Ŋwed Ether
Mbuk mme Jaredite, edade eto mme usan edip ye inaŋ emi mbon Limhi ekutde ke mme usen Edidem Mosiah.
Ibuot 1
Moroni anam se Ether ewetde ɔmuhɔ—Emen ubon Ether ewut—Usem mme Jaredite itimekede ke Tower Babel—Jehovah ɔŋwɔŋɔ ndida mmɔ ŋka isɔŋ emi emekde nyuŋ nnam mmɔ edi akwa obio.
1 Ndien idahaemi, ami, Moroni, ŋkaiso ndinɔ mbuk eke mbon oro emi ekeduŋde ke eset emi ekewotde eto ubɔk Jehovah ke iso edere obio emi.
2 Ndien ami nda mbuk mi nto mme usan edip ye inaŋ emi mbon Limhi ekekutde, emi ekotde Ŋwed Ether.
3 Ndien nte ami nkerede nte ke akpa ubak mbuk emi, emi etiŋde abaŋa edibot ererimbot, ye ŋko Adam, ye mbuk ɔtɔŋde ke ini oro tutu esim akamba tower, ye ŋkpɔ ekededi emi eketibede ke otu nditɔ owo tutu esim ini oro, enyene ke otu mme Jew—
4 Ke ntak oro ami ŋwetke mme ŋkpɔ oro emi eketibede ɔtɔŋɔde ke mme usen Adam tutu esim ini oro, edi enyene mmɔ ke mme usan, ndien owo ekededi emi okutde mmɔ, ukem oro edinyene odudu man enye enyene ɔyɔhɔ mbuk.
5 Edi sese, ami nnɔhɔ ɔyɔhɔ mbuk, edi ubak mbuk ke ami nnɔ, tɔŋɔ ke tower suhɔde tutu ewotde mmɔ.
6 Ndien ke usuŋ emi ke ami nnɔ mbuk emi. Enye emi ekewetde mbuk emi ekedi Ether, ndien enye ekedi eke ubon Coriantor.
7 Coriantor ekedi eyen Moron.
8 Ndien Moron ekedi eyen Ethem.
9 Ndien Ethem ekedi eyen Ahah.
10 Ndien Ahah ekedi eyen Seth.
11 Ndien Seth ekedi eyen shiblon.
12 Ndien shiblon ekedi eyen Com.
13 Ndien Com ekedi eyen Coriantum.
14 Ndien Coriantum ekedi eyen Amnigaddah.
15 Ndien Amnigaddah ekedi eyen Aaron.
16 Ndien Aaron ekedi eke ubon Heth, emi ekedide eyen Hearthom.
17 Ndien Hearthom ekedi eyen Lib.
18 Ndien Lib ekedi eyen Kish.
19 Ndien Kish ekedi eyen Corom.
20 Ndien Corom ekedi eyen Levi.
21 Ndien Levi ekedi eyen Kim.
22 Ndien Kim ekedi eyen Morianton.
23 Ndien Morianton ekedi eke ubon Riplakish.
24 Ndien Riplakish ekedi eyen Shez.
25 Ndien Shez ekedi eyen Heth.
26 Ndien Heth ekedi eyen Com.
27 Ndien Com ekedi eyen Coriantum.
28 Ndien Coriantum ekedi eyen Emer.
29 Ndien Emer ekedi eyen Omer.
30 Ndien Omer ekedi eyen Shule.
31 Ndien Shule ekedi eyen Kib.
32 Ndien kib ekedi eyen Orihah, emi ekedide eyen Jared;
33 Jared emi ɔkɔwɔrɔde edi ye eyen eka esie ye mme ufɔk mmɔ, ye mme mbon efen ye mme ufɔk mmɔ, eto akamba tower, ke ini emi Jehovah eketimedede usem mme owo oro, onyuŋ ɔŋwɔŋɔde ke iyatesit esie ete ke ana nte mmɔ esuana ke ofuri iso isɔŋ; ndien nte asaŋade ye ikɔ Jehovah mme owo ema esuana.
34 Ndien eyeneka Jared edide akamba ye ɔkpɔsɔŋ edenowo, ye edenowo emi Jehovah eketimde ɔfɔn-mfɔn, Jared, eyeneka esie, ɔdɔhɔ enye ete:Seme nɔ Jehovah, man enye ukutimede nnyin ete mme ikɔ nnyin ekuŋwaŋa nnyin.
35 Ndien edikem ete ke eyen eka Jared ama eseme ɔnɔ Jehovah, ndien Jehovah ama atua Jared mbɔm, ke ntak oro enye ikitimekede usem Jared; ndien Jared ye eyeneka esie ikitimekede.
36 Ndien Jared ɔdɔhɔ eyeneka esie ete: Fiak seme nɔ Jehovah, ndien ke ekeme ndidi ete ke enye ɔyɔwɔŋɔde iyatesit esie ɔkpɔŋ mmɔ emi edide mme ufan nnyin, man enye iditimede usem mmɔ.
37 Ndien edikem ete ke eyeneka Jared ama eseme ɔnɔ Jehovah, ndien Jehovah ama enyene mbɔm abaŋa mme ufan mmɔ ye mbon ufɔk mmɔ ŋko, ete ke mmɔ ikitimekede.
38 Ndien edikem ete ke Jared ama afiak eketiŋ ye eyeneka esie ete: Ka nyuŋ kobup Jehovah me enye eyebin nnyin osio ke isɔŋ emi, ndien edieke enye edibinde nnyin isio ke isɔŋ emi, seme nɔ enye me mmɔŋ ke nnyin idika. Ndien anieowo ɔfiɔk me Jehovah ayada nnyin aka isɔŋemi emekde ekan ke ofuri isɔŋ ke ofuri ererimbot? Ndien edieke edide ntre, yak nnyin ibuɔtidem ke Jehovah, man nnyin ibɔ enye nte inyene nnyin.
39 Ndien edikem ete ke eyeneka Jared ama eseme ɔnɔ Jehovah nte asaŋade ye se eketiŋde ke inua Jared.
40 Ndien edikem ete ke Jehovah ama okop eyeneka Jared, onyuŋ atua enye mbɔm, ndien ɔdɔhɔ enye ete:
41 Ka nyuŋ taŋ mme ufene fo bok ɔtɔ kiet, ayara ye uman mbiba, eke kpukpru oruk; ye ŋko mkpasip eke isɔŋ eke kpukpru oruk; ye mbon ufɔk fo; ye ŋko Jared eyeneka fo ye mbon ufɔk esie; ye ŋko mme ufan fo ye mbon ufɔk mmɔ, ye mme ufan Jared ye mbon ufɔk mmɔ.
42 Ndien ke ini ama anam emi afo ayada mmɔ usuŋ ɔsuhɔde oduk ke itighede emi edide ke edere edere. Ndien do ke ami ndisobo ye afo, ndien nyaka fi ke iso ke esit isɔŋ emi emekde esio ke kpukpru mme isɔŋ ke ererimbot.
43 Ndien do ke ami ndidiɔŋ fi ye ubon fo, nyuŋ mmenede nnɔ idem mi eke ubon fo, ye eke ubon eyeneka fo, ye mbon emi edikade ye afo, akwa obio. Ndien ndomokiet ididuhe emi edikponde ikan obio emi ami ndimenede nnɔ idem mi nto ubon fo, ke ofuri iso ererimbot. Ndien ntem ke ami ndinam nnɔ fi koro ke anyan ini emi afo emeseme ɔnɔ mi.