Wóltaʼii 2
Jesus éí Nephi dineʼé naakitsʼáadah bikééʼ naazíinii Iiʼ Sizį́ Diyinii aahalyé aa deiyiiléego yéidiníʼą́. Jesus náádiidzáádóó A.D. 401–421 yihahgo.
1 Díí Christ bizaad, éí bikééʼ naazíinii yee yichʼįʼ haadzííʼ, naakitsʼáadah náyiizláʼą́ą, yitsiitʼáá yikʼi dahdiilniiʼgo—
2 Áádóó dabízhiʼ yee yiyíízhiʼ, kóníigo: NihiTaaʼ nilíinii shízhiʼ binahjįʼ bichʼįʼ hadíídzih, tsʼídá yéego sodidíílzįįł; dóó éí bikééʼdóó beeʼadziilii niheeʼ hólǫ́ǫgo tʼáá háiida bitsiitʼááh dahdoołniiʼígíí, éí Iiʼ Sizį́ Diyinii baa doohłééł; dóó shízhiʼ binahjįʼ éí baa dohłééł; háálá shihastóí bikʼihodiiniiʼígíí éí kótʼéego ádaʼałʼį́.
3 Áko Christ tsʼídá áłtsé níyáhą́ądą́ą́ʼ díí saad yee yichʼįʼ haadzííʼ; dóó nahdę́ę́ʼ áłah nilínée tʼáadoo deidiiztsʼą́ąʼ da, ndi naakitsʼáadah shikééʼ naazínée éí deidiiztsʼą́ą́ʼ; dóó tʼóó ahayóí yitsiitʼááh dah dadéesniiʼę́ę, Iiʼ Sizį́ Diyinii bikʼi dahooleʼ.