Сүмийн түүхэн үйл явдлууд
Ариун ойн цоорхой. Иосеф Смит гэрийнхээ ойролцоох энэхүү ойд Анхны үзэгдэл хүлээн авчээ.
Кумора гүвээ. Тэнгэр элч Моронай Иосеф Смитэд алтан ялтсуудыг нуусан энэ гүвээг зааж өгсөн (гүвээ баруун төв хэсэгт байгаа).
Ахмад Иосеф Смитийн дүнзэн байшин. Энэ нь Смитийн гэр бүлийнхний амьдарч байсан байшинг дуурайлган хийсэн загвар юм.
Грандин хэвлэх машин ба хэвлэх үйлдвэр. Мормоны Номыг анх удаа энд хэвлэжээ.
Сасквиеханна гол. Аароны болон Мелкизедек санваарыг энэ голын эрэг дээр сэргээжээ (С ба Г 13; 128:20-ийг үзнэ үү).
Ахмад Петр Витмерийн дүнзэн байшин. 1830 оны 4-р сарын 6-нд Сүм зохион байгуулагдсан газар энэ байшинг дуурайлган барьсан.
Көртландын ариун сүм. Энэ бол хожмын үед баригдсан анхны ариун сүм юм. Есүс, Мосе, Елиас, Елиа нар энэ ариун сүмд санваарын түлхүүрүүдийг сэргээсэн.
Адам-ондай-Аманы хөндий. Энд Адам болон бусад бошиглогч, итгэлтэй гэгээнтнүүд Аврагчийн Хоёр дахь ирэлтийн өмнө Түүнтэй уулзана.
Либерти шорон. Иосеф Смит энд хилсээр хоригдож байхдаа одоо Сургаал ба Гэрээ 121–123-д цэдэглэгдсэн илчлэлтийг хүлээн авчээ.
Картейж шорон. 1844 оны 6-р сарын 27-ны өдөр бошиглогч Иосеф Смит, түүний ах Хайрум Смит хоёр энд алагджээ (С ба Г 135-ыг үзнэ үү).
Иллинойн Науву ариун сүм. Науву ариун сүмийг 1846 онд гэгээнтнүүдийг уг хотоос явсны дараа устгасан бөгөөд 2002 онд дахин барьж, онцгойлон адисалсