefi, ak xwab’i li aatin a’in, kijultiko’ we li raatin li Qaawa’ li kixye chaq we sa’ li yamyookil ch’och’, naq kixye naq: ^aA’ yaal jo’ naq eb’ laa wiyajil te’xpaab’ lin ^btaqlahom, eb’ a’an ^cte’usaaq sa’ li ^dch’och’ li yeechi’inb’il.

15 Relik chi yaal, ut kink’oxla ajwi’ naq ink’a’ te’ruuq chixpaab’ankil lix taqlahom li Qaawa’ jo’ chanru lix chaq’rab’ laj Moises, ka’ajwi’ wi wan li chaq’rab’ rik’ineb’.

16 Ut kinnaw ajwi’ naq li ^achaq’rab’ tz’iib’anb’il chiruheb’ li perel ch’iich’ bronce.

17 Ut jo’kan wi’chik, kinnaw naq li Qaawa’ kixq’axtesi laj Laban sa’ wuq’ re ajwi’ a’in—re naq laa’in tink’ul li tz’iib’anb’il esil jo’ chanru lix taqlahom.

18 Jo’kan naq kin’ab’in chiru lix yaab’ xkux li Musiq’ej, ut kinchap laj Laban chiru li rismal ut kinch’ot chaq xjolom rik’in tz’aqal lix ^ayok’leb’ ch’iich’.

19 Ut chirix naq kinch’ot chaq lix jolom rik’in tz’aqal lix yok’leb’ ch’iich’, kinchap li raq’ laj Laban ut kink’e chirix inxaqalil laa’in, relik chi yaal, chi tz’aqal tz’aqal, ut lix kolb’a-ib’ aq’ kinb’ak’ chirix lin yiitoq.

20 Ut chirix naq kinb’aanu a’in, xkohin sa’ lix k’uleb’aal eechej laj Laban. Ut naq yookin chi xik sa’ lix k’uuleb’aal eechej laj Laban, k’ehomaq reetal, kiwil lix ^amoos laj Laban li wan xlaawil li k’uuleb’aal eechej rik’in. Ut kintaqla rik’in xyaab’ xkux laj Laban naq taa’ok chiwix sa’ li k’uuleb’aal eechej.

21 Ut a’an kixk’oxla naq laa’in laj Laban laj eechal re, xb’aan naq kiril li aq’ej, jo’ ajwi’ li yok’leb’ ch’iich’ li b’ak’b’o chirix inyiitoq.

22 Ut kinraatina chirixeb’ li xb’eenileb’ laj Judio, xb’aan naq naxnaw naq laj Laban, laj eechal re, kiwan chaq chi q’eq sa’ xyanqeb’.

23 Ut kiwaatina jo’ chanchan laa’in raj laj Laban.

24 Ut kinye ajwi’ re naq tink’am li k’a’ru tz’iib’anb’il, li wan chiruheb’ li ^aperel ch’iich’ bronce, reheb’ li was, li wankeb’ chirix li xaqxookil tz’ak.

25 Ut kinye ajwi’ re naq tinixtaaqe.

26 Ut a’an kixk’oxla naq kin’aatinak chirixeb’ li komon sa’ li iglees, ut naq laa’in chi yaal laj Laban li kamsinb’il chaq inb’aan, jo’kan naq kinixtaaqe.

27 Ut kinraatina k’iila sut chirixeb’ li xb’eenileb’ laj Judio, naq yookin chi xik rik’ineb’ li was, li wankeb’ chaq chirix li xaqxookil tz’ak.

28 Ut naq kinril laj Laman, kik’ulman naq kichal xxiw chi numtajenaq, jo’ ajwi’ laj Lemuel ut laj Sam. Ut ke’eelelik chaq chiwu; xb’aan naq ke’xk’oxla naq a’an laj Laban, ut naq xinixkamsi chaq, ut kiraj ajwi’ risinkileb’ xyu’ameb’ a’an.

29 Ut kik’ulman naq kinb’oqeb’, ut eb’ a’an kine’rab’i, jo’kan naq ke’xkanab’ eelelik chiwu.

30 Ut naq lix moos laj Laban kixk’eheb’ reetal li was, kik’ulman naq ki’ok chi siksotk, ut ok raj re chi eelelik chiwu ut chi sutq’iik sa’ li tenamit Jerusalen.

31 Ut anajwan laa’in, aj Nefi, rik’in naq laa’in jun winq nim inxaqam, ut naab’al ^ainmetz’ew k’eeb’il chaq we xb’aan li Qaawa’, jo’kan naq kinchap lix moos laj Laban, ut kinram, re naq ink’a’ taa’eeleliq.

32 Ut kik’ulman naq kin’aatinak rik’in, naq wi taa’ab’inq chiru li waatin, jo’ naq yo’yo li Qaawa’, ut jo’ naq yo’yookin laa’in, jo’kan ajwi’ wi taa’ab’inq chiru li qaatin, taqakol lix yu’am.

33 Ut kiwaatina, rik’in ajwi’ ^axaqab’anb’il aatin, naq maak’a’ tixxuwa; naq taawanq choq’ ach’ab’anb’il winq jo’ laa’o wi taakub’eeq chiqix sa’ li yamyookil ch’och’.

34 Ut jo’kan ajwi’ kiwaatina, ut kinye: Relik chi yaal naq li Qaawa’ ^akooxtaqla chixb’aanunkil li na’leb’ a’in, ut ma ink’a’ tab’i’ taqayal qaq’e chixpaab’ankileb’ lix taqlahom li Qaawa’? Jo’kan ut, wi tatkub’eeq sa’ li yamyookil ch’och’ rik’in lin yuwa’ taawanq aana’aj qik’in.

35 Ut kik’ulman naq laj ^aTzoram kichal xkawil xch’ool rik’in li aatin kinye. Anajwan ut, aj Tzoram xk’ab’a’ li moos, ut kixye chi ch’olch’o naq taakub’eeq sa’ li yamyookil ch’och’ rik’in li qayuwa’. Relik chi yaal, kixxaqab’ ajwi’ li raatin chiqu naq taakanaaq qik’in chalen chaq sa’ li hoonal a’an.

36 Anajwan ut, xb’aan a’in naq kiqaj naq taakanaaq qik’in, re naq eb’ laj Judio ink’a’ te’xnaw chirix li qeelelik chiru yamyookil ch’och’, maare anchal toohe’xtaaqe ut toohe’xsach.

37 Ut kik’ulman naq chirix naq laj Tzoram ^akixxaqab’ li raatin chiqu, kisach li qaxiw chirix a’an.

38 Ut kik’ulman naq kiqak’ameb’ li perel ch’iich’ bronce ut lix moos laj Laban, ut xookoho chiru li yamyookil ch’och’, ut koob’eek toj sa’ xmuheb’aal t’ikr li qayuwa’.