Matthew 21:1–16

Jises a Wawanong non Jerusalem

Ekkewe aramas ra etiwa ar Chon Amanau

A arapakan fansoun ewe Passover, eu auchean kametip fan iten ekkewe chon Jew. Chommong aramas ra feinno ngeni Jerusalem ren ewe Passover. Jises me Noun chon kuno ra pwan feinno. Nupwen ekkewe aramas ra rong pwe Jises a feito, ra feinno repwe churi I.

Matthew 21:1; John 12:12–13

Nupwen Jises me Noun chon kuno ra arap ngeni Jerusalem, I a tingorer repwe wato emon tongki ngeni I. Chommong ier me mwan, emon soufos a apasa pwe ewe Chon Amanau epwe wareto non tekison an wawa emon kukkun tongki.

Matthew 21:1–7; nengeni pwan Zechariah 9:9

Jises a tonong non ewe teninimw won emon tongki. Ekkewe aramas ra fokkun pwapwa ar kuna I. Ra etiwa I usun emon king. Ra emeresano panen ira me uf won ewe puun ren ewe tongki epwe fetan won. Ra kinisou ngeni Kot me pupuchor, Hosanna: A feioch ewe Kingen Israel ewe a feito non iten ewe Samon.

Matthew 21:8–9; Luke 19:36–38; John 12:13

Chommong aramas non Jerusalem ra mochen sinei met a fis. “Ion ei?” ra eis. Ekkoch ra ponuweni pwe i Jises seni Nazareth.

Matthew 21:10–11

Mwirin, Jises a feino ngeni ewe tempel. Ekkoch aramas ikewe ra ekkesiwin moni me amomo man ar repwe asorer. Jises mi sinei pwe rese wenechar.

Matthew 21:12

Jises ese sani ar ra amomo me angei moni seni aramas kewe ra mochen repwe fen ngeni non ewe tempel. A forir repwe no seni ewe tempel me nupenano ar kewe chepen. A apasa, “Imwei epwe ew imwen iotek,’ nge ami oua ewini ngeni imwen chon sona.”

Matthew 21:12–13; nengeni pwan Isaiah 56:7; Jeremiah 7:11

Ekkewe aramas ir mi chuun ika rese tongeni fetan ra feito ren Jises non ewe tempel, me I a echikarereta. Semirit ra kokkou, Hosanna, mwareiti Jises me apasa pwe I ewe Chon Amanau.

Matthew 21:14–15

Ekkoch ekkewe prist me sou mak ra song nupwen ra kuna met Jises a fori me rong met ekkewe semirit ra apasa. Jises a achema ngenir usun eu pukefel a apasa pwe Kot a ounusaochueno ewe mwareiti a feito seni awen semirit.

Matthew 21:15–16; nengeni pwan Konupin 8:2