Leksiyon 12

Pag-adjust ngadto sa Misyonaryo nga Kinabuhi

Ang pagpangandam sa misyonaryo naglakip sa pag-andam sa pisikal, espirituwal, ug mental nga mga panginahanglan sa misyonaryo nga buhat. Ang Pag-adjust ngadto sa Misyonaryo nga Kinabuhi (2013) makatabang sa mga misyonaryo ug niadtong nangandam alang sa mga misyon sa pagdumala niini nga mga panginahanglan. Naghatag kini og mga giya nga makatabang nato sa pag-akses sa kusog sa Ginoo ug sa pagpangitag hingpit nga kalipay diha sa misyonaryo nga serbisyo.

Magrebyo ug Mag-follow Up

Lider sa diskusyon: Dapita ang mga tigkat-on sa paghunahuna mahitungod sa ilang bag-ong mga paningkamot sa paggamit sa unsay ilang nakat-onan niini nga klase. Mahimo nimo silang dapiton sa pagpakigbahin og pipila sa ilang mga paningkamot uban sa kapares o isip tibuok klase.

Mga Opsiyon sa Kalihokan sa Pagkat-on

Lider sa diskusyon: Sa mainampoong paagi pilia ang (mga) opsiyon sa pagkat-on nga labing makaayo sa imong klase. Seguradoha ang pagbilin og taas nga oras sa pagpraktis ug paggamit.

Timan-i: Adunay daghang mga pagbansay alang sa kahanas nga may kalabotan sa mga hilisgotan sa leksiyon. Ikonsiderar ang pagamit sa usa sa mosunod atol sa samang yugto sa klase nga imong itudlo ang kalihokan sa pagkat-on gikan niini nga leksiyon: “Makighinabi sa Tanan,” “Pagtubag sa mga Pagbati nga Dili Angayan,” “Tinuyo nga Pagginhawa,” “Pagpalambo og mga Sumbanan sa Himsog nga Panghunahuna.”

Opsiyon A: Unsay makatabang nako sa pag-adjust ngadto sa misyonaryo nga kinabuhi?

Pagtuon

Lider sa diskusyon: Dapita ang mga sakop sa klase sa paghunahuna mahitungod sa mga panahon nga kinahanglan nilang mag-adjust ngadto sa bag-ong sitwasyon sa ilang kinabuhi. Ang mga ehemplo mahimong maglangkob sa pagbalhin ngadto sa bag-ong panimalay, pagpasakop sa Simbahan, pagbalhin og laing mga eskwelahan, pakighimamat og bag-ong tawo, o pagsugod sa bag-ong trabaho. Hangyoa sila sa pagpakigbahin sa unsay ilang mga kasinatian. Ang mga pangutana sama sa mosunod tingali makatabang niini nga panaghisgot:

• Unsay naka-dili komportable mahitungod sa kausaban?

• Unsa ang nakapahinam mahitungod niini?

• Unsa ang nakatabang nga nakapahiangay ka sa bag-o nimong sitwasyon?

Lider sa diskusyon: Ipakita ang usa o daghan pa sa mga litrato sa mga full-time nga mga misyonaryo, sama sa mosunod. Dapita ang mga tigkat-on sa pagpakigbahin unsay ilang gibati nga makapahinam mahitungod sa pagkahimong full-time nga misyonaryo ug unsay nakalisod bahin niini.

Lider sa diskusyon: Ipasabot nga niini nga kalihokan sa pagkat-on, ang mga sakop sa klase mapamilyar sa usa ka kapanguhaan nga giulohan og Pag-adjust ngadto sa Misyonaryo nga Kinabuhi (2013). Tabangi sila sa pagpangita sa Pag-adjust ngadto sa Misyonaryo nga Kinabuhi diha sa Librarya sa Ebanghelyo (Librarya > Mga Tamdanan nga Basahon ug mga Calling > Mission Callings > Pag-adjust ngadto sa Misyonaryo nga Kinabuhi). Ipaila kini nga kapanguhaan pinaagi sa pagpakigbahin sa mosunod nga mga instruksiyon:

Basaha ang “Ang Stress Normal nga Parte sa Kinabuhi” diha sa “Pagsabot sa Stress” nga seksiyon sa Pag-adjust ngadto sa Misyonaryo nga Kinabuhi (pahina 5). Pangitaa ang katuyoan niini nga booklet.

