Ha’amatara’a—’Eiaha ’ia hau i te : 20 minuti

Pure ha’amatara’a.

’A fa’a’ite ’o vai ’outou. E rave ’outou tāta’itahi hō’ē minuti nō te fa’a’ite i tō ’outou i’oa ’e hau atu ā nō ni’a ia ’oe iho.

Maeva i roto i teie pupu nō te fa’arava’ira’a iāna iho !

Tai’o :

Nō tōna here ia ’outou, ’ua tono mai tō ’outou Metua i te Ao ra i tāna Tamaiti ia Iesu Mesia ’ei ha’apūra’a nō tō ’outou pūai i roto i te mau hete ato’a o te orara’a nei.

E tauturu teie pupu ia ’outou ’ia ha’api’i mai i te mau ’aravihi pae vārua ’e te pāpū nō te tauturu ia tātou tāta’itahi ’ia aupuru maita’i a’e i tō tātou tino, tō tātou manava, tō tātou mau ’oa’oara’a ’e tō tātou mau aura’a i te tahi e te tahi. ’A ha’api’i ai ’outou i roto i teie pupu, ’a ’ohipa e tō tātou Metua i te Ao ra ’e ia Iesu Mesia nō te ’ite nāhea ’ia fa’a’ohipa i te mea tā ’outou i ’ite i roto i tō ’outou orara’a ’e i te orara’a o te feiā tā ’outou i here. E riro teie mau fārereira’a ’ei vāhi au nō te matutu ma te ha’avare ’ore ’a pe’e ai teie pupu i te ’ā ’ōmo’e ’e ’a fa’a’ohipa ai ho’i i te topara’a reo ’e te peu e tae mai ai te Vārua. ’Ua anihia ’outou ’ia fa’a’ite i tō ’oe iho mau ’itera’a ; ’ore noa atu ai ’outou e rōtahi i ni’a i te mau fifi, ’a hōro’a i te mau rāve’a tei ’itehia e ’outou ’aore rā ’o tā ’outou e hina’aro e tāmata.

Tai’o :

Te fā hō’ē roa i ha’amauhia ai teie pupu nō te ha’api’ira’a ïa. E’ita teie i te pupu nō te rapa’aura’a, e’ita ato’a i te pupu tāmau nō te tātara i te fifi i te pae nō te ea o te ferurira’a. Mai te mea noa atu te mana’o nei ’outou ē, e ma’i ’aravī pinepine tō ’outou, e ma’i urupu’upu’u ’e te māinaina, te riri, te fa’atītī ’e ’aore rā te tahi noa atu fifi o te ea, ’a ani atu i te tauturu a te hō’ē rave ’ohipa tāmau nō te ea.

Nāhea teie pupu ’ia rave i te ’ohipa ?

Tai’o :

E fa’aterehia te mau pupu fa’arava’ira’a iāna iho mai te hō’ē ’āpo’ora’a fa’atere. ’Aita e ’orometua ha’api’i, ’aita ato’a e ta’ata ’aravihi. E ha’apa’o rā ’outou ’ia au i te mau mau mea ato’a i pāpa’ihia i roto i teie mau buka. E tupu te mau rurura’a pupu tāta’itahi nō te hō’ē maorora’a 1 hora ’e te ’āfa ’e tae atu i te 2 hora. Nā roto i tō ’outou ’aravihi i te paraparau i te tahi ’e te tahi e ’ite ai ’outou i te Vārua i roto i tō ’outou ’ā’au ’e ’ia ha’amāvete i tō ’outou ’āteura’a pae manava. Nā roto i te fa’aurura’a a te Vārua, e tauturu ’outou i te tahi e te tahi :

• ’Ia fa’aō nō te hō’ē maorora’a ’aifāito i roto i te mau ’āparaura’a ’e i te mau ’ātivite. ’Eiaha te hō’ē noa a’e, mai te ti’arauti, ’ia hau a’e i roto i te paraparaura’a.

• ’Ia fa’atura i te taime i fa’ata’ahia nō te hōro’ara’a mana’o.

• ’Ia here ’e ’ia pāturu i te tahi ’e te tahi. ’Ia tāu’a, ’ia ui i te mau uira’a ’e ’ia ’ana’anatae i te mana’o o vetahi ’ē.

• ’Ia fa’a’ite i te mau mana’o maitata’i ’e te pa’ari; ’eiaha e hōro’a i te mau fa’ata’ara’a o te nūmera.

