Luke 4:16–31

Jises a Pwarata usun An Misin

Ese Ketiw non Nazareth

Jises a feino Nazareth, ikewe an famini me chiechian ra nonom ie. Ikewe a mammarita ie. Non ewe ranin Sabbath, a feino non ewe sinakok, ikewe ekkewe aramas ra feino repwe kaeo ekkewe pukefel me pin ngeni Kot.

Luke 4:16–17

Non ewe sinakok, Jises a uta me aneani ewe pukefel seni ewe soufos Aisea. Ewe pukefel a apasa pwe eu ran ewe Chon Amanau epwe feito. Epwe afanafana ewe kapas allim ngeni ekkewe mi osupwang me echikara ekkewe mi netipechou. Epwe anisi ekkewe mi mese chun me ekkewe mi riafou.

Isaiah 61:1–2; Luke 4:17–19

Jises a wes me anea me a motiw. Meinisin ra nengeni Atewe. A apasa ngenir pwe non chok ena ran, ewe pukefel A aneani epwe fis. I ewe Chon Amanau.

Luke 4:21

Ekkewe chon Nazareth ra mairu ren met Jises a apasa Ifa usun Jises epwe i ewe Chon Amanau? Ra ekieki nge I chok noun Mary me Joseph at, nge esap i ewe Noun Kot. Me rer, A chok nikinikin emon aramas usun meinisin.

Luke 4:22

Jises a sinei pwe ekkewe aramas ra mochen Epwe fori eu manaman pwe epwe pwarata pwe I ewe Chon Amanau. A afanafana pwe manaman a fis ngeni kewe aramas mi wor ar nuku, me fan ekkoch Kot a fori manaman faniten ekkewe esap ir chon Israel pokiten wachemuken ar nuku. Ekkoch ekkewe aramas non ewe sinakok ra song ngeni Jises.

Luke 4:23–28

Ra atekinau seni ewe neni me emwenata won ewe chuk. Ra mochen repwe oturatiw me won ewe chuk.

Luke 4:28–29

Nge Jises a feino seni ekkewe aramas ra song.

Luke 4:30

Pokiten rese mochen epwe nom non Nazareth, Jises a feino ngeni eu neni me afanafan.

Luke 4:31–32