Moroni Binaaltsoos
Wóltaʼii 1
Moroni éí Laman dineʼé haneʼ bá yáʼátʼéhígíí néíyiizóóh—Nephi dineʼé Christ doo nahjįʼ ndeidiiʼaahígíí ndabiʼdistseed. Jesus náádiidzáádóó A.D. 401–421 yihahgo.
1 Kʼad shí, Moroni, díí Jared bidineʼé báhaneʼ ałtso ałhíízohgo, shí doo łaʼ bínéídéesoh da nisin ńtʼę́ę́ʼ, ákondi tʼáhdoo sheʼíinaʼ niitʼéeh da; dóó doo Laman dineʼé bichʼįʼ íishją íʼdíshnéeh da háála dashidiyoołhééł nisin.
2 Háálá áko shooh, tʼáá bí tʼóó bááhádzidgo daʼahigą́ągo ndaʼahiltseed; dóó Nephi dineʼé deijoołáhígíí biniinaa tʼáá ałtso Christ doo nahjįʼ ndeidiyiiʼaahígíí ndeiłtseed.
3 Áádóó shí, Moroni, Christ doo nahjįʼ nidideeshʼáał da; ákohgo, tʼóó łaʼ ałyóógóó naanááshdááł sheʼiinaʼ baa hą́ą́h nisinígíí biniinaa.
4 Ákohgo, tʼáá díkwíhígo níhááházóóh, doo bíighah da nisin ńtʼę́ę́ʼ; doo haneʼ łaʼ ánáádeeshdlíił da nisin ńtʼę́ę́ʼ; ákondi tʼáá díkwííhí nínááházoh, háálá éí shį́į́ shikʼéí Laman dineʼé bił danilį́į doo, náás yidiiską́ą́góó, Diyin Bóhólníihii íinízinígíí bikʼehgo.