• ’A rave i te mau parau fafau ’e ’a ha’apa’o i te reira.

Māta’ita’i :

« Tā’u pupu fa’arava’ira’a ’iāna iho », e roa’a i ni’a i te https://churchofjesuschrist.org/study/video/self-reliance-videos [4:01]. (’Aita e video ? ’A tai’o ïa i te tuha’a i muri nei, « ’Aita ana’e e ’orometua ha’api’i, nāhea tātou e ’ite ai i te ’ohipa e rave ? »)

Tāu’aparau :

E aha te pupu tei fa’a’itehia i roto i te video i manuia māite ai ? E aha tā tātou e rave ’ei pupu nō te fa’arahi atu ā i tō tātou pea ’ia tupu te tauira’a i roto i tō tātou orara’a ?

’Aita ana’e e orometua ha’api’i, nāhea tātou e ’ite ai i te ’ohipa e rave ?

Tai’o :

E mea ’ōhie roa. ’A pe’e noa i te buka. Tē vai ra i roto i te buka fa’a’ohipara’a e pae tuha’a :

Fa’aho’i i te parau : ’A ’aparau i tō ’outou nu’ura’a i mua i teie hepetoma nō ni’a i tā ’oe mau parau fafau.

Tō’u niu : ’A hi’o fa’ahou i te hō’ē parau tumu o te ’evanelia ’o tē arata’i atu i te hō’ē fa’arava’ira’a rahi atu ā iāna iho i te pae vārua.

Ha’api’i mai : ’A ha’api’i mai i te mau peu ’aravihi e ’ite roa ai ’outou nāhea ’ia mito maitai atu ā ia ’oe iho i te pae tāhuti.

Feruri : ’A fa’aro’o i te fa’aurura’a a te Vārua Maita’i ’o tē fa’a’ite ia ’outou nāhea ’ia fa’a’ohipa i te mea tā ’outou i ha’api’i mai.

Fafau ia ’oe : ’A hōro’a i te parau e tāpe’a ’outou i tā ’oe mau parau fafau ’o tē tauturu ia ’outou i teie hepetoma ’ia nu’u i mua. E fa’a’ite ato’a ’outou i te mea tā ’outou i ha’api’i mai i roto i te rurura’a tāta’itahi a te pupu i tō te ’utuāfare ānei ’e ’aore rā i te mau hoa.

Nāhea ’ia fa’a’ohipa i teie buka ’ohipa

’Ia ’ite ana’e ’outou i teie mau fa’aurura’a, ’a pe’e i teie mau arata’ira’a

Tai’o	Māta’ita’i	Tāu’aparau	Feruri	’Ohipa e rave
Tai’o E tai’o te hō’ē o te pupu nō te tā’āto’ara’a.	Māta’ita’i E māta’ita’i te pupu tā’āto’a i te video.	Tāu’aparau E hōro’a mai tō te pupu i tō rātou mana’o nō e piti ’e ’aore rā e maha minuti te maoro.	Feruri E hi’opo’a tāta’itahi tō te piha, ma te muhu ’ore, e feruri māite ’e e pāpa’i nō te hō’ē roara’a e piti ’aore rā e toru minuti.	’Ohipa e rave E ’ohipa tāta’itahi tō te pupu ’aore rā ’e ’o vetahi ’ē nō te taime i fa’ata’ahia.

Tai’o :

’A fa’a’ohipa-pinepine-hia ai teie buka ha’api’ira’a i roto i te mau pupu fa’arava’ira’a te ta’ata ia rātou iho i raro a’e i te fa’anahora’a a te hō’ē titi ’aore rā pāroita, e nehenehe ato’a te reira e fa’a’ohipahia i te mau huru taime ato’a e te ’utuāfare, te mau hoa ’aore rā e te mau veutupu ’o tē hina’aro e hi’o ’āmui i te reira.

Tai’o :

’A ha’amana’o ē, e mea ’ōmo’e te mau mea i fa’a’itehia i roto i te mau rurura’a pupu. Te mau mana’o i fa’a’itehia i roto i tā tātou pupu, e mau hi’ora’a ïa nō te mau ta’ata ’e e’ita rā i te mana’o ’e te ha’api’ira’a tumu nā Te ’Ēkālēsia a Iesu Mesia i te Feiā Mo‘a i te Mau Mahana Hope’a Nei.