Föfför 10

Cornelius me Chienan kewe ra Angei ewe Ngun mi Fel

Ewe kapas allim faniten meinisin.

Cornelius i emon souemwenin ekkewe soufiun Rom. Atewe me an famini ra nuku non Kot, nge esap ir chon Jews me rese sinei usun Jises Kraist. Cornelius a aporousa usun met a fori ngeni ewe mi osupwang me iotek ngeni Kot iteitan.

Foffor 10:1–2

Eu mwirin neanowas, emon chon nang a feito ngeni Cornelius nupwen a echikifel me iotek. Ewe chon nang a apasa, “Cornelius, om iotek a ponu.” Kot a kuna usun om kirekiroch. Ewe chon nang a ereni Cornelius epwe kuta ewe Aposel Peter, ewe a nonom non ewe neni itan Joppa. Peter epwe ereni Cornelius met epwe fori.

Foffor 10:3–6, 30–32

Cornelius a ereni noun kewe chon angang met ewe chon nang a apasa. Atewe a tinireni ngeni Joppa repwe tingorei Peter epwe feito churi i.

Foffor 10:7–8

Non Joppa, Peter a nom won ungen ewe imw e iotek. Atewe a fokkun echik me a mochen epwe mongo, nupwen a kuna eu nemasepwi.

Foffor 10:9–10

Peter a kuna echo chommongun sheet a feitiw seni nang, a ureno ren sokkun maan me machang. Iwe Peter a rong eu mongungu a apasa pwe epwe ani ekkewe maan. Nge ekkei maan mine ekkewe chon Jews rese tongeni mongo. Ewe annukun Moses a apasa pwe ir mi nimengaw. Peter ese mochen epwe mongo.

Foffor 10:11–14

Ewe mongungu a apasa pwe ika Kot a fori och mettoch epwe nimoch, iwe esap iteni pwe mi nimengaw. Ewe nemasepwi a eniwin fan unungat. Peter a mochen sinei ika pwe met wewen.

Foffor 10:15–17

Mwirin chok, ewe Ngun a ereni Peter pwe unumon mwan ra kukuta i. “Fitir,” ewe Ngun a apasa, “pwe ua fen tinireno.”

Foffor 10:16–21

Ekkewe unumon mwan noun Cornelius kewe chon angang. Ra ereni Peter usun ewe chon nang Cornelius a kuna me a tingorei ika Peter epwe feito osukuna i. Napengeni ekkewe chon Jews rese kan totonong non ekkewe imw esap imwen chon Jews, me ekkewe Aposel rese aitir ewe kapas allim. Nge a chemeni an we nemasepwi, Peter a finata epwe feino.

Foffor 10:22, 28

Nupwen Peter a wareto, Cornelius a utiwiti fiti chommong chiechian me chochon an famini. A ereni Peter pwe ra moneta ar repwe ausening met ewe Kot a annuku ngeni epwe erenir.

Foffor 10:26, 33

Iei Peter a weweiti met Kot a aiti ngeni non an we nemasepwi. Peeter a ereni meinisin pwe Kot ese chok tongei eu muu ika mwichen aramas nap seni ekkoch. Kot a etiwa ion a tapweno Mwirin me fori met mi pung. Peter a osukuna Cornelius me an famini me chiechian kewe usun Jises Kraist.

Foffor 10:34–43

Usun a osukuna, ewe Ngun mi Fel epwe feito ngeni meinisin ekkewe ra ausening. Peter a etiwer repwe papatais non ewe iten Jises Kraist. Peter a kaeo pwe meinisin noun Kot kewe semirit mi ketiw non ewe Mwichefenin Jises Kraist. Ewe kapas allimen Jises Kraist a afanafan ngeni meinisin.

Foffor 10:44–48