1 Ndien edikem ete ke Shez, emi ekedide ubon eke Heth—koro Heth ama akpa oto ke akaŋ, ye kpukpru mbon ufɔk esie ibɔhɔke ekedi Shez—ke ntre, Shez ama ɔtɔŋɔ ndifiak nsɔŋɔ mme owo emi ekewurede.

2 Ndien edikem ete ke Shez ama eti nsobo mme ete esie, ndien enye ama ɔbɔp edinen obio ubɔŋ; koro enye ama eti se Jehovah akanamde ke ndida Jared ye eyeneka esie mbe utuŋɔ; ndien enye ama asaŋa ke mme usuŋ Jehovah; ndien enye ama obon mme nditɔ iden ye iban.

3 Ndien akpan esie, emi enyiŋ esie ekedide Shez, ama ɔsɔŋ-ibuot ye enye; edi, ubɔk inɔ kiet ama amia Shez, ke ntak ata ediwak inyene esie, emi akadade emem afiak ɔsɔk ete esie.

4 Ndien edikem ete ke ete esie ama ɔbɔp mme ediwak obio ke iso isɔŋ, ndien mme owo ema efiak etɔŋɔ ndisuana ke iso ofuri isɔŋ. Ndien Shez ama odu uwem esim ata usɔŋ; ndien enye ama obon Riplakish. Ndien enye ama akpa, ndien Riplakish ama akara ke itie esie.

5 Ndien edikem ete ke Riplakish ikinamke sikifɔnde ke iso Jehovah, koro enye ama enyene ediwak iban ye iban-esa, ndien ama odori ke afara mme owo sikidobide ndimen; iŋ, enye ama odori etibe ɔnɔ mmɔ ye mme ndodobi etibe; ndien ye mme etibe emi enye ama ɔbɔp mme ediwak ikpɔ ufɔk.

6 Ndien enye ama ɔbɔp enye ata ediye ebekpo; ndien enye ama ɔbɔp ediwak mme ufɔk-ŋkpɔkɔbi, ndien owo ekededi emi midisukke ibuot inɔ mme etibe enye ama otop esin ke ufɔk-ŋkpɔkɔbi; ndien owo ekededi emi mikikanke ikpe mme etibe enye ama otop esin ke ufɔk-ŋkpɔkɔbi; ndien enye ama anam ete mmɔ enam utom kpukpru ini enɔ uŋwam mmɔ; ndien owo ekededi emi ekesinde ndinam utom enye ama anam ete ewot.

7 Ke ntre enye ama enyene kpukpru ndiye utom esie, iŋ, kpa ediye gold esie enye ama anam ete enam asana ke ufɔk-ŋkpɔkɔbi; ye kpukpru ediye utɔ ubɔk-utom enye ama anam ete enam ke ufɔk-ŋkpɔkɔbi. Ndien edikem ete ke enye ama anam abiak mme owo ye mme use ye mbubiam esie.

8 Ndien ke ini enye amakakara ke ufaŋ isua aba ye iba mme owo ema edaha eda ke nsɔŋ-ibuot ye enye; ndien ekɔŋ ama ɔtɔŋɔ ndidu ke isɔŋ oro, tutu ete ke ema ewot Riplakish, ndien ema ebin mme ubon esie esio ke isɔŋ oro.

9 Ndien edikem ete ke ufaŋ ediwak isua ama ekebe, Morianton, (enye edide ubon eke Riplakish) ama obok ɔtɔ kiet mbon ekɔŋ mbon emi ekebinde efep, ndien aka onyuŋ ɔnɔ mme owoeŋwan; ndien enye ama enyene odudu ke mme ediwak obio; ndien ekɔŋ oro ama akabade ɔsɔŋ ata eti eti ndien ema eŋwana ke ufaŋ mme ediwak isua; ndien enye ama enyene odudu ke ofuri isɔŋ oro, ndien asiak idem esie edidem ke ofuri isɔŋ oro.

