Luke 19:1–10

Zacchaeus ewe Chon Ioni Takises

A tota won efoch ira an epwe kuna Jises

Jises a churi ewe sopw Jericho. Emon mwan itan Zacchaeus a nomw ikena. Zacchaeus emon mi pisekisek chon ioni takises. Napengeni meinisin aramas rese sani chon ioni takises. Ra ekieki pwe chon ioni takises ra angeni watten moni seni aramas.

Luke 19:1–2

Zacchaeus a rong pwe Jises a nomw non ewe sopw. Atewe a mwochen epwe kaeo ekkoch usun I. A sotuni an epwe feino kuna Jises, nge I ese tongeni pwokiten a chommong aramas unukun I, me Zacchaeus a fokkun mwochomwoch an epwe kuna rer. Ifa usun a epwe kuna Jises?

Luke 19:3–4

Zacchaeus a sano akomw me a tota won efoch ira pwe epwe tongeni kuna Jises. Nupwen Jises a fetanno, A neta me kuna Zacchaeus won ewe ira. Jises a kekeri itan me apasa, “tetiw..” Jises a mwochen churi i non imwan. Zacchaeus a mwitir ne totiw seni ewe ira. A fokkun pwapwa ren an Jises epwe feito non imwan.

Luke 19:4–6

Ekkewe aramas non Jericho ra ekkieki pwata Jises epwe feino ngeni imwen Zacchaeus. Ra ekkieki pwe Zacchaeus emon mi tipis pwokiten i emon chon ioni takises.

Luke 19:7

Zacchaeus a ureni Jises, "Esopwun piseki kewe ngang uwa ngeni ekkewe mi osupwang." I a apasa pwe ika a angeni watten moni seni emon, iwe i epwe ngenir safan mi fen napeno. Jises a ereni Zacchaeus, “Ei ran ngasono a waroto ngeni ei iimw.” Jises a apasa I a fen feito an epwe kutta me angasa ekkewe aramas mi mwonuchono.

Luke 19:6, 8–10