1 Ut anajwan kik’ulman naq chirix naq laa’in, aj Nefi, kink’e xraqik raatinankileb’ li was, k’ehomaq reetal, eb’ a’an ke’xye we: Kach’olob’ kawil na’leb’ chiqu, naxq’ax li qakuyum.

2 Ut kik’ulman naq laa’in kinye reheb’ naq ninnaw naq kinye kawil na’leb’ chirixeb’ laj maak, jo’ chanru li yaal; ut eb’ li tiikeb’ xch’ool kintiikob’resi ru, ut kinch’olob’ xyaalal naq te’waklesiiq sa’ roso’jik li kutan; jo’kan ut, li ani ^awan xmaak, kaw naq naril li ^byaal, xb’aan naq ^cnaxyok’eb’ toj sa’ xyiheb’.

3 Ut anajwan, ex was, wi ta tiik eech’ool ut wi ta teeraj ab’ink chiru li yaal, ut teek’e eexik chirix, re ^atexb’eeq chi tiik chiru li Dios, rik’in a’an ink’a’ raj texwech’oq sa’ xk’ab’a’ li yaal ut teeye: Nakaye kawil na’leb’ chiqix.

4 Ut kik’ulman naq laa’in, aj Nefi, kin’elajin chiruheb’ li was, chi yalb’il tz’aqal inq’e, naq che’xpaab’eb’ lix taqlahom li Qaawa’.

5 Ut kik’ulman naq ^ake’xtuulanob’resi rib’ chiru li Qaawa’; jo’kan naq kiwan xsahil inch’ool ut xnimal inyo’onihom chirixeb’, naq te’b’eeq chiru lix b’ehil li tiikilal.

6 Anajwan ut, chixjunil li k’a’aq re ru a’in kiyeeman ut kib’aanuman naq toj kiwan lin yuwa’ sa’ jun li muheb’aal t’ikr sa’ li ru taq’a li kixk’ab’a’i Lemuel.

7 Ut kik’ulman naq laa’in, aj Nefi, kink’ul jun reheb’ lix ^arab’in laj Ismael choq’ ^bwixaqil; ut jo’kan ajwi’, eb’ li was ke’xk’ul xkomoneb’ lix rab’in laj Ismael choq’ rixaqileb’; ut jo’kan ajwi’ laj ^cTzoram kixk’ul li xb’een xrab’in laj Ismael choq’ rixaqil.

8 Ut chi jo’kan lin yuwa’ kixtz’aqob’resi chaq ru chixjunileb’ lix taqlahom li Qaawa’ li kik’ehe’ chaq re. Ut jo’kan ajwi’ laa’in, aj Nefi, kin’osob’tesiik chaq xb’aan li Qaawa’ chi numtajenaq.

9 Ut kik’ulman naq lix yaab’ xkux li Qaawa’ kiraatina lin yuwa’ chi q’eq, ut kixtaqla naq wulajaq chik tixchap lix b’e chiru li yamyookil ch’och’.

10 Ut naq kiwakli lin yuwa’ eq’la, ut kiwulak chire lix muheb’aal t’ikr, kik’ulman naq k’a’jo’ xsachik xch’ool naq kiril chi ch’och’ jun ^at’ort’ookil ch’iich’ moko nawb’il ta ru xk’anjelankil; ut chaab’il bronce okenaq. Ut sa’ xyi li t’ort’ookil ch’iich’ wan wiib’ li kuux; ut li jun naxk’ut li b’e tento tooxik wi’ chiru li yamyookil ch’och’.

11 Ut kik’ulman naq kiqach’utub’ jo’ k’ihal li k’a’aq re ru taqak’am chiru li yamyookil ch’och’, ut chixjunil chik li nak’anjelak qe, li k’eeb’il chaq qe xb’aan li Qaawa’; ut kiqak’am li jar paay chi iyaj wan, re taqak’am sa’ li yamyookil ch’och’.

12 Ut kik’ulman naq kiqak’ameb’ li qamuheb’aal t’ikr ut koo’el chiru li yamyookil ch’och’, chixjunpak’alil li nima’ Laman.

13 Ut kik’ulman naq koob’eek chiru xnumik kaahib’ kutan, li qab’e ka’ch’in naxq’ax xtiikal lix tz’e uq’ li saq’e, ut kiqayiib’ wi’chik li qamuheb’aal t’ikr; ut kiqak’e choq’ xk’ab’a’ li na’ajej, Xatzer.

14 Ut kik’ulman naq kiqachap li qatzimaj ut roq li qatzimaj, ut xookoho sa’ li yamyookil ch’och’ chixkamsinkil li tzakemq choq’ reheb’ li qajunkab’al; ut chirix naq kiqakamsi li tzakemq choq’ reheb’ li qajunkab’al koosutq’i wi’chik rik’ineb’ li qajunkab’al sa’ li yamyookil ch’och’, sa’ li na’ajej Xatzer. Ut xookoho wi’chik chiru li yamyookil ch’och’, sa’ xtiikal li b’e kiqak’am chaq, ut kookana sa’ li jun raqal re li yamyookil ch’och’ b’ar wi’ na’uuchin, li wan sa’eb’ li nub’aal chixk’atq li ^aKaqi Palaw.

