Ch’ol 5
Li xSariah naxwech’ rix laj Lehi—Xkab’ichal neke’saho’ sa’ xch’ool rik’in xsutq’ijik li ralaleb’—Neke’q’axtesin mayej—Chiruheb’ li perel ch’iich’ bronce wan junjunq lix tz’iib’ahom laj Moises ut eb’ li profeet—Chiruheb’ li perel ch’iich’ natawman naq laj Lehi ralal xk’ajol laj Jose—Laj Lehi na’aatinak jo’ profeet chirix li riyajil, ut chirix naq te’k’uulamanq li perel ch’iich’. Wan na 600–592 chihab’ ma nayo’la li Kristo.
1 Ut kik’ulman naq chirix naq kookub’e sa’ li yamyookil ch’och’ rik’in li qayuwa’, k’ehomaq reetal, a’an kinujak rik’in sahil ch’oolejil, ut jo’kan ajwi’ lin na’, li axSariah, kisaho’ xch’ool chi numtajenaq, xb’aan naq kiraho’ chaq xch’ool chi yaal chiqix.
2 Xb’aan naq kixk’oxla naq koo’oso’ chaq chiru li yamyookil ch’och’; ut kixwech’ ajwi’ rix lin yuwa’, kixye naq a’an jun winq aj matk’; kixye: K’e reetal, laa’at xatk’amok qab’e chi elk chaq sa’ xch’och’il li qeechanihom, ut eb’ li walal maak’a’eb’ chik, ut laa’o too’oso’q sa’ li yamyookil ch’och’.
3 Ut jo’ka’in li raatin lin na’ naq kixwech’ chaq rix lin yuwa’.
4 Ut kik’ulman chaq naq lin yuwa’ kiraatina, ut kixye: Ninnaw naq laa’in jun winq aaj matk’, xb’aan naq wi ta ink’a’ wilom li k’a’aq re ru re li Dios sa’ li bk’utb’esinb’il matk’, ink’a’ raj kinnaw ru lix chaab’ilal li Dios, kinkana raj b’an Jerusalen, ut kin’oso’ raj rochb’eeneb’ li was wiitz’in.
5 A’b’an k’e reetal, ink’ulum jun li ach’och’ yeechi’inb’il, ut rik’in li na’leb’ a’an nasaho’ inch’ool; relik chi yaal, ut bninnaw naq li Qaawa’ tixkoleb’ chaq li walal sa’ ruq’ laj Laban, ut tixk’ameb’ wi’chik chaq qik’in sa’ li yamyookil ch’och’.
6 Ut jo’ka’in li raatin lin yuwa’, laj Lehi, naq kixk’ojob’ xch’ool li xSariah lin na’ chiqix laa’o, naq toj yooko chi b’eek chiru li yamyookil ch’och’ re tootaqe’q sa’ li ch’och’ Jerusalen re xtawb’al li tz’iib’anb’il esil reheb’ laj Judio.
7 Ut naq koosutq’i sa’ lix muheb’aal t’ikr lin yuwa’, k’ehomaq reetal, ke’numta xsahileb’ xch’ool, ut kik’ojob’aak xch’ool lin na’.
8 Ut a’an ki’aatinak, ut kixye: Anajwan ninnaw chi ch’olch’o naq li Qaawa’ axtaqlank re lin b’eelom chi eelelik sa’ li yamyookil ch’och’; relik chi yaal, ut ninnaw ajwi’ chi ch’olch’o naq li Qaawa’ kixkoleb’ rix li walal, ut kixkoleb’ chaq sa’ ruq’ laj Laban, ut kixk’e wankilal reheb’ re te’ruuq bchixb’aanunkil li k’a’ru kixtaqlaheb’ wi’ li Qaawa’. Ut jo’ka’in li raatin naq ki’aatinak.
9 Ut kik’ulman naq ke’saho’ sa’ xch’ool chi numtajenaq, ut ke’xq’axtesi li amayej ut li k’atb’il mayej chiru li Qaawa’; ut bke’b’antioxink chiru lix Dios laj Israel.
