1 Kótʼéego éí sodizinjí elder dóó priest danilínígíí Christ bitsʼíís dóó bidił yikʼi sodadilzin dóó ataandeikááh; dóó Christ bibee hazʼáanii yikʼehgo sodadilzin dóó ataańdeikááh; ákohgo díí tʼáá aaníigo nihił béédahózin; dóó elder éí doodago priest dah éí yikʼi sodilzin—

2 Áádóó sodizinjí yił yahaníjahígíí éí yił ntsidadeesgoʼ, dóó nihiTaaʼ nilíinii éí Christ bízhiʼ binahjįʼ kódajiníigo, sodazhdilzin:

3 O Diyin God, Hoolʼáágóó nihiTaaʼ Nílíinii, niYeʼ, Jesus Christ bízhiʼ binahjįʼ ádandiiʼní, díí bááh bikʼijinídliih dóó diyingo ánílééh, áko diné tʼáá ałtso díidi deidooyį́łígíí bii’ siz’íinii bá, áko díí deiyííyą́ągo, niYeʼ bitsʼíís yéédaalniih dooleeł, dóó nichʼįʼ ííshją́ą́ ádaʼdiilyaa doo, O Diyin God, Hoolʼáágóó nihiTaa’ Nílíinii, éí niYeʼ bízhiʼ ákʼideididootʼááł, dóó tʼáá áłahjįʼ niYe’ yéédaalniih dooleeł, dóó bibee hazʼáanii yaa yiizláhígíí yikʼehgo dahiináa dooleeł; áko biʼIiʼ Sizį́ Diyinii tʼáá áłahjįʼ bił dahólǫ́ǫ dooleeł. Amen.