• Sa unsang paagi kini nga kapanguhaan makatabang ninyo karon ug sa umaabot?

Ipraktis

Lider sa diskusyon: Ang mosunod nga kalihokan makatabang sa mga sakop sa klase nga makaangkon og personal nga kasinatian aron mapamilyar sa Pag-adjust ngadto sa Misyonaryo nga Kinabuhi. Kini mag-andam usab ug modasig kanila sa pagtuon pa gikan niini nga kapanguhaan sa ilang kaugalingon.

Ipakita kini nga mga instruksiyon ug hatagi ang mga tigkat-on og mga 10–15 ka minuto sa pagkompleto sa kalihokan.

1. Basaha ang “Rekord sa Pagtimbang-timbang sa Kaugalingon” sa Pag-adjust ngadto sa Misyonaryo nga Kinabuhi (pahina 15).

2. Pagpili og usa sa mga kategoriya gikan sa pagtimbang-timbang sa kaugalingon sa (Kinatibuk-an, Pisikal, Emosyonal, Sosyal, Intelektwal, Espirituwal) nga gusto nimong kat-onan pa.

3. Pangitaa ang seksiyon sa Pag-adjust ngadto sa Misyonaryo nga Kinabuhi nga may kalabotan sa kategoriya nga inyong gipili. Tun-i ang mga bahin niana nga seksiyon nga mahinungdanon kaayo nganha kaninyo. Pangitaa ug ikonsiderar ang pagmarka sa mga pagtulun-an nga makatabang ninyo sa inyong kasamtangang sitwasyon.

Lider sa diskusyon: Human ang mga sakop sa klase makahuman sa ilang pagtuon, dapita sila sa pagpakigbahin sa ilang nakat-onan uban sa ilang kapares o sa gamay nga grupo. Pwede usab nimong ipakita ang mosunod nga mga pangutana ug dapita ang magkapares o mga sakop sa grupo nga hisgotan nila kini:

• Unsa ang pipila ka mga sugyot o mga pagtulun-an ang inyong nakita nga labing makatabang?

• Unsay inyong nakat-onan kabahin sa unsang paagi makatabang ang Ginoo kaninyo sa pag-adjust ngadto sa mga panginahanglan sa kinabuhi karon gayod ug sa umaabot isip misyonaryo?

Pagtakda og tumong

Lider sa diskusyon: Hatagi ang mga sakop sa klase og oras sa pagpamalandong sa unsay ilang nakat-onan ug sa pagtakda og mga tumong. Pwede usab nimong ipakita ang mosunod aron matabangan sila:

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Ipadayon ang pagtuon sa porsiyon sa Pag-adjust ngadto sa Misyonaryo nga Kinabuhi nga inyong gisugdan sa pagtuon niini nga kalihokan sa pagkat-on. Pangita og mga sugyot nga inyong masugdan sa paglakip sa inyong kinabuhi.

• Paghimo og plano alang sa pagtuon sa laing mga porsiyon sa Pag-adjust ngadto sa Misyonaryo nga Kinabuhi.

Akong tumong

• Ako mo … (aksiyon nga imong himoon).

• Akong kab-oton ang akong tumong pinaagi sa … (usa ka yano nga plano).

Lider sa diskusyon: Kon ang mga tigkat-on adunay grupo sa mga kaedad nga pakigbahinan sa mga tumong sa tibuok kurso, hatagi sila og oras sa pagpakigbahin unsaon nila sa pagsuporta o pagpahinumdom ang matag usa sa dili pa ang sunod nga klase.

Opsiyon B: Unsa ang pagbati nga mahimong usa ka full-time nga misyonaryo?

Pagtuon

Lider sa diskusyon: Ikonsiderar ang pagsulat sa mga tubag sa mga sakop sa klase diha sa pisara sa mosunod nga pangutana.

