Nō te ti’arautī

Māuruuru nō tō ’oe hina’aro e tāvini ’ei ti’arautī. I ni’a i teie ti’ara’a, e tuha’a ’oe nō te hō’ē ’ohipa fa’ahiahia. E riro tā ’oe mau tauto’ora’a i te tauturu e te arata’ira’a i te hō’ē pupu ta’ata na’ina’i, ’ia fa’arahi atu ā i tō rātou ’āteura’a pae manava, nā roto i te orara’a i te mau parau tumu nō te ’evanelia ’e te ha’api’ira’a i te mau ’ohipa ’ōhie (ia rave. ’Aita e tītauhia ’o ’oe te tahu’a ’āteura’a pae manava, e ’ere ato’a i ni’a ia ’oe te hōpoi’a nō te tumu parau tā te ta’ata e tu’u mai ; e pe’e noa i te mau mātēria ’e ’a tūru’i i ni’a i te fa’aurura’a nō ’ō mai i te Vārua ’e i ni’a i te pupu.

E mea ta’a ’ē ri’i te ’ohipa i roto i teie pupu i te tahi atu mau ha’api’ira’a fa’arava’ira’a iāna iho. Noa atu ē e nehenehe e rave i teie ha’api’ira’a nō te mau fāito pupu rau, ’ua ’itehia ē, te pupu tano roa a’e nō teie ha’api’ira’a, e 8 ïa ē 10 atu pīahi. E mea huru fifi te mau tumu parau i roto i teie buka ha’api’ira’a, e riro paha te tahi mau pīahi i te putapū roa. ’Ia tupu ana’e te reira, e tāmata i te fa’a’ite atu i te ’ā’au maita’i. E riro ato’a te rahira’a o te mau pīahi i te hōro’a vitiviti i te tauturu ia vetahi ’ē.

Mai te mea e fa’a’ohipahia teie mau mātēria nō te mau pupu feiā ’āpī, e mea au a’e te feiā ’āpī ’ia 16 a’e matahiti, ’e ’ia ’āmui ato’a mai e piti ta’ata pa’ari. Mai te mea tē pe’ape’a ra ’oe nō te maita’i o te hō’ē taure’are’a i te fa’aro’ora’a i tāna parau i roto i te rurura’a, ’a parau atu i te metua ’e ’aore rā i tōna ta’ata tīa’i.

Teie i raro nei te tahi mau ’ohipa tā ’oe e ’ite atu ’e te fāri’i ato’a ho’i i te tahi mau pāhonora’a.

Te mau ’ohipa e ’itehia	Pāhonora’a e nehenehe e hōro’a
Te mau ’ohipa e ’itehia ’Ua ma’iri te hora, ’aita i pau te mana’o.	Pāhonora’a e nehenehe e hōro’a E mā’iti i te hō’ē melo i roto i te pupu nō te hi’o i te hora. « Tē ’ite nei au e mea faufa’a nō ’oe teie mea, terā rā ’e tītauhia ia tātou ’ia haere i mua, ’ia vai noa tātou i roto i te hora i fa’anahohia. »
Te mau ’ohipa e ’itehia E mea paraparau roa te hō’ē pīahi, ’o ’ōna noa terā e fa’aro’ohia ra.	Pāhonora’a e nehenehe e hōro’a « Māuruuru ia ’oe nō teie mau parau. E hōro’a tātou i te taime ia vetahi ’ē, ’e ’ia fa’a’ite mai rātou i tō rātou mana’o. »
Te mau ’ohipa e ’itehia ’Ua tātara hu’ahu’a roa mai te pīahi i te ’ohipa i tupu, ’e ’aore rā tei fifi.	Pāhonora’a e nehenehe e hōro’a « ’Ia fa’aro’o vau, e vaira’a huru fifi mau. Tē hina’aro nei au e fa’aha’amana’o ia ’oe, ’e ia tātou pā’āto’a ē, ’aita tō tātou taime ’e te ’ite nō te fa’a’āfaro i teie fifi. »

Pāhono i te mau taime fifi

Mai te mea tē ’ū’ana noa atu ā te mana’o i roto i te rurura’a, e nehenehe e fa’afaea ri’i te rurura’a. ’A rave mai i terā pīahi. E ui atu iāna : « E aha tō ’oe huru ? Mai te huru ē, ’ua riri roa ’oe. ’E nehenehe ānei tā’u e tauturu atu ia ’oe ? » E hi’o maita’i te ti’arautī ē, ’aita e fifi ta’a ’ē i roto i te mau pīahi hou rātou ’a fa’aru’e ai i te rurura’a. Mai te mea e fa’ari’ari’a te hō’ē pīahi, ’e ’aore rā e ha’apēpē ’oia i te hō’ē ta’ata, ’a ani iāna ’ia haere i rāpae, ’a tāniuniu i te mūto’i ’e ’a fa’a’ite ’oi’oi te reira i te feiā fa’atere autahu’ara’a. E ha’amātau ia ’oe i te mau arata’ira’a nō te pārurura’a i te fare purera’a, e noa’a mai te reira nā roto i te ’episekōpo.

Tai’o :

Teie pupu, nō te ha’api’ipi’i noa ïa. E ’ere i te pupu rapa’aura’a ’e ’aore rā te rapa’aura’a tahu’a fa’aa’o nō te mau fifi i te pae ferurira’a. Mai te mea, tē ha’ape’ape’a ra ’oe nō te maita’i o te hō’ē ta’ata i roto i te pupu, ’a tāmata i te hi’o atu ē, te maita’i ra ānei ’oia. Mai te mea ’aita e haere ia ’oe, ’a paraparau atu ïa i te feiā mana i reira, nō te ha’apāpū ē, ’aita e fifi nō terā melo o te pupu.

