Leksiyon 2

Pasiuna sa Isangyaw ang Akong Ebanghelyo

Mga misyonaryo nga nagtuon sa Isangyaw ang Akong Ebanghelyo

Ang “Isangyaw ang Akong Ebanghelyo usa ka bililhon nga kapanguhaan dili lamang alang sa mga misyonaryo apan alang sa tanang miyembro sa Simbahan” (Isangyaw ang Akong Ebanghelyo [2023], ix). Kining dinasig nga kapanguhaan makatabang sa mga misyonaryo nga matuman ang ilang katuyoan sa pagdapit sa uban sa pagduol ngadto ni Kristo. Kini makatabang usab kanato nga mas mapaduol sa Manluluwas ug mas makasabot sa Iyang doktrina.

Magrebyo ug Mag-follow Up

Lider sa diskusyon: Dapita ang mga tigkat-on sa paghunahuna mahitungod sa ilang bag-ong mga paningkamot sa paggamit sa unsay ilang nakat-onan niini nga klase. Mahimo nimo silang dapiton sa pagpakigbahin og pipila sa ilang mga paningkamot uban sa kapares o isip tibuok klase.

Gisugyot nga Kalihokan sa Pagkat-on

Sa unsang paagi nga ang pagtuon sa Isangyaw ang Akong Ebanghelyo makapanalangin sa akong kinabuhi?

Pagtuon

Lider sa diskusyon: Ipakita ang litrato sa Isangyaw ang Akong Ebanghelyo, o paggunit og pisikal nga kopya niini aron makita sa klase. Dapita ang pipila ka sakop sa klase sa pagpakigbahin unsay ilang nakat-onan mahitungod niini o unsa ang ilang mga kasinatian sa pagtuon niini.

Lider sa diskusyon: Ipasabot nga niini nga leksiyon, ang mga sakop sa klase mas makat-on pa mahitungod sa Isangyaw ang Akong Ebanghelyo. Ipakigbahin ang mosunod nga mga instruksiyon.

Imbis nga mogamit sa pamahayag gikan ni Presidente Nelson, pwede nimong ipasalida ang bidyo nga “President Russell M. Nelson Introduces Preach My Gospel, Second Edition” (2:58).

Tun-i ang “Mensahe sa Unang Kapangulohan” (Isangyaw ang Akong Ebanghelyo, v) ug ang mosunod nga pamahayag gikan ni Presidente Russell M. Nelson. Hatagi og pagtagad kon sa unsang paagi ang pagtuon sa Isangyaw ang Akong Ebanghelyo makapanalangin kanimo.

Ang Isangyaw ang Akong Ebanghelyo naglangkob sa pipila sa labing maayong panudlo nga sukad akong nakita aron sa pagtabang sa mga tawo nga modawat sa imbitasyon sa Ginoo sa pagduol ngadto Kaniya.

Ako modapit kaninyo sa pagtagamtam sa paglambo sa inyong kaugalingong pagpamatuod nga mahatag sa gi-update nga manwal sa Isangyaw ang Akong Ebanghelyo. Kamo makamatngon sa pribilihiyo nga makaabag sa atong Langitnong Amahan sa Iyang balaang buhat. Samtang kamo magtuon ug mogamit sa mga pagtulon-an nga gikan sa ikaduhang edisyon sa Isangyaw ang Akong Ebanghelyo, ikaduhang edisyon, ug gikan sa mga kasulatan, ug gikan sa mga buhing propeta, kamo mapanalanginan. Ang inyong kaugalingong pagpamatuod mapalambo. Ang inyong kapasidad sa pagpakigbahin sa ebanghelyo sa Manluluwas motubo.” (Diha sa D. Todd Christofferson, nga “Use the Power of the Book of Mormon [pakigpulong nga gihatag diha sa seminar alang sa bag-o nga mga lider sa misyon, Hunyo 23, 2023], Librarya sa Ebanghelyo)

Unsa ang gisaad nga mga panalangin ang nakapadani kanimo? Ngano man?

Ipraktis

Unsa Ang Anaa sa Isangyaw ang Akong Ebanghelyo?

Paghunahuna sa mga lider sa imong ward nga ganahan motabang sa kabatan-onan nga mosugod sa pagtuon gikan sa Isangyaw ang Akong Ebanghelyo. Nakadungog sila nga ikaw anaa sa klase sa pagpangandam sa misyonaryo, ug sila midapit kanimo sa pag-andam og tulo ka minuto nga kinatibuk-ang pagpasabot nga ipakigbahin ngadto sa kabatan-onan.