• Unsa ang inyong mga pangutana mahitungod sa unsa kaha ang pagbati nga mahimong full-time nga misyonaryo?

• Sa unsang paagi nagkinahanglan ang mga misyonaryo nga mopakita og pagtuo diha ni Jesukristo?

• Unsa may inyong mabuhat karon aron maandam sa kinabuhi isip usa ka misyonaryo?

Lider sa diskusyon: Isip usa ka bahin sa inyong diskusyon, mahimo ninyong hisgotan kining pamahayag ni Elder David A. Bednar.

Ang bugtong nga labing importanteng butang nga inyong mahimo sa pagpangandam alang sa usa ka tawag sa pagserbisyo mao nga mahimong usa ka misyonaryo sa dili pa kamo moadto sa usa ka misyon. (“Pagkahimong Usa Ka Misyonaryo,” Liahona, Nob. 2005, 45)

• Sa inyong hunahuna unsa kaha ang gipasabot sa mahimong usa ka misyonaryo sa dili pa moadto og misyon?

Lider sa diskusyon: Ipasabot nga kini nga kalihokan sa pagkat-on makatabang sa mga sakop sa klase sa pagkakita og mga tubag sa pipila sa ilang mga pangutana. Gamita ang usa o daghan pa sa mosunod nga mga ideya aron sa pagtabang nila nga mas masabtan unsa ang kinabuhi sa full-time nga misyonaryo nga serbisyo.

• Dapita ang pipila sa bag-ong nauli na nga mga misyonaryo sa pagtambong sa klase ug motubag sa mga pangutana sa mga partisipante (ikonsiderar ang pagdapit sa pangtudlo ug pangserbisyo nga mga misyonaryo). Mahimo usab silang maghulagway og usa ka kasagarang adlaw sa usa ka misyonaryo. Awhaga ang nauli nang mga misyonaryo sa paghulagway kon sa unsang paagi nila gibati ang tabang sa Ginoo ug mas nahiduol Kaniya atol sa ilang misyonaryo nga pagserbisyo.

• Ipasalida ang usa sa mga bidyo nga nagpakita unsa ang Missionary Training Center: “The England Missionary Training Centre” (3:06; ChurchofJesusChrist.org) o “Provo Missionary Training Center Tour” (8:42; YouTube). Mahimo usab nimong ipasalida ang “Young Church-Service Missionaries: Serving the Lord” (3:40; ChurchofJesusChrist.org) aron sa pagtabang sa mga sakop sa klase nga makat-on mahitungod sa mga oportunidad sa pangserbisyo nga misyonaryo.

• Dapita ang mga partisipante sa pagbasa sa “Kasagaran nga Inadlaw-adlaw nga mga Kalihokan” (2.4.1) ug “Sampol sa Inadlaw-adlaw nga Iskedyul” (2.4.2) sa Mga Sumbanan sa Misyonaryo alang sa mga Disipulo ni Jesukristo. Makita nila kini nga kapanguhaan sa Librarya sa Ebanghelyo (Librarya > Mga Tamdanan nga Basahon ug Mga Calling > Mga Calling sa Misyon > Mga Sumbanan sa Misyonaryo alang sa mga Disipulo ni Jesukristo).

Human nila makompleto ang kalihokan o mga kalihokan nga imong napili, hatagi ang mga sakop sa klase og usa ka kahigayonan sa paghisgot sa ilang nakat-onan. Pwede kang mangutana og sama sa mosunod:

• Sa unsang paagi ang Ginoo mipanalangin kaninyo samtang naningkamot kamo nga mahimong usa ka misyonaryo?

