Ebʼ li loqʼlaj hu
1 Nefi 12


Ch’ol 12

Laj Nefi naril sa’ k’utb’esinb’il matk’ li ch’och’ li yeechi’inb’il; lix tiikilaleb’, lix maa’usilaleb’, ut lix t’anikeb’ li wankeb’ chi sa’; lix k’ulunik lix Karneer li Dios sa’ xyanqeb’; chan ru naq eb’ li Kab’laju chi Tzolom ut li Kab’laju chi Apostol te’xraq aatin chirix Israel; ut lix yib’eetalileb’ ut xtz’ajnileb’ li te’lajq chi maak’a’aqeb’ xpaab’aal. Wan na 600–592 chihab’ ma nayo’la li Kristo.

1 Ut kik’ulman naq li anjel kixye we: Chat-iloq, ut chak’e reetal laa wiyajil, jo’ ajwi’ li riyajileb’ laa was. Ut kin’ilok ut kink’e reetal li ach’och’ li yeechi’inb’il, ut kink’e reetaleb’ li jar ch’uut chi tenamit, relik chi yaal, chanchan naq wan rajlankileb’ jo’ xk’ihal li samahib’ chire li palaw.

2 Ut kik’ulman naq kiwileb’ li jar ch’uut chi tenamit ch’utch’uukeb’ chi pleetik, li jun ch’uut rik’in li jun chik; ut kink’e reetaleb’ li apleet, ut resileb’ li pleet, ut li ninqi kamsink rik’in li yok’leb’ ch’iich’ sa’ xyanq lin tenamit.

3 Ut kik’ulman naq kiwil chi nume’k k’iila tasal tenamit, chi wan li pleetik ut li wech’ok-ib’ sa’ li ch’och’; ut kiwileb’ naab’al li xninqal tenamit, relik chi yaal, jo’kan naq ink’a’ kink’eheb’ sa’ ajl.

4 Ut kik’ulman naq kiwil jun li aq’ojyinal bchoql sa’ xb’een li ch’och’ li yeechi’inb’il, ut kiwil xrepomeb’ li kaaq, ut kiwab’iheb’ li kaaq; ut eb’ li hiik, ut li k’iila paay chi kawil eek’ank; ut kiwil li ch’och’ ut li pek naq ke’jache’; ut kiwileb’ li ninqi tzuul chi uq’e’k chi jachinb’il; ut kiwileb’ li helhookil na’ajej re li ruchich’och’, naq ke’buq’uxo’; ut kiwil naab’al li ninqi tenamit naq cke’sub’e’; ut kiwileb’ naab’al, naq ke’k’ate’ rik’in xam; ut kiwil naab’al li ke’uq’e’ chi ch’och’, sa’ xk’ab’a’ li hiikank yoo chixsa’.

5 Ut kik’ulman chirix naq kiwil li k’a’aq re ru a’in, kiwil lix ab’ook li aak’ab’, naq kinume’ chaq sa’ xb’een li ruchich’och’; ut k’ehomaq reetal, ke’wil jar ch’uut chi tenamit li ink’a’ chaq ke’t’ane’ rik’in lix ninqal xuwajel raqb’a-aatin li Qaawa’.

6 Ut kiwil chi teeliik li choxa, ut lix aKarneer li Dios chi kub’eek chaq sa’ choxa; ut kikub’e ut kixk’ut rib’ chiruheb’.

7 Ut kiwil ajwi’ ut ninch’olob’ xyaalal naq li Santil Musiq’ej kit’ane’ sa’ xb’een akab’laju chik, ut eb’ a’an ke’k’ojob’aak xb’aan li Dios, ut ke’sik’e’ ru.

8 Ut li anjel kinraatina, ut kixye: K’e reetaleb’ li kab’laju chi tzolom re li Karneer, li sik’b’ileb’ ru chi k’anjelak chiruheb’ laa wiyajil.

9 Ut kixye we: Jultik aawe li akab’laju chi apostol re li Karneer? K’e reetal, a’aneb’ li bte’raqoq aatin chirix lix kab’laju xteepal laj Israel; jo’kan ut, xb’aaneb’ a’an naq taaraqe’q aatin chirixeb’ li kab’laju chi aj k’anjel re laa wiyajil; xb’aan naq laa’ex xkomonex lix junkab’al laj Israel.

