1 Kótʼéego éí sodizinjí elder dóó priest danilínígíí Christ bitsʼíís dóó bidił yikʼi sodadilzin dóó ataa nídeikááh; dóó Christ bibee hazʼáanii yikʼehgo sodadilzin dóó ataa nídeikááh; ákohgo díí tʼáá aaníigo nihił béédahózin; dóó elder éí doodago priest dah éí yikʼi sodilzin—

2 Áádóó sodizinjí yił yah anájahígíí éí yił ntsidadeesgoʼ, dóó nihiTaaʼ nilíinii éí Christ bízhiʼ binahjįʼ kódajiníigo, sodazhdilzin:

3 O Diyin God, Hoolʼáágóó nihiTaaʼ Nílíinii, niYeʼ, Jesus Christ bízhiʼ binahjįʼ ádandiiʼní, díí bááh bikʼijinídliih dóó diyingo ánílééh, áko diné tʼáá ałtso díidi deidooyį́łígíí biiʼ sizʼíinii bá, áko díí deiyííyą́ągo, niYeʼ bitsʼíís yéédaalniih dooleeł, dóó nichʼįʼ ííshją́ą́ ádaʼdiilyaa doo, O Diyin God, Hoolʼáágóó nihiTaaʼ Nílíinii, éí niYeʼ bízhiʼ ákʼideididootʼááł, dóó tʼáá áłahjįʼ niYeʼ yéédaalniih dooleeł, dóó bibee hazʼáanii yaa yiizláhígíí yikʼehgo dahináa dooleeł; áko biʼIiʼ Sizį́ Diyinii tʼáá áłahjįʼ bił dahólǫ́ǫ dooleeł. Amen.