Pagbansay sa Kahanas 2

Gamita ang mga Kasulatan sa Imong Pagtudlo

Ang mga kasulatan naglangkob sa mga pulong sa Dios ug adunay gamhanang epekto niadtong mobasa niini. Ang paggamit sa mga kasulatan sa atong pagtudlo mao ang epektibong paagi sa pagtabang sa uban nga moduol kang Jesukristo.

Lider sa diskusyon: Paningkamoti nga mahuman dayon ang mga seksiyon nga “Hatagi og kahulogan” ug ang “Ipakita” aron ang mga tigkat-on adunay daghang panahon sa pagpraktis.

Hatagi og kahulogan

Lider sa diskusyon: Aron sa pagpaila sa hilisgotan alang niini nga pagbansay sa kahanas, dapita ang mga tigkat-on sa pagpangita sa kapitulo 10 sa Isangyaw ang Akong Ebanghelyo (2023) ug pangitaon ang ulohan nga “Gamita ang mga Kasulatan” sa pahina 209. Dayon ipakigbahin ang mosunod nga mga instruksiyon:

Basaha ang unang parapo ug ang dunay timaan [bullet] nga lista sa “Gamita ang mga Kasulatan” (Isangyaw ang Akong Ebanghelyo, 209). Pangitaa ang mga rason nganong importante ang paggamit sa mga kasulatan samtang kita magtudlo sa ebanghelyo ni Jesukristo.

• Unsay imong nakat-onan?

Lider sa diskusyon: Ipasabot nga ang mosunod nga mga lakang makatabang kanato sa epektibong paggamit sa mga kasulatan sa atong pagtudlo. Ipakita kining mga lakang aron ang mga tigkat-on makadangop niini sa tibuok leksiyon.

• Ipaila ang kasulatan (lakip ang background ug konteksto).

• Basaha ang tudling nga (tabangi nga ikapasabot ang kahulogan ug hatagi og kahulogan ang lisod nga mga pulong).

• Gamita ang mga kasulatan.

Lider sa diskusyon: Ang matag usa sa tulo ka lakang gilista isip usa ka ulohan sa kapitulo 10 sa Isangyaw ang Akong Ebanghelyo (pahina 209). Mag-uban nga magtuon niining seksiyon sa Isangyaw ang Akong Ebanghelyo aron sa pagtabang sa mga tigkat-on nga makasabot sa unsang paagi nila epektibong magamit ang mga kasulatan sa ilang pagtudlo. Tutoki kon sa unsang paagi ang pagsunod niini nga mga baroganan makatabang sa mga tawo nga ilang gitudloan nga makaduol sa Manluluwas.

Ipakita

Lider sa diskusyon: I-refer ang klase ngadto sa “Personal nga Pagtuon o Pagtuon uban sa Kompanyon” nga kahon sa pahina 209 sa Isangyaw ang Akong Ebanghelyo. Pagpili og usa ka tudling sa kasulatan gikan sa kalihokan ug gamita kini sa pagpakita sa mga lakang nga imong nakat-onan.

Ipraktis

Lider sa diskusyon: Ipakigbahin ang mosunod nga mga instruksiyon. Hatagi ang mga sakop sa klase og oras nga makaandam sa indbidwal nga paagi ug dayon magpraltis kauban ang kapares.

Kompletoha ang “Personal nga Pagtuon o Pagtuon uban sa Kompanyon” nga kalihokan nga makita sa kataposan sa “Gamita ang mga Kasulatan” nga seksiyon sa kapitulo 10 (Isangyaw ang Akong Ebanghelyo, 209).

Lider sa diskusyon: Kon matapos na ang mga tigkat-on, dapita sila sa pagpraktis sa pagpaila sa kasulatan nga ilang gipili uban sa kapares. Human matapos ang mga sakop sa klase sa pagpraktis, mahimong sangonan nimo ang matag tawo sa pagtrabaho uban sa laing kapares ug dapita sila sa pagpraktis pag-usab.

Gamita

Lider sa diskusyon: Pagpakigbahin og imbitasyon sama sa mosunod aron sa pagtabang sa mga tigkat-on nga gamiton kini nga kahanas:

Atol sa sunod semana, pangita og oportunidad sa pagsunod sa mga lakang nga imong nakat-onan sa epektibong paggamit sa mga kasulatan. Mabuhat nimo kini diha sa pamilya nga pagtuon sa kasulatan, gabii sa pamilya, uban sa higala, sa simbahan, o isip usa ka bahin sa imong mga paningkamot sa pagpangalagad sa uban.