10 Ndien ke ini enye ama akasiak idem esie edidem enye ama anam mbiomo mme owo efere, ke emi enye ama enyene mfɔn ke enyin mme owo, ndien mmɔ ema eyet enye aran ete edi edidem mmɔ.

11 Ndien enye ama anam nnennen ye mme owo, edi idighe ye idem esie ke ntak ediwak use esie; ke ntre ema esibe enye esio ke iso Jehovah.

12 Ndien edikem ete ke Morianton ama ɔbɔp mme ediwak obio, ndien mme owo ema enyene ŋkpɔ ata eti eti ke idak ukara esie, ke mme ufɔk, ye ke gold ye sidibe mbiba, ye ke nditɔ mkpasip, ye ke otu erɔŋ, ye mme enaŋ, ye mme utɔ ŋkpɔ emi ekefiakde eyak enɔ mmɔ.

13 Ndien Morianton ama odu uwem esim ata akamba isua, ndien ke ini oro enye ama obon Kim; ndien Kim akara ke itie ete esie; ndien enye ama akara isua itiaita, ndien ete esie akpa. Ndien edikem ete ke Kim ikikarake ke edinen ido, ke ntre enye ikinyeneke mfɔn ito Jehovah.

14 Ndien eyeneka esie ama adahada ke nsɔŋ-ibuot ye enye, ke emi enye ama ada enye esin ke ŋkpɔkɔbi; ndien enye ama odu ke ŋkpɔkɔbi ke ofuri mme usen esie; ndien enye ama obon nditɔ iden ye iban ke ŋkpɔkɔbi, ndien ke usɔŋ esie enye obon Levi; ndien enye akpa.

15 Ndien edikem ete ke Levi ama anam utom ke ŋkpɔkɔbi ke ete esie amakakpa, ke ufaŋ isua aba ye iba. Ndien enye ama aŋwana ekɔŋ ye edidem isɔŋ oro, ke emi enye ama ɔbɔ ɔnɔ idem esie obio ubɔŋ.

16 Ndien ke ini enye ama ɔkɔbɔ ɔnɔ idem esie obio ubɔŋ enye ama anam sikidide edinen ke iso Jehovah; ndien mme owo ema eforo ke isɔŋ oro; ndien enye ama odu uwem esim eti isua usɔŋ, ndien ama obon nditɔ iden ye iban; ndien enye ŋko ama obon Corom, emi enye ekeyetde aran nte edidem ke itie esie.

17 Ndien edikem ete ke Corom ama anam sikifɔnde ke iso Jehovah ke ofuri mme usen esie; ndien enye ama obon ediwak nditɔ iden ye iban; ndien ke ini enye ama okokut ediwak usen enye ama ebe efep, kpa nte mbon isɔŋ eken; ndien Kish akara ke itie esie.

18 Ndien edikem ete ke Kish ama ebe efep ŋko, ndien Lib akara ke itie esie.

19 Ndien edikem ete ke Lib ŋko ama anam sikifɔnde ke iso Jehovah. Ndien ke mme usen Lib ema ewot mme idiɔk udukikɔt oro. Ke ntre mmɔ ema eka ekeduk ke isɔŋ ke usuk-usuk, ndiyom udia nnɔ mme owo isɔŋ oro,koro isɔŋ oro ɔkɔyɔhɔ ye mme unam ikɔt. Ndien Lib ŋko ke idem esie ama akabade edi akwa ata-utop

20 Ndien mmɔ ema ebɔp akwa obio ke mfafaha itɔŋ isɔŋ oro, ke ebiet emi inyaŋ abahadede isɔŋ oro.

21 Ndien mmɔ ema etim isɔŋ ke usuk-usuk enim nte wilderness, man etop mme unam. Ndien ofuri iso isɔŋ ke edere edere ɔkɔyɔyɔhɔ ye mme andiduŋ.