E RAVE

E RAVE HOU TE RURURA’A TĀTA’ITAHI Fa’auta uira mai i te mau video. (Hi’o « Manuals and Videos [Mau buka ha’api’ira’a ’e te mau video] » i ni’a ia srs.ChurchofJesusChrist.org.) Hi’o ē, tē tere rā te mau mātini video. Hi’ohi’o fa’ahou ā i te pene. Fa’aineine ia ’oe iho i te pae vārua. I ROTO I TE RURURA’A TĀTA’ITAHI ’A ha’amata ’e ’a fa’aoti i te hora. ’A ha’amata ’e ’a fa’aoti i te rurura’a tāta’itahi nā roto i te pure. Fa’aitoito i te mau ta’ata ato’a ’ia fa’a’ite mai i tō rātou mana’o. Mā’iti i te hō’ē ta’ata hi’o hora. Fa’aitoito i te mau pīahi ato’a ’ia parau mai i tō rātou mana’o. ’Ei melo nō te pupu. Rave, ha’apa’o ’e fa’a’ite i te mau mea tā ’oe i fafau ia ’oe. ’A ’oa’oa ’e ’a fa’ahiahia i te manuiara’a. Ti’aturi ’e a pe’e i te buka ’ohipa. I MURI A’E I TE RURURA’A TĀTA’ITAHI ’E hi’opo’a ia ’oe iho ma te fa’a’ohipa i te ’api parau « Tā’u iho hi’opo’ara’a ’ei ti’arautī » (i muri mai i teie tuha’a). Paraparau ’e a fa’aitoito i te mau melo i roto i te hepetoma. Fa’aara i te tahu’a fa’aravaira’a iāna iho nō te titi, nō ni’a i te nu’ura’a o te pupu.

’EIAHA E RAVE

’EIAHA E RAVE HOU TE RURURA’A TĀTA’ITAHI Fa’aineine i te tahi ha’api’ira’a. I ROTO I TE RURURA’A TĀTA’ITAHI A ha’api’i ’e ’aore rā ’a fa’a’ohipa mai te mea ra ē e tahu’a ’āteura’a pae manava ’oe. Ia rahi atu ā tā ’oe paraparau ia vetahi ’ē. Pāhono i te mau uira’a ato’a. Fa’ariro ia ’oe ’ei ta’ata tumu ’ia hi’o mai rātou. Pārahi i te omuara’a o te ’aira’amā’a. ’E ti’a nō te rautīra’a. Ha’apae i te tuha’a « Feruri ». Hōro’a i tō ’oe mana’o nō te mau parau tāta’itahi i fa’ahitihia. Taui ’e ’aore rā a fa’ananea i te mau ’ohipa e rave.

Tā’u iho hi’opo’ara’a ’ei ti’arautī

I muri a’e i te rurura’a pupu tāta’itahi, ’a hi’o i te mau fa’ahitira’a parau i muri nei. E aha te huru ?

E aha tō’u huru ’ei ti’arautī ?	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 1. ’Ua ’aifāito te taime paraparaura’a nō te mau ta’ata ato’a.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 2. Tē vai iho nei au i te mau melo o te pupu ’ia pāhono i te mau uira’a, ’eiaha ra nā’u. ’Aita vau e paraparau nei, e vai iho vau i te tahi atu mau melo o te pupu.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 3. Tē pe’e nei au i te buka ’ohipa mai tei pāpa’ihia, ’e tē fa’aoti nei au i te mau tuha’a ato’a ’e te mau ’ohipa e rave.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 4. Tē paraparau nei au i te mau melo o te pupu i roto i te hepetoma.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 5. Tē fa’a’ite nei au i tō’u ’ana’anatae ’e tō’u here i te melo tāta’itahi o te pupu.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 6. Tē ha’apa’o nei au i te hora i hōro’ahia mai nō te tuha’a tāta’itahi ’e te ’ohipa e rave.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 7. Tē vaiiho nei au i te tahi taime nō te tuha’a « Feruri », ’ia ti’a i te Vārua Maita’i ’ia arata’i i te mau melo o te pupu.	E’ita roa atu	I te tahi mau taime	Pinepine	I te mau taime ato’a
E aha tō’u huru ’ei ti’arautī ? 8. Tē hi’o nei au ē, te melo ato’a o te pupu ’o tē hina’aro e paraparau mai nō ni’a i te mau mea tāna i fafau iāna iho, e taime tōna nō te fa’a’ite mai.	E’ita roa atu	I te tahi mau taime	Pinepine	I te mau taime ato’a

E aha te huru tā’u pupu ?	E’ita roa atu	I te tahi mau taime	Pinepine	I te mau taime ato’a
E aha te huru tā’u pupu ? 1. Tē fa’aitoito nei ’e tē turu nei te mau melo o te pupu te tahi i te tahi.	E’ita roa atu	I te tahi mau taime	Pinepine	I te mau taime ato’a
E aha te huru tā’u pupu ? 2. Tē ha’apa’o nei te mau melo o te pupu i te mau mea tā rātou i fafau ia rātou iho.	E’ita roa atu	I te tahi mau taime	Pinepine	I te mau taime ato’a
E aha te huru tā’u pupu ? 3. Tē rave hope nei te mau melo o te pupu i tā rātou mau ’ōpuara’a pae tino ’e i te pae vārua.	E’ita roa atu	I te tahi mau taime	Pinepine	I te mau taime ato’a
E aha te huru tā’u pupu ? 4. Tē paraparau pinepine nei te mau hoa ’ohipara’a ma te fa’aitoito te tahi i te tahi i roto i te hepetoma.	E’ita roa atu	I te tahi mau taime	Pinepine	I te mau taime ato’a