Porausen Pukefel
Jises a Amanaua Sefani Lazarus— “Ngang ewe manausefan, me ewe manau”

John 11:1–46

Jises a Amanaua Sefani Lazarus

“Ngang ewe manausefan, me ewe manau”

Mary, Martha, me Lazarus.

Mary, Martha, me Lazarus ra nonnom non eu sopw itan Bethany. Ra nuku non Jises, me I a tonger. Mary me Martha ir fefinen Lazarus.

John 11:1, 5

Lazarus a semwen.

Lazarus a fokkun semwen Jesus a nom non pwan eu sopw. Mary me Martha ra tinano eu porous ngeni I ar repwe mut ngeni I epwe sinei Chienan we a semwen.

John 11:1–3

Jises a apasa pwe I epwe amanaua sefani Lazarus.

Jises a witiwit ren ru ran. Mwirin I a ureni Noun kewe chon kuno repwe no ngeni Bethany. Ekkewe chon kuno ra aurek pokiten ekkoch ekkewe aramas unukun Bethany ra mochen efeiengawa Jises. Nge Jises a mochen anisi Lazarus. Jises a apasa pwe Lazarus a fen mano, me I epwe amanaua sefanieta.

John 11:6–16

Martha a churi Jises.

Martha a churi Jesus me nukun ewe sopw. A apasa pwe ika Jises a fen mwitir ne wareto, Lazarus esap fen mano. Jises a pwonei pwe Lazarus epwe manau sefan.

John 11:17–24

Martha a kapas ngeni Jises.

Jises a apasa, “Ngang ewe manausefan, me ewe manau.” Jises a eisini Martha ika i mi nuku I. Neminewe a apasa, “Ngang mi nuku pwe en ewe Kraist, ewe Noun Kot.

John 11:25–27

Martha, Mary, me Jises.

Martha a niwin sefan ngeni ewe imw me ureni Mary pwe Jises a feito. Mary a feito me chappetiw ren pechen Jises, a kechiw pokiten mwongean we. Jises a pwan kechiw. I a tongei Lazarus, Mary, me Martha.

John 11:28–36

Jises a feinno ngeni ewe pwang ikewe Lazarus a peias ie.

Jises, Martha, Mary, me ekkoch ra feinno ngeni ewe pwang ikewe Lazarus a peias ie. Efou foumongun fau a pwonuono ewe pang. Jises a apasa pwe repwe asokopenano ewe foun fau.

John 11:38–39

Jises a eisini Martha an epwe nuku non I.

Nge Martha a ureni Jises pwe Lazarus a fen mano non ukukun ruanu ran. Jises a achema ngeni Martha usun An pwon. A tingorei neminewe epwe nuku.

John 11:39–40

Jises a ureni Lazarus epwe tou.

Mwirin Jises a iotek ngeni Saman we. A kinisou ngeni Kot ran an soun rongorong ngeni I. Jises a mochen ekkewe aramas repwe nuku pwe Kot a tinato I pwe epwe ar Chon Amanau. Mwirin Jises a kokorau, “Lazarus, tou.”

John 11:41–43

Lazarus a fetaneu seni ewe pwang.

Lazarus a fen fetaneu seni ewe pwang. I mi chiwen tukutukuno non ekkewe uf me mwangku i a fen peiaseno me non. Jises a ureni ekkewe aramas pwe repwe epichano i. Chommong me nein ekkewe aramas ra kakaton non ena ran iei ra nuku pwe Jises i ennetin ewe Chon Amanau, ewe Noun Kot.

John 11:44–45