Feruri—’Eiaha ’ia hau i te : 5 minuti

E feruri ’oe iho i te mea tā ’outou i ha’api’i mai i teie mahana, ’e e feruri e aha tā te Atua e hina’aro ’ia ’outou ’ia rave. ’A tai’o i te fa’ahitira’a parau ’e ’a pāpa’i i tā ’outou pāhonora’a i te mau uira’a i raro nei.

« Nā roto i tō ’outou fa’aro’o, e fa’arahi Iesu Mesia i tō ’outou ’aravihi ’ia fa’anu’u i te mau mou’a i roto i tō ’outou orara’a, noa atu ē, e nehenehe tō ’oe iho mau tāmatara’a e ’aifāito i te rahi o te mou’a Everest. » (Russell M. Nelson, « ’Ua ti’afa’ahou te Mesia ; e fa’anu’u te fa’aro’o iāna ra i te mau mou’a », Liahona, Mē 2021, 102).

E aha te mau mea faufa’a a’e tā’u i ha’api’i i teie mahana ?

E aha te hō’ē mea tā’u e rave ’ei hōpe’ara’a nō te mea tā’u i ha’api’i mai i teie mahana ? (E nehenehe te reira e riro tā ’oe parau fafau nō teie hepetoma. Mai te mea ’aita e roa’a ra ia ’oe ’ia feruri i te hō’ē parau fafau, tē vai ra i raro nei te tahi mau mana’o ri’i faufa’a roa).

Mana’o nō te mau parau fafau :

• Tai’o i te Buka a Moromona i te mau mahana ato’a

• Fa’a’ite i tō’u fa’aro’o nā roto i te haerera’a i te purera’a ’e te ravera’a i te ’ōro’a mo’a.