Andama kini nga kinatibuk-ang pagpasabot pinaagi sa pagsulat sa imong mga tubag sa mosunod nga mga pangutana ug pagkompleto sa mosunod nga mga kalihokan. I-highlight ang mga pamahayag gikan sa Isangyaw ang Akong Ebanghelyo nga makatabang sa pagtubag niini nga mga pangutana.

Unsa ang Isangyaw ang Akong Ebanghelyo? (tan-awa sa “Mensahe sa Unang Kapangulohan” [Isangyaw ang Akong Ebanghelyo, v]; “Pasiuna sa Isangyaw ang Akong Ebanghelyo” [Isangyaw ang Akong Ebanghelyo, vii–ix]).
Sa unsang paagi ang pagtuon sa Isangyaw ang Akong Ebanghelyo makatabang nimo ug sa uban nga maduol ngadto sa Langitnong Amahan ug ni Jesukristo? (tan-awa sa “Paggamit sa Isangyaw ang Akong Ebanghelyo sa mga Miyembro sa Simbahan” Isangyaw ang Akong Ebanghelyo, ix).

Susiha ang Isangyaw ang Akong Ebanghelyo pinaagi sa pagbuhat sa mosunod:

Pangitaa ang “Pasiuna sa Isangyaw ang Akong Ebanghelyo,” ug pangitaa diha sa mga bullet point ang naghulagway kon sa unsang paagi ang Isangyaw ang Akong Ebanghelyo giorganisa (tan-awa sa pahina vii).
Susiha ang kapitulo 3 aron sa pagdiskobre unsa ang itudlo sa mga misyonaryo. Basaha ang unang lima ka parapo (sa pahina 25), ug dayon tan-awa sa daklit ang upat ka leksiyon sa tibuok kapitulo.
Pagpili og usa sa mosunod nga mga kapitulo nga suhiron: 1, 2, 4, 5, o 6. Basaha ang mga kapitulo nga pinabaga ang mga ulohan.
Sumala sa imong nakita sa Isangyaw ang Akong Ebanghelyo, unsa ang imong gibati nga mas makatabang sa pagpakigbahin sa imong mubo nga pagpasabot?

Lider sa diskusyon: Human sa panahon sa pagpangandam, dapita ang mga sakop sa klase sa pagpakigbahin sa ilang mubo nga pagpasabot nga may kapares. Human sila makapakigbahin sa ilang mubo nga mga pagpasabot, mahimo kang mosukna og pangutana sama sa mosunod:

Sa unsang paagi ang pagkugi sa pagtuon sa Isangyaw ang Akong Ebanghelyo kauban ang mga kasulatan magtabang nimo sa pagpaduol ngadto sa Langitnong Amahan ug ni Jesukristo?

Pagtakda og tumong

Lider sa diskusyon: Hatagi ang mga sakop sa klase og panahon sa pagpamalandong sa unsay ilang nakat-onan ug sa pagtakda og mga tumong. Pwede usab nimong ipakita ang mosunod aron matabangan sila:

Pagtakda og tumong nga may kalabotan sa unsay inyong gitun-an. Gamita ang pipila sa mosunod nga mga ideya, o maghunahuna og imong kaugalingong ideya.

Tinoa unsaon nimo sa pagamit ang Isangyaw ang Akong Ebanghelyo isip kabahin sa imong pagtuon sa ebanghelyo.
Tun-i ang usa o mas daghan pa sa mga leksiyon nga gitudlo sa mga misyonaryo sa kapitulo 3 sa Isangyaw ang Akong Ebanghelyo.

Akong tumong

Ako mo … (aksiyon nga imong himoon).
Akong kab-oton ang akong tumong pinaagi sa … (usa ka yano nga plano).

Lider sa diskusyon: Kon ang mga tigkat-on adunay grupo nga masultihan sa ilang mga tumong, hatagi sila og panahon sa pagpakigbahin kon unsaon nila sa pagsuporta o pagpahinumdom ang usag usa sa dili pa ang sunod nga klase.

Sa Sunod nga Higayon

Lider sa diskusyon: Kon andam ka na nga motudlo sa leksiyon 3 sa sunod higayon, ikonsiderar ang pagdapit sa mga sakop sa klase sa pagtuon sa kapitulo 1 sa Isangyaw ang Akong Ebanghelyo agig pagpangandam. Mahimo usab nimong padad-an sila og pahinumdom.

Unsa Ang Anaa sa Isangyaw ang Akong Ebanghelyo?