Ipraktis

Lider sa diskusyon: Usa ka paagi nga imong matabangan ang mga tigkat-on nga “mahimong usa ka misyonaryo” sa dili pa sila moserbisyo og misyon mao ang paghatag kanila og mga oportunidad sa pagbansay alang sa pagtudlo sa uban. Ikonsiderar ang paghangyo sa mga sakop sa klase sa pagpangita sa leksiyon 1, 2, o 3 sa kapitulo 3 sa Isangyaw ang Akong Ebanghelyo. Dapita sila sa pagtuon ug pagpangandam sa pagtudlo sa usa sa mga hilisgotan gikan sa “Doktrinal nga Pundasyon” nga seksiyon sa leksiyon. (Tan-awa sa leksiyon 6: “Pagpraktis sa Pagtudlo” niini nga mga materyal sa kurso alang sa mga ideya mahitungod kon sa unsang paagi kamo makahimo niini nga kasinatian.)

Human ang mga sakop sa klase adunay igong panahon sa pagpangandam, dapita sila sa pagpraktis sa pagtudlo og usa ka tawo sulod sa klase.

Pagtakda og tumong

Lider sa diskusyon: Hatagi ang mga sakop sa klase og oras sa pagpamalandong sa unsay ilang nakat-onan ug sa pagtakda og mga tumong. Pwede usab nimong ipakita ang mosunod aron matabangan sila:

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Isulat unsay inyong buhaton nga “mahimong usa ka misyonaryo” sa mas hingpit nga paagi sa dili pa moserbisyo og misyon.

• Tan-awa kon aduna ba kay kahigayonan sa pag-apil sa usa ka appointment sa pagtudlo o sa ubang mga kalihokan sa pagsangyaw uban sa lokal nga full-time mga misyonaryo.

• Pakighinabi sa mga tawo nga imong nailhan nga nakaserbisyo na og misyon. Suknaa sila og mga pangutana mahitungod sa misyonaryo nga pagserbisyo.

Akong tumong

• Ako mo … (aksiyon nga imong himoon).

• Akong kab-oton ang akong tumong pinaagi sa … (usa ka yano nga plano).

Lider sa diskusyon: Kon ang mga tigkat-on adunay grupo sa mga kaedad nga pakigbahinan sa mga tumong sa tibuok kurso, hatagi sila og oras sa pagpakigbahin unsaon nila sa pagsuporta o pagpahinumdom ang matag usa sa dili pa ang sunod nga klase.

Opsiyon C: Sa unsang paagi ako makaandam sa akong kaugalingon sa espirituwal karon alang sa misyonaryo nga pagserbisyo?

Pagtuon

Lider sa diskusyon: Basaha ug hisgoti ang mosunod nga pamahayag ni Presidente M. Russell Ballard. Mahimo usab nimong tan-awon ang video nga “Stay within the Lines” (5:10, ChurchofJesusChrist.org) isip usa ka bahin niini nga panaghisgot.

Ang gikinahanglan nato karon mao ang labing halangdong henerasyon sa mga misyonaryo sa kasaysayan sa Simbahan. Nagkinahanglan kita og takos, kwalipikado, maabtik sa espirituhanong paagi nga mga misyonaryo. … Wala kita magkinahanglan nga mopuli lang kamo sa usa ka posisyon; kita nagkinahanglan sa tibuok ninyong kasingkasing ug kalag. Nagkinahanglan kita og abtik, mahunahunaon, mabination nga mga misyonaryo kinsa mahibalo nga maminaw ug motuman sa mga pag-aghat sa Balaang Espiritu. … Isip usa ka Apostol ni Ginoong Jesukristo, awhagon ko kamo sa pagsugod karon dayon … nga mahimong puno ug hingpit nga takos. (“The Greatest Generation of Missionaries,” Ensign, Nov. 2002, 47)

• Unsa ang mahinungdanon kaayo alang kaninyo niini nga pamahayag?

• Sa inyong hunahuna ngano kaha nga ang espirituwal nga pagpangandam ug pagkatakos importante sa misyonaryo nga pagserbisyo?

Lider sa diskusyon: Isip usa ka bahin sa inyong panaghisgot, pwede nga dungan ninyong tun-an ang Doktrina ug mga Pakigsaad 11:21 ug Alma 17:2–3. Ang mga partisipante makapangita usab og mga ehemplo sa unsang paagi ang Manluluwas miandam sa Iyang kaugalingon sa espirituhanong paagi alang sa Iyang pagpangalagad (sama, pananglit sa, Mateo 4:2; Marcos 1:35; ug Juan 8:28).