22 Ndien mmɔ ema enam utom ata eti eti, ndien mmɔ ema edep enyuŋ enyam udua kiet ye eken, man mmɔ enyene udori.

23 Ndien mmɔ ema enam utom ye kpukpru utɔ mbat ukwak, ndien mmɔ ema enam gold, ye sidibe, ye ukwak, ye brass, ye kpukpru utɔ ukwak; ndien mmɔ ema edɔk enye esio ke isɔŋ; ke ntre, mmɔ ema esio ebon ikpɔ eboho ntan man enyene mbat ukwak, eke gold, ye eke sidibe, ye eke ukwak, ye eke copper. Ndien mmɔ ema enam kpukpru utɔ ndiye utom.

24 Ndien mmɔ ema enyene mme silk, ye ndiye linen emi edɔkde; ndien mmɔ ema ekim kpukpru utɔ ɔfɔŋ, man mmɔ esine ɔfɔŋ efuk iferi mmɔ.

25 Ndien mmɔ ema enam kpukpru utɔ ŋkpɔ utom man efuŋ isɔŋ, nditibi ye nditɔ mbiba, ndidɔk ye ndinam mbiet, ye ŋko ndiyibi.

26 Ndien mmɔ ema enam kpukpru utɔ ŋkpɔ utom emi mmɔ ekedade enam mme unam mmɔ enam utom.

27 Ndien mmɔ ema enam kpukpru utɔ ŋkpɔekɔŋ. Ndien mmɔ ema enam kpukpru utɔ utom emi ubɔk utom ekeyiede ata eti eti.

28 Ndien akananam iduhe mme owo emi ekediɔŋde ekan nte mmɔ, ye ndiforo nkan nto ubɔk Jehovah. Ndien mmɔ ekedu ke isɔŋ emi ekemekde esio ke kpukpru isɔŋ, koro Jehovah ɔkɔdɔhɔ enye.

29 Ndien edikem ete ke Lib ama odu uwem ke ediwak isua, ndien obon mme nditɔ iden ye nditɔ iban; ndien enye ŋko ama obon Hearthom.

30 Ndien edikem ete ke Hearthom ama akara ke itie ete esie. Ndien ke ini Hearthom ama akakara isua edip ye inaŋ, sese, ema ebɔ enye obio ubɔŋ. Ndien enye ama anam utom ke ediwak isua ke ŋkpɔkɔbi, iŋ, kpa ke mme nsuhɔ usen esie.

31 Ndien enye ama obon Heth, ndien Heth ama odu ke ŋkpɔkɔbi ke ofuri mme usen esie. Ndien Heth ama obon Aaron, ndien Aaron ama oduŋ ke ŋkpɔkɔbi ke ofuri mme usen esie; ndien enye ama obon Amnigaddah, ndien Amnigaddah ŋko ama oduŋ ke ŋkpɔkɔbi ke ofuri mme usen esie; ndien enye ama obon Coriantum, ndien Coriantum ama oduŋ ke ŋkpɔkɔbi ke ofuri mme usen esie; ndien enye ama obon Com.

32 Ndien edikem ete ke Com ama oduri ibio obio ubɔŋ osio. Ndien enye ama akara ke ibio obio ubɔŋ ke isua aba ye iba; ndien enye ama aka ekɔŋ ye edidem, Amgid, ndien mmɔ ema eŋwana ke ufaŋ ediwak isua, ke ini emi Com ama ada odudu akara Amgid, onyuŋ enyene ukara ke nsuhɔ obio ubɔŋ.

33 Ndien ke mme usen Com mme inɔ ema etɔŋɔ ndidu ke isɔŋ oro; ndien mmɔ ema eda mme ŋkani uduak, enyuŋ enɔ mme uŋwɔŋɔ ke utɔ usuŋ mbon eset, ndien efiak eyom ndisobo obio ubɔŋ oro.

34 Idahaemi Com ama anwana ye mmɔ eti eti; edi, enye ikikanke mmɔ.