10 Ut chirix naq ke’b’antioxink chiru lix Dios laj Israel, lin yuwa’, aj Lehi, kixchap li esil li wan chi tz’iib’anb’il chiruheb’ li aperel ch’iich’ bronce, ut kixtz’il rix chalen chaq sa’ xtiklajik.
11 Ut kiril naq wan chi sa’ ro’ichal lix ahu laj Moises, li nayehok resil lix yo’ob’tesinkil li ruchich’och’, jo’ ajwi’ laj Adan ut lix Eva, a’aneb’ li xb’eeneb’ qana’ qayuwa’;
12 Ut jo’kan ajwi’ jun atz’iib’anb’il esil chirixeb’ laj Judio chalen chaq sa’ xtiklajik, toj reetal ajwi’ naq kitikla rawa’b’ejil laj Sedekias, li rey sa’ xb’een Juda;
13 Ut jo’kan ajwi’ lix profeetil aatineb’ li santil profeet, chalen chaq sa’ xtiklajik, toj reetal naq kitikla rawa’b’ejil laj aSedekias; ut jo’kan ajwi’ k’iila profeetil aatin yeeb’il rik’in xtz’uumal re laj bJeremias.
14 Ut kik’ulman naq lin yuwa’, aj Lehi, kixtaw ajwi’ chiruheb’ li aperel ch’iich’ bronce jun resilal lix xe’toonileb’ lix yuwa’; jo’kan naq kixnaw naq a’an ralal xk’ajol laj bJose; relik chi yaal, laj Jose ajwi’ a’an li ralal chaq laj cJakob, li dkik’ayiik toj Egipto, ut ekikole’ rix xb’aan li ruq’ li Qaawa’, re naq taaruuq tixkol rix laj Jakob lix yuwa’, ut chixjunil lix junkab’al, chiru li oso’k xb’aan we’ej.
15 Ut ake’k’ame’ ajwi’ xb’e chi elk chaq sa’ li preexil, ut chi elk chaq sa’ li ch’och’ Egipto, xb’aan ajwi’ li Dios a’an li kikolok chaq reheb’.
16 Ut chi jo’kan lin yuwa’, aj Lehi, kixtaw li resilal lix xe’toonileb’ lix yuwa’. Ut laj Laban a’an ajwi’ ralal xk’ajol laj aJose, jo’kan naq a’an ut eb’ lix yuwa’ ke’xk’uula chaq li tz’iib’anb’il esil.
17 Ut anajwan, naq kiril lin yuwa’ chixjunil li k’a’aq re ru a’in, kinujak rik’in li Musiq’ej, ut ki’ok chi aatinak jo’ profeet chirixeb’ li riyajil—
18 Naq eb’ li perel ch’iich’ bronce a’in te’xik sa’ xyanqeb’ chixjunil li tenamit, li junkab’al, li aatinob’aal, ut li teepal li te’wanq choq’ riyajil a’an.
19 Jo’kan ut, kixye naq eb’ li perel ch’iich’ bronce a’in amaajo’q’e te’oso’q, chi moko chik te’moye’q ru xb’aan xnumikeb’ li chihab’. Ut kixch’olob’ jo’ profeet k’iila na’leb’ chirixeb’ li riyajil.
20 Ut kik’ulman naq toj sa’ li kutan a’an laa’in ut lin yuwa’ kiqapaab’eb’ li taqlahom li b’arwan kooxtaqla wi’ chaq li Qaawa’.
21 Ut kiqataw chaq li tz’iib’anb’il esil li kooxtaqla wi’ chaq li Qaawa’, ut kiqatz’il rix ut kiqataw naq atawal ru; relik chi yaal, k’a’jo’ xnimal axloq’al choq’ qe, jo’kan naq kooru bchixkolb’aleb’ rix lix taqlahom li Qaawa’ choq’ reheb’ li qalal qak’ajol.
22 Jo’kan ut, a’an xchaab’ilal xna’leb’ li Qaawa’ naq taqak’am qik’in naq yooko chi b’eek chiru li yamyookil ch’och’ re tooxik sa’ li ch’och’ li yeechi’inb’il.