• Unsa ang pipila ka pihong mga paagi nga makapangandam kamo karon sa espirituhanong paagi alang sa misyonaryo nga pagserbisyo?

Lider sa diskusyon: Dapita ang mga tigkat-on sa paghimo og indibidwal nga lista sa mga tubag sa nangaging mga pangutana. Mahimo silang mopakigbahin sa usa o duha ka aytem sa ilang lista uban sa kapares. Ipasabot nga kinahanglang dili sila mopakigbahin og mga kasinatian nga personal ra kaayo.

Ipraktis

Lider sa diskusyon: Ipasabot nga sa dili pa ang ilang misyonaryo nga serbisyo, ang mga umaabot nga mga misyonaryo interbyohon sa ilang bishop ug presidente sa stake aron sa pagtino sa ilang katakos ug kaandam sa pagserbisyo.

Dapita ang mga sakop sa klase sa pagpangita sa mga pangutana sa pag-interbyo alang sa misyonaryo nga pagserbisyo sa artikulo nga “Mga Pangutana sa Pag-interbyu” (Liahona, Ago. 2018, 53–54). Mahimo usab nimong andamon kini nga mga pangutana isip usa ka handout. Ikonsiderar ang pagpakita sa mosunod nga mga instruksiyon:

Paggahin og panahon nga basahon sa hilom diha sa matag usa nga mga pangutana sa pag-interbyo alang sa misyonaryo nga pagserbisyo. Human nimo mabasa ang mga pangutana, tinoa unsay imong gibati nga maayo nimong nahimo, uban sa mga butang nga kinahanglan pa nimong palamboon.

Lider sa diskusyon: Human ang mga tigkat-on adunay panahon sa pagbasa sa mga panguta sa interbiyo, ikonsiderar ang paghisgot sa mosunod nga mga pangutana:

• Sa unsang paagi ang pagrebyo ug pagpamalandong niini nga mga pangutana sa interbiyo nakatabang ninyo sa pagpangandam alang sa inyong misyonaryo nga pagserbisyo?

• Nganong importante kaayo nga mahimong hingpit nga matinud-anon sa imong kaugalingon ug sa imong mga lider sa pagkapari kon motubag niini nga mga pangutana

Pagtakda og tumong

Lider sa diskusyon: Hatagi ang mga sakop sa klase og oras sa pagpamalandong sa unsay ilang nakat-onan ug sa pagtakda og mga tumong. Pwede usab nimong ipakita ang mosunod aron matabangan sila:

Pagtakda og tumong nga may kalabotan sa unsay inyong gitun-an. Gamita ang mga ideya sama sa mosunod, o paghunahuna og inyong kaugalingong ideya.

• Tinoa unsa ang imong buhaton aron mas maandam sa epirituhanong paagi sa pagserbisyo og misyon.

• Kon wala pa ka makadawat sa imong patriyarkal nga panalangin, mainampoong ikonsiderar kanus-a ang saktong panahon alang kanimo sa pagdawat niini.

• Moapil kanunay sa buhat sa templo ug sa family history.

Akong tumong

• Ako mo … (aksiyon nga imong himoon).

• Akong kab-oton ang akong tumong pinaagi sa … (usa ka yano nga plano).

Lider sa diskusyon: Kon ang mga tigkat-on adunay grupo sa mga kaedad nga pakigbahinan sa mga tumong sa tibuok kurso, hatagi sila og oras sa pagpakigbahin unsaon nila sa pagsuporta o pagpahinumdom ang matag usa sa dili pa ang sunod nga klase.

Sa Sunod nga Higayon

Lider sa diskusyon: Kon andam kana sa pagtudlo sa leksiyon 13 sa sunod nga higayon, ikonsiderar ang pagdapit sa mga sakop sa klase sa paghunahuna mahitungod sa ilang pag-uswag nga nahimo sugod sa sinugdanan sa kurso sa ilang pagpangandam sa pagserbsiyo og misyon. Mahimo usab nimong padad-an sila og usa ka pahinumdom.