10 Ut eb’ li akab’laju chi aj k’anjel a’in li nakawil te’raqoq aatin chirixeb’ laa wiyajil. Ut, k’e reetal, tiikeb’ xch’ool chi junelik; xb’aan naq sa’ xk’ab’a’ lix paab’aal chirix lix Karneer li Dios, saqob’resinb’il ru li braq’eb’ sa’ xkik’el a’an.

11 Ut li anjel kixye we: Chat-iloq! Ut kin’ilok, ut kiwil aoxib’ tasal tenamit chi nume’k sa’ tiikilal; ut ke’saqob’resiik ru li raq’eb’ chanchan ajwi’ lix Karneer li Dios. Ut li anjel kixye we: Eb’ a’in saqob’resinb’ileb’ ru sa’ lix kik’el li Karneer, sa’ xk’ab’a’ lix paab’aaleb’ chirix.

12 Ut laa’in, aj Nefi, kiwileb’ ajwi’ naab’al sa’ lix akaa tasal tenamit li ke’nume’ xyu’am sa’ tiikilal.

13 Ut kik’ulman naq kiwileb’ li jar teep chi tenamit re li ruchich’och’ chi ch’utch’uukeb’.

14 Ut li anjel kixye we: K’e reetaleb’ laa wiyajil, jo’ ajwi’ li riyajileb’ laa was.

15 Ut kik’ulman naq kin’ilok, ut kink’e reetaleb’ li xkomoneb’ li wiyajil, li ch’utch’uukeb’ sa’ ninqi teep achiru li riyajileb’ li was; ut ch’utch’uukeb’ chi pleetik.

16 Ut li anjel kinraatina, ut kixye: K’e reetal lix yo’leb’aal li atz’ajnil ha’ li kiril laa yuwa’; relik chi yaal, a’an li bnima’ li ki’aatinak wi’; ut lix chamal a’an xchamal li cxb’alb’a.

17 Ut li q’ojyinal achoql, a’an li aaleek xb’aan laj tza, li bnamutz’ob’resink re li ruheb’ ut nakawob’resink re li raameb’ li ralal xk’ajoleb’ li winq, ut naxk’ameb’ xb’e chiruheb’ li cnim ruhil b’e, re naq te’oso’q ut te’sachq.

18 Ut li akab’l nim ut paapo xsa’, li kiril laa yuwa’, a’an lix jo’maajo’il bk’oxlahomeb’ ut lix cq’etq’etileb’ li ralal xk’ajoleb’ li winq. Ut jun li nimla xuwajel djul naxjacheb’ ru; relik chi yaal, a’an li raatin lix etiikal ru xna’leb’ li Junelik Dios, ut li Mesias, a’ lix Karneer li Dios, li naxch’olob’ wi’ xyaalal li Santil Musiq’ej, chalen chaq xtiklajik li ruchich’och’ toj sa’ li kutan a’in, ut chalen chaq sa’ li kutan a’in toj chi junelik.

19 Ut naq yoo li anjel chixyeeb’al li aatin a’in, kink’e reetal ut kiwil naq li riyajileb’ li was ke’pleetik rik’ineb’ li wiyajil, jo’ chanru li raatin li anjel; ut sa’ xk’ab’a’ lix q’etq’etileb’ li wiyajil, ut li aaaleek xb’aan laj tza, kink’e reetal naq li riyajileb’ li was bke’numta chaq sa’ xb’eeneb’ li xkomoneb’ li wiyajil.

20 Ut kik’ulman naq kink’e reetal, ut kiwil li xkomoneb’ li riyajileb’ li was naq ke’numta chaq sa’ xb’een li wiyajil; ut eb’ a’an xkoheb’ chi k’iila teepal chiru lix b’een li ch’och’.

21 Ut ke’wil chi ch’utub’anb’il sa’ xk’ihal ru teep; ut kiwileb’ li apleet ut resileb’ li pleet sa’ xyanqeb’, ut rik’in li pleet ut resileb’ li pleet kiwil chi nume’k k’iila tasal tenamit.

22 Ut li anjel kixye we: K’e reetal, eb’ a’in ate’lajq chi maak’a’aqeb’ xpaab’aal.

23 Ut kik’ulman naq kiwil, chirix naq ke’laj chi maak’a’eb’ xpaab’aal, ke’ok choq’ jun tenamit aq’ojyin ru, ut yib’eetal, ut btz’aj ru, nujenaqeb’ rik’in cq’emal ut li k’iila paay chi tz’eqb’eetalil.