Föfför 9:36–42

Tabitha, emon Fefin “a Uren Foffor Murino”

A manausefan ren ewe manamanen Jesus Christ

Tabitha emon chon tapweno mwirin Jises Kraist mi nukuchar. A nom non eu kukun teninimw seni ewe noom, itan Joppa. A sani an epwe angang me anisi aramas mi osupwang.

Föfför 9:36

Tabitha a tete uuf me ngeni ekkewe fefin mi osupwang. Ra fokkun tongei Tabitha.

Föfför 9:39

Eu ran, Tabitha a fokkun semwen. Neminewe a fokkun semwen iwe a mano

Föfför 9:37

Ekkewe pwan ekkoch memeperun ewe Mwichefen non Joppa ra fokkun netipechou. Ra sinei pwe Peter, emon noun Jises kewe Aposel, a nom non eu neni mi arapoto. Ra tinano ruemon mwan repwe tingorei Peter epwe mwitir me feito rer.

Föfför 9:38

Peter a feito ikewe Tabitha a nonom ie. Ekkoch me nein ekkewe fefin Tabitha a anisir ra nonom ikewe. Ra pwari ngeni Peter ekkewe uuf neminewe a fori faniter.

Föfför 9:39

Peter a tingorei meinisin ekkewe aramas repwe tou seni ewe ruum. A fotopukutiw me iotek.

Föfför 9:40

Mwirin iotek, Peter a apasa, “Tabitha, pwata.” Neminewe a suki mesan me moteta. Peter a anisi Tabitha epwe uta. Neminewe a manau sefan! Peter a kokkori chienen neminewe kewe repwe feito katon i. Ra fokkun mwar! Ra sinei pwe neminewe a manau sefan seni ewe manamanen Jises Kraist. Chommong aramas ra nuku non I.

Föfför 9:40–42