Fa’a’ite—’Eiaha ’ia hau i te : 15 minuti

Ta’ahira’a 1 : Fāito ’e tō ’oe ’āpiti ’ohipa (5 minuti)

E rave tau minuti ri’i nō te feruri ’ua nāhea ’ōrua i tā ’outou mau parau fafau i te hepetoma i ma’iri a’enei. ’A hā’ati i te ’ū e fa’ahōho’a nei i tō ’outou mana’o nō ni’a i te parau fafau tāta’itahi. ’Ei hi’ora’a, te aura’a o te ’ū ’ute’ute, ’oia ïa ’aore re’a tauto’ora’a i ravehia e ’outou, te ’ū re’are’a, e tauto’ora’a tei ravehia ’e te ’ū matie, e tauto’ora’a rahi tei ravehia. ’A fa’a’ite i tā ’outou faitora’a i tō ’outou ’āpiti ’ohipa.

pene 4 tāpura faitora’a

Ta’ahira’a 2 : Fa’a’ite i te pupu i te mau ’ohipa i tupu nō ’oe (5 minuti)

’Ei pupu, ’a fa’a’ite i te mau mea tā ’outou i ha’api’i i te hepetoma i ma’iri nō ni’a i tā ’outou mau parau fafau. E nehenehe te mau uira’a i raro nei e tauturu i te ’āparaura’a.

Tāu’aparau :

E aha te ’ohipa tā ’oe i ’ite ’a fa’a’ohipa ai ’oe i Tā’u parau tumu niu ?

Nāhea tō ’outou ha’apa’o-maita’i-ra’a a’e i tō ’outou tino ?

Ta’ahira’a 3 : Mā’iti i te hoa ’ohipara’a (5 minuti)

’A mā’iti i te hō’ē ’āpiti ’ohipa i roto i te pupu nō teie hepetoma e haere mai nei. Te mea maita’i roa, hō’ē ā ti’ara’a ’āpeni tō te mau ’āpiti ’ohipa ’e e ’ere i te fēti’i.

’A rave e piti minuti nō te fārerei i tō ’outou ’āpiti ’ohipa. ’A fa’a’ite ’o vai ’oe iho ’e e nāhea ’ōrua i te fārerei i te tahi ’e te tahi i te roara’a o te hepetoma.

I’oa o te ’āpiti ’ohipa

Nūmera niuniu ’e te vai atu ā

’A pāpa’i nāhea ’e ahea ’ōrua e fārerei ai i te tahi ’e te tahi i teie hepetoma.

Sābati	Monirē	Mahana piti	Mahana toru	Mahana maha	Mahana pae	Mahana mā’a
Sābati	Monirē	Mahana piti	Mahana toru	Mahana maha	Mahana pae	Mahana mā’a