Föfför 8:5–24

Simon me ewe Manamanen Kot

Kaeo usun an Kot we pristut

Emon mwan itan Simon a nonom non Samaria. Nupwen a rong ewe kapas allimen Jises Kraist, a nuku. A pwan mwar seni ewe manaman mine noun Jises we chon kuno a fori ren ewe manamanen Kot. Simon a papatais, me pwan chommong ekkoch mwan me fefin non Samaria.

Foffor 8:5–13

Ekkewe Aposel non Jerusalem ra rong pwe aramas non Samaria ra papatais. Peter me John ra feino ngeni Samaria. Ra aea ewe manamanen Kot, ewe pristut, ra iseta pour won mokuren aramas ekkewe rafen papatais me ngenir ewe niffangen ewe Ngun mi Fel.

Föfför 8:14–17

Nupwen Simon a kuna Peter me John ra fori ei, a tingor epwe ngenir mwoni me a apasa, “Wato pwan ei manaman.” A mochen epwe moni ewe pristut an Kot pwe epwe pwan tongeni angei ewe niffangen ewe Ngun mi Fel.

Föfför 8:18–19

Peter a awewei pwe ese wor emon epwe tongeni moni ewe manamanen Kot. A ew niffang seni I. Peter a ereni Simon pwe netipan a namot epwe ekesiwin. A tingorei Simon epwe aier me iotek ngeni Kot ren omusomusen an tipis.

Föfför 8:20–23

Simon a omusomus. A tingorei Peter epwe ioteki ne anisi an epwe ekesiwin.

Föfför 8:24