Porausen Pukefel
Nepoputan: Usun ewe Testamen Sofo—Porousen Jises Kraist me Noun kewe chon kuno

Nepoputan

Usun ewe Testamen Sofo

Ewe porousen Jises Kraist me Noun kewe chon kuno

An emon soufosun nom mak non ei puk.

Ewe Paipen a kinikinitiw non ruu kinikinin: ewe Testamenin Noom me ewe Testamen Sofo. Ewe Testamenin Noom a mak seni ekkewe soufos non fansoun noom. Ekkoch me nein ekkei soufos ra makei pwe Kot a pwonei epwe tinato emon Chon Amanau. I ewe Noun Kot me epwe angasa kich seni tipis me mano pwe sipwe tongeni niwinsefaniti Kot.

Isaiah 53:3–5; Jacob 7:11; Moses 4

Mary a komoch ewe monukon Jises.

Ewe Testamen Sofo a kapas usun ei pwon a fis. A kapas usun ewe uputiw an Jises Kraist, ewe Noun Kot.

Luke 2:4–7

Jises a osukuna eu mwichen aramas.

Ewe Testamen Sofo apwan kapas usun manauen Jises. A nonom ren ekkewe chon Jews me a aiti kich usun manauach pwe sipwe tongeni niwinsefaniti Samach won Nang fan eu.

Matthew 5:1–2

Jises a tongei emon semirit.

Jises a efeiochu me angang ngeni aramas. A fori chommong manaman faniter, usun echikara aramas mi samau me amanawa sefani ekkewe ra mano.

Matthew 4:23

Jises a epinano emon Noun kewe Aposel.

Jises a fini kewe engon me ruemon Noun kewe chon kuno repwe Aposel. A ngenir mumuta ar repwe emweni An Mwichefen.

Luke 9:1–2

Jises a tou seni ewe peias.

Pokiten Amen tongei kich, Jises a wata won Inisin meinisin ach kewe metek, netipengaw, me tipis. A mano fan itach. Iwe, mwirin unungat ran, A manau seni mano me a manausefan! Jises Kraist mi manau me pokiten I, sia tongeni aier seni ach tipis me manausefan mwirin ach mano.

Alma 7:11–13

Ruemon semirit ra aneani ewe Testamen Sofo.

Aramas ra sinei me tongei Jises a makei meinisin ekkei. Noun kewe Aposel ra makei taropwe ar repwe anisi chon ei Mwichefen ar repwe anapano ar nuku non Jises Kraist. Ekkewe mettoch ra makei afen nonom me tumun non fitu fitu ier. Iei ka tongeni aneanir non ewe Testamen Sofo me kaeo ifa usun om kopwe tapwno mwirin Jises Kraist.

Luke 1:1–4