1 Ndien edi ŋko ke mme usen Com ediwak mme prophet, ndien etiŋ nte prophet ebaŋa nsobo mme ikpɔ owo oro ibɔhɔke ana nte mmɔ ekabade esit, ndien eŋwɔŋɔde etiene Jehovah, ndien esin mme uwut-owo ye ibak mmɔ.

2 Ndien edikem ete ke mme owo ema esin mme prophet oro, ndien mmɔ efehe etiene Com eyom ukpeme, koro mme owo ekeyomde ndiwot mmɔ.

3 Ndien mmɔ ema etiŋ nte prophet enɔ Com mme ediwak ŋkpɔ; ndien ema ediɔŋ enye ke ofuri nsuhɔ mme usen esie.

4 Ndien enye ama odu uwem esim eti isua usɔŋ, ndien obon Shiblom; ndien Shiblom ama akara ke itie esie. Ndien eyeneka Shiblom ama ɔsɔŋ ibuot ye enye, ndien ɔtɔŋɔ ndidu ata ɔkpɔsɔŋ ekɔŋ ke ofuri isɔŋ oro.

5 Ndien edikem ete ke eyeneka Shiblom ama anam ete kpukpru mme prophet emi eketiŋde nte prophet ebaŋa nsobo mme owo ke ana nte ewot;

6 Ndien akamba nsobo ama odu ke ofuri isɔŋ oro, koro mmɔ ema etie ntiense ete ke akamba isuŋi ana nte edisim isɔŋ oro, ŋko ye mme owo, ndien ete ke ana nte akamba nsobo odu ke otu mmɔ, utɔ nte emi akananam miduhe ke iso isɔŋ, ndien ɔkpɔ mmɔ ana nte etie nte mme eboho ntan ke iso isɔŋ oro ibɔhɔke mmɔ ekabade esit ke ibak mmɔ.

7 Ndien mmɔ ikikpaŋke utɔŋ inɔ uyo Jehovah, ke ntak mme ebuana ibak mmɔ; ke ntre, ema etɔŋɔ ndidu mme ekɔŋ ye mme eneni ke ofuri isɔŋ oro, ŋko ye ediwak mme akaŋ ye mme udɔŋɔ, tutu ete ke akamba nsobo ama odu, utɔ emi akananam owo mifiɔkke ke iso isɔŋ; ndien kpukpru emi eketibe ke mme usen Shiblom.

8 Ndien mme owo etɔŋɔ ndikabade esit ke ukwaŋ ŋkpɔ mmɔ; ndien ke adaŋa nte mmɔ ekenamde Jehovah ama enyene mbɔm ɔnɔ mmɔ.

9 Ndien edikem ete ke ema ewot Shiblom, ndien ema eda Seth edisin ke ŋkpɔkɔbi, ndien ama oduŋ ke ŋkpɔkɔbi ke ofuri mme usen esie.

10 Ndien edikem ete ke Ahah, eyen edenowo esie, ama ɔbɔ obio ubɔŋ; ndien enye ama akara mme owo ke ofuri mme usen esie. Ndien enye ama anam kpukpru oruk ukwaŋ ŋkpɔ ke mme usen esie, ke emi enye ama eduɔk ediwak iyip; ndien ekpri ekedi mme usen esie.

11 Ndien Ethem, ke edide ubon Ahah, ama ɔbɔ obio ubɔŋ; ndien enye ŋko ama anam sikidide ibak ke mme usen esie.

12 Ndien edikem ete ke mme usen Ethem ediwak mme prophet ema edi, enyuŋ efiak etiŋ nte prophet enɔ mme owo; iŋ, mmɔ ema etiŋ nte prophet ete ke Jehovah oyosobo mmɔ ofuri ofuri osio ke iso isɔŋ ibɔhɔke mmɔ ekakabade esit ke mme ukwaŋ-ŋkpɔ mmɔ.

13 Ndien edikem ete ke mme owo ema esɔŋ mme esit mmɔ, inyuŋ ikpaŋke utɔŋ inɔ mme ikɔ mmɔ; ndien mme prophet ema efuhɔ enyuŋ ewɔrɔ ke otu mme owo.

14 Ndien edikem ete ke Ethem ama anam ubiere ikpe ke wilderness ke mme usen esie; ndien enye ama obon Moron. Ndien edikem ete ke Moron ama akara ke itie esie; ndien Moron ama anam sikidide ibak ke iso Jehovah.

15 Ndien edikem ete ke nsɔŋ ibuot ama adaha ada ke otu mme owo, ke ntak ebuana ŋkari emi ekesiakde man enyene odudu ye udori; ndien ama adaha ada ɔkɔpɔsɔŋ edenowo ke ukwaŋ ŋkpɔ ke otu mmɔ, ndien ɔnɔ Moron ekɔŋ, ke emi enye ama akan ibio obio ubɔŋ; ndien enye ama omum ibio oro ke ediwak isua.

16 Ndien edikem ete ke Moron ama akan enye, ndien ama afiak enyene obio ubɔŋ oro.

17 Ndien edikem ete ke ama adaha ada ɔkɔpɔsɔŋ edenowo efen; ndien enye ekedi ubon eke eyeneka eden Jared.

18 Ndien edikem ete ke enye ama akan Moron onyuŋ ɔbɔ obio ubɔŋ; ke ntre, Moron ama oduŋ ke ŋkpɔkɔbi ke ofuri nsuhɔ mme usen esie; ndien enye ama obon Coriantor.

19 Ndien edikem ete ke Coriantor ama oduŋ ke ŋkpɔkɔbi ke ofuri mme usen esie.

20 Ndien ke mme usen Coriantor ema edi ediwak mme prophet ŋko, enyuŋ etiŋ nte prophet ikpɔ ye mme utibe ŋkpɔ, enyuŋ ekwɔrɔ edikabede esit enɔ mme owo, ndien ibɔhɔke ana nte mmɔ ekabade esit Jehovah ayanam ubiere ikpe ɔnɔ mmɔ man esobo mmɔ ofuri ofuri;

21 Ndien ete ke Jehovah Abasi ɔyɔdɔŋ mme ayada mme owo efen edi edinyene isɔŋ oro, ke odudu esie, ke utɔ usuŋ emi enye akadade mme ete mmɔ edi.

22 Ndien mmɔ ema esin mme ikɔ mme prophet oro, ke ntak ndedibe ŋka ye mme mbubiam ibak mmɔ.

23 Ndien edikem ete ke Coriantor ama obon Ether, ndien enye ama akpa, ke ama okoduŋ ke ŋkpɔkɔbi ke ofuri mme usen esie.