Ինքնապահովում
Իմ հիմքը․ Ցուցաբերեք շիտակություն

Նկար
My Foundation icon
Իմ հիմքը. Ցուցաբերեք շիտակություն. Առավելագույն ժամանակը՝ 20 րոպե

Խորհեք.Ինչո՞ւ է Տերը սիրում նրանց, ովքեր ունեն «սրտի շիտակություն»:

Դիտեք.«Ի՞նչ փրկանք կտա մարդ իր անձի համար» տեսանյութը, որը հասանելի է՝ srs.lds.org/videos-ում։ (Տեսանյութը մատչելի չէ՞, Կարդացեք 111-րդ էջը:)

Ի՞նչ փրկանք կտա մարդ իր անձի համար:

Եթե չեք կարող դիտել տեսանյութը, կարդացեք այս տեքստը:

Նկար
still from What Shall a Man Give in Exchange for His Soul

Երեց Ռոբերտ Ք. Գայ. Փրկիչը մի անգամ իր աշակերտներին տվեց հետևյալ հարցը. «Ի՞նչ փրկանք կտա մարդ իր անձի համար»:

Սա մի հարց է, որի շուրջ հայրս սովորեցրեց ինձ լրջորեն խորհել տարիներ առաջ: Մինչ ես մեծանում էի, իմ ծնողներն ինձ ամեն օր տան գործերից ինչ-որ աշխատանք էին հանձնարարում կատարել և մի փոքր գումար էին վճարում այդ աշխատանքի համար: Ես հաճախ ծախսում էի այդ գումարը` շաբաթական 50 սենթից մի փոքր ավելի, կինո գնալու համար: Այն ժամանակ կինոյի տոմսը 11 տարեկանների համար արժեր 25 սենթ: Ինձ մոտ մնում էր 25 սենթ կոնֆետների վրա ծախսելու համար, որոնց հատն արժեր 5 սենթ: Կինո` հինգ կոնֆետների հետ միասին: Դրանից լավ լինել չէր կարող:

Ամեն ինչ կարգին էր, մինչև ես դարձա 12 տարեկան: Մի օր կեսօրին, երբ հերթ էի կանգնել, ես իմացա, որ 12 տարեկանների համար տոմսն արժեր 35 սենթ, իսկ դա նշանակում էր երկու կոնֆետ պակաս: Դեռևս պատրաստ չլինելով կատարել այդ զոհաբերությունը` ես ինքս ինձ մտածեցի. «Դու ունես նույն տեսքը, ինչ մեկ շաբաթ առաջ»: Այնուհետև ես առաջ գնացի և խնդրեցի 25 սենթանոց մի տոմս: Տոմսավաճառը ոչինչ չկասկածեց և ես, ինչպես միշտ, գնեցի իմ հինգ կոնֆետները` երեքի փոխարեն:

Իմ արարքով խանդավառված ես հետո վազեցի տուն, որ հայրիկիս պատմեի իմ մեծ հաջողության մասին: Մինչ ես ամեն բան մանրամասն պատմում էի, նա ոչինչ չէր ասում: Երբ ես վերջացրի, նա պարզապես նայեց ինձ և ասաց. «Որդիս, դու կծախե՞ս քո հոգին հինգ սենթով»: Նրա խոսքերը մխրճվեցին իմ սրտի մեջ: Դա մի դաս էր, որը ես երբեք չմոռացա:

(«Ի՞նչ փրկանք կտա մարդ իր անձի համար» Ensign կամ Լիահոնա, նոյեմբեր 2012, 34):

Վերադարձ 110-րդ էջ։

Քննարկեք.Ի՞նչ է նշանակում շիտակ լինել: Կյանքի ի՞նչ փոքր բաների համար մարդիկ կարող են տալ իրենց հոգիները:

Կարդացեք.Հավատո հանգանակ 1.13 և Հոբ 27.5 (աջ կողմում)

Քննարկեք.Կարդացեք Մոսիա 4.28 (աջից) և Երեց Ջոզեֆ Բ. Վիրթլինի մեջբերումը (111-րդ էջում)։ Ինչո՞ւ է պարտքի, գործնական կամ կրթական վարկի (ՄԿՀ-ի նման) մարումը հանդիսանում անձնական շիտակության հարց։

Պարտավորվեք.Պարտավորվեք շաբաթվա ընթացքում կատարել հետևյալ գործողությունները: Նշեք վանդակը, երբ ավարտեք յուրաքանչյուր գործողությունը։

  • Բարելավեք ձեր գնահատած 8 ոլորտներից մեկը:

  • Ձեր ընտանիքի կամ ընկերների հետ կիսվեք, թե այսօր ինչ սովորեցիք շիտակության մասին։