15 Ut kik’ulman naq koob’eek chiru xnumik k’iila kutan, yooko chixkamsinkil li tzakemq chire li b’e, rik’in li qatzimaj ut roq li qatzimaj, ut li qapek ut li qajok’.

16 Ut kiqataaqe li ^ak’utb’il chiqu xb’aan li t’ort’ookil ch’iich’, li kixk’am li qab’e chiru li jun raqal re li yamyookil ch’och’ b’ar wi’ na’uuchin.

17 Ut chirix naq koob’eek chiru xnumik k’iila kutan, kiqayiib’ li qamuheb’aal t’ikr chiru jarub’aq kutan, re toohilanq wi’chik ut taqataw li tzakemq choq’ reheb’ li qajunkab’al.

18 Ut naq laa’in, aj Nefi, xkohin chixkamsinkil li qatzakemq, k’ehomaq reetal, kik’ulman naq kintoq li roq lin tzimaj, li chaab’il ^akawil ch’iich’ okenaq; ut chirix naq kintoq li roq lin tzimaj, k’ehomaq reetal, eb’ li was ke’josq’o’ wik’in xb’aan xsachik lin tzimaj, xb’aan naq maajun tzakemq kiqataw.

19 Ut kik’ulman naq koosutq’i rik’ineb’ li qajunkab’al chi maak’a’ li tzakemq, ut rik’in naq q’axal tawajenaqeb’, sa’ xk’ab’a’ li b’eek ke’xb’aanu chaq, k’a’jo’ naq ke’xk’ul rahilal xb’aan xmaak’a’il li tzakemq.

20 Ut kik’ulman naq laj Laman ut laj Lemuel ut eb’ li ralal laj Ismael ke’ok chi wech’ink chi numtajenaq, sa’ xk’ab’a’ li rahilal ut li ch’a’ajkilal ke’xk’ul sa’ li yamyookil ch’och’; ut jo’kan ajwi’ lin yuwa’ ki’ok chixwech’b’al rix li Qaawa’ lix Dios; relik chi yaal, ut chixjunileb’ ke’raho’ xch’ool chi numtajenaq, jo’kan naq ke’xwech’ rix li Qaawa’.

21 Anajwan, kik’ulman naq laa’in, aj Nefi, rik’in naq tawasinb’ilin chaq rik’ineb’ li was sa’ xk’ab’a’ lix sachik lin tzimaj, ut lix tzimajeb’ a’an sachsookeb’ lix metz’ew, jo’kan naq aran kitikla li ch’a’ajkilal q’axal nim, relik chi yaal, jo’kan naq ink’a’ kooru chixtawb’al li tzakemq.

22 Ut kik’ulman naq laa’in, aj Nefi, naab’al kiwaatinaheb’ li was, xb’aan naq ke’xkawob’resi wi’chik li raameb’, toj reetal naq ^ake’xwech’ rix li Qaawa’ lix Dios.

23 Ut kik’ulman naq laa’in, aj Nefi, kinyiib’ rik’in che’ jun li roq tzimaj, ut jun li tzimaj rik’in jun li che’ tiik ru’uj; jo’kan naq kinkawresi wib’ rik’in jun li roq tzimaj ut jun li tzimaj, ut jun li jok’ ut eb’ li pek. Ut kinye re lin ^ayuwa’: Toj b’ar tinxik re xtawb’al li tzakemq?

24 Ut kik’ulman naq a’an ^akixpatz’ re li Qaawa’, xb’aan naq ke’xtuulanob’resi chaq rib’ sa’ xk’ab’a’ li waatin; xb’aan naq kinye k’iila na’leb’ reheb’ sa’ lix anchalil li waam.

25 Ut kik’ulman naq lix yaab’ xkux li Qaawa’ kichal rik’in lin yuwa’; ut ^akiq’use’ chi yaal xb’aan lix wech’b’al rix li Qaawa’ kixb’aanu, jo’kan naq kikub’siik sa’ xchamal li rahil ch’oolejil.

26 Ut kik’ulman naq lix yaab’ xkux li Qaawa’ kixye re: Il chiru li t’ort’ookil ch’iich’, ut k’e reetal li k’a’ re ru tz’iib’anb’il.

27 Ut naq lin yuwa’ kixk’e reetal li k’a’ re ru tz’iib’anb’il chiru li t’ort’ookil ch’iich’, kik’ulman naq kixuwak ut kisiksot chi numtajenaq, ut jo’kaneb’ ajwi’ li was ut eb’ li ralal laj Ismael ut eb’ li qixaqil.

28 Ut kik’ulman naq laa’in, aj Nefi, kink’e reetaleb’ li kuux li wankeb’ sa’ li t’ort’ookil ch’iich’, naq ke’k’anjelak a’ yaal jo’ chanru li ^aqapaab’aal, ut lix yalb’al li qaq’e, ut lix k’eeb’al li qaxik chirab’inkileb’.

