« 1 : ’Āpiti ’ohipa », Te ’itera’a i te pūai i roto i te Fatu : Te ’āteura’a pae manava (2020)
« 1 : ’Āpiti ’ohipa », Te ’itera’a i te pūai i roto i te Fatu : Te ’āteura’a pae manava
’Āpiti ’ohipa
Te faufa’a o te mau ’āpiti ’ohipa
Tai’o :
Nā roto i te tauturu a vetahi ’ē, e oti te mau ’ohipa rahi i te ravehia e ’outou. ’Ei hi’ora’a, e hoa tō te mau misiōnare nō te pāturu ia rātou. I roto i tā tātou mau pupu, tē vai nei tō tātou mau ’āpiti ’ohipa. E tauturu na ’āpiti ’ohipa i te tahi ’e te tahi ’ia ha’apa’o i te mau parau fafau nā roto i :
-
Te niuniura’a, te pāpa’ira’a i te poro’i, ’aore rā te hāhaerera’a i te tahi ’e te tahi i roto i te hepetoma.
-
Te paraparaura’a nā ni’a i te mea tā mātou i ha’api’i mai i roto i te rurura’a pupu.
-
Te fa’aitoitora’a i te tahi ’e te tahi ’ia ha’apa’o i te mau parau fafau.
-
Te paraparaura’a i te tahi ’e te tahi nō ni’a i te mau ’ā’ara’a.
-
Te purera’a nō te tahi ’e te tahi.
Tāu’aparau :
Nāhea te hō’ē ta’ata ’ē atu i te tauturura’a ia ’outou ’ia rave fa’aoti i te hō’ē ’ohipa fifi i mūta’a ra ?
Tai’o :
Te rirora’a ’ei ’āpiti ’ohipa, e ’ere i te mea pa’ari ’aore rā i te taime māu’a. Nō te ha’amata i te ’āparaura’a, e ti’a ia ’outou ’ia ui :
-
E aha tā ’outou i au i roto i tā tātou rurura’a pupu i ma’iri a’e nei ?
-
E aha te ’ohipa maita’i i tupu i ni’a ia ’outou i teie hepetoma ?
-
Nāhea ’oe i te fa’a’ohipara’a i Tā’u parau tumu niu i teie hepetoma ?
Te tuha’a faufa’a roa a’e o te ’āparaura’a, o te tauturura’a ïa i te tahi e te tahi ’ia ha’apa’o i te mau parau fafau. E nehenehe ’outou e ui :
-
Te aha mai nei tā ’oe mau parau fafau ?
-
Mai te mea tē vai ra tei ’ore i ha’apa’ohia e ’outou, tē hina’aro ra ānei ’outou i te tauturu ?
-
Nāhea vau i te pāturu maita’i a’e i tā oe mau tauto’ora’a ?