Feruri—’Eiaha ’ia hau i te : 5 minuti

E feruri te ta’ata hō’ē i te mea tā ’outou i ha’api’i mai i teie mahana, ’e e ara i te mea tā te Atua e hina’aro ia ’outou ’ia rave. ’A tai’o i te fa’ahitira’a parau ’e ’a pāpa’i i tā ’outou pāhonora’a i te mau uira’a i raro nei.

« E tiʼa i tō tātou manaʼo ’ia haʼamau-pāpū-hia i niʼa i te Faʼaora ʼe Tāna ʼevānelia. E tītauhia te tūtavaraʼa rahi o te feruriraʼa nō te hiʼo atu Iāna ma tō tātou mau manaʼo ato’a. ’Ia nā reira tātou, e ʼore ïa tō tātou mau fēʼaʼaraʼa ʼe tō tātou mau mataʼuraʼa. » (Russell M. Nelson, « Faʼahaere mai te mana o Iesu Mesia i roto i tō tātou oraraʼa », Liahona Mē 2017, 40–41).

E aha te mau mea faufa’a rahi tā’u i ha’api’i mai i teie mahana ?

E aha te hō’ē mea tā’u e rave ’ei hope’ara’a nō te mea tā’u i ha’api’i mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea ’aita e roa’a ra ia ’oe ’ia feruri i te hō’ē parau fafau, tē vai ra i raro nei te tahi mau mana’o ri’i faufa’a roa).

Mana’o nō te mau parau fafau :

• Fa’a’ī i te « Tabula arata’i i te huru o te mau mana’o » (i roto i te tūha’a « Fafau ia ’oe »).

• ’A ha’api’ipi’i i te fa’a’āfaro i tō’u mau ferurira’a hape nā roto i te mau mana’o ha’a’āteura’a.

• ’Imi i te mau huru ferurira’a hape e tano iā’u ’ia tāmata i te rave.

• Pure ma tō’u ’ā’au ato’a ’e ma te ani i tō’u Metua i te Ao ra i Tōna mana’o nō ni’a iā’u.