29 Ut jo’kan ajwi’ tz’iib’anb’il chiruheb’ jun li ak’ tz’iib’, li saqen ru na’ilman, ut kixk’e ^aqana’leb’ chirix lix b’ehil li Qaawa’; ut kitz’iib’aman ut kijalman chi yalaq jo’q’e, jo’ chanru li paab’aal ut lix yalb’al qaq’e naqak’e chirix. Ut chi jo’kan naqil naq rik’in li k’a’ru ^bka’ch’in li Qaawa’ naru naxk’e chi uxmank lix ninqal ru na’leb’.

30 Ut kik’ulman naq laa’in, aj Nefi, xkohin sa’ lix b’een li tzuul, jo’ chanru li na’leb’ li k’eeb’il chiru li t’ort’ookil ch’iich’.

31 Ut kik’ulman naq kinkamsiheb’ li k’iche’ xul, jo’kan naq kintaw li tzakemq choq’ reheb’ li qajunkab’al.

32 Ut kik’ulman naq kinsutq’i sa’ li qamuheb’aal t’ikr, ut yookin chixk’amb’al li xul inkamsihom chaq; ut anajwan, naq ke’xk’e reetal naq kintaw li tzakemq, maak’a’jo’ lix sahileb’ xch’ool! Ut kik’ulman naq ke’xtuulanob’resi rib’ chiru li Qaawa’, ut ke’b’antioxin chiru.

33 Ut kik’ulman naq kiqachap wi’chik li qab’e, ut li qab’e chanchan xtiikal li b’e jo’ sa’ xtiklajik; ut chirix naq koob’eek chiru xnumik k’iila kutan kiqayiib’ wi’chik li qamuheb’aal t’ikr, re tookanaaq chiru jarub’aq kutan.

34 Ut kik’ulman naq kikam laj ^aIsmael, ut kimuqe’ sa’ jun li na’ajej Nahom kiyeeman re.

35 Ut kik’ulman naq eb’ lix rab’in laj Ismael ke’yaab’ak chi numtajenaq, xb’aan xsachik lix yuwa’eb’, ut xb’aan lix ^ach’a’ajkilaleb’ chiru li yamyookil ch’och’; ut ke’xwech’i rix lin yuwa’, xb’aan naq a’an kixk’ameb’ chaq sa’ li ch’och’ Jerusalen, ut ke’xye: Kamenaq li qayuwa’; relik chi yaal, ut naab’al koob’eek sa’ li yamyookil ch’och’, ut kiqanumsi naab’al li ch’a’ajkilal, li tz’okaak, li chaqi-eel, ut li tawaak; ut chirix chixjunil li rahilal a’in tento too’oso’q sa’ li yamyookil ch’och’ rik’in tz’okaak.

36 Ut chi jo’kan ke’xwech’i rix lin yuwa’, ut ke’xwech’i ajwi’ wix laa’in; ut ke’raj raj sutq’iik wi’chik Jerusalen.

37 Ut laj Laman kixye re laj Lemuel ut reheb’ ajwi’ li ralal laj Ismael: K’ehomaq reetal, ^aqakamsihaq li qayuwa’, ut jo’kan ajwi’ li qiitz’in aj Nefi, li xb’aanu rib’ jo’ aj ^btaqlanel ut jo’ aj tzolonel sa’ qab’een laa’o, li asb’ejo chiru.

38 Anajwan, a’an naxye naq li Qaawa’ ki’aatinak rik’in, ut jo’kan ajwi’ naq eb’ li ^aanjel ke’k’anjelak chiru. A’b’an k’ehomaq reetal, naqanaw naq nokoxtik’ti’i; ut naxye qe li k’a’aq re ru a’in, ut naxk’anjela k’iila k’a’aq re ru rik’in lix b’alaq’il seeb’al, re tixb’alaq’i lix naq’ qu, ut naxk’oxla tana’ naq tixk’am qab’e sa’ junaq jalanil yamyookil ch’och’, ut chirix naq xk’am qab’e chi najt, a’an xk’oxla xk’eeb’al rib’ choq’ rey ut choq’ aj taqlanel sa’ qab’een, re tixb’aanu qe jo’ chanru li naraj ut li nasaho’ wi’ xch’ool. Ut chi jo’ka’in li was aj Laman kireek’asiheb’ xch’ool re te’josq’o’q.

39 Ut kik’ulman naq li Qaawa’ kiwan qik’in, relik chi yaal, kichal ajwi’ lix yaab’ xkux li Qaawa’ ut kixye k’iila aatin reheb’, ut ^akixq’useb’ chi numtajenaq, ut chirix naq ke’q’use’ xb’aan lix yaab’ xkux li Qaawa’, ke’xsutq’isi chaq lix josq’ileb’, ut ke’xjal xk’a’uxl chirixeb’ lix maak, jo’kan naq li Qaawa’ koorosob’tesi wi’chik rik’in tzakemq, jo’kan naq ink’a’ koo’oso’.