Luke 24:13–25

Jises a Oururu Ruemen Chon Kuno

Ew fetan fengen won ewe an ngeni Emmaus

Won ewe ran Jises a manausefan, ruemen chon kaeo ra fetan seni Jerusalem ngeni ew sopw itan Emmaus. Ir chon tapweno mwirin Jises, me ir ra netipengaw. Ir ra kapas fengen nefiner usun an Jises mano me ekkoch mettoch a fen fis non ekkewe fituw ran ra wesino.

Luke 24:13–14

Nupwen ir ra fetan, Jises a feito me fetan rer, nge ir rese sinei pwe I Jises. I a eis met ir ra kapas usun me pwata ir ra netipengaw.

Luke 24:15–17

Ir ra mairu pwe I ese sinei met a fen fis. Ir ra ereni usun Jises. Ir ra ekieki pwe I epwe ar chon Amanau, nge I a fen mano.

Luke 24:18–21

Ir ra pwan apasa pwe ekkoch fefin ra fen nomw ren Peiasan ewe, nge inisin Jises ese chiwen nomw. Chon Nang ra fen ereni ewe fefin pwe Jises a manau.

Luke 24:21–24

Jises a pwan aitir met ekkewe pukefel a apasa usun ewe Chon Amanau. I a apasa pwe ekkewe soufos a ra aiti pwe ewe Chon Amanau epwe mano me manausefan.

Luke 24:25–27

Nupwen ra tori Emmaus, a pwinitir. Ekkewe ruemen chon kaeo ra tungorei Jises epwe nomw rer. Jises a motetiw me mwongo rer. I a angei ewe pinawa, efeiechu, me a ngeni ekkewe chon kaeo. Ren na fansoun, ir ra sinei pwe i Jises. Mwitir chok I a mworono.

Luke 24:29–31

Ekkewe ruemen chon kaeo ra kapas usun ifa pwichipwichin met ra mefi non ngasangaser nupwen Jises a aitir seni ekkewe pukefel. Ir ra feino mwitir ngeni Jerusalem me apasa ngeni ekkewe ekkoch chon kaeo pwe ir ra fen kuna Jises.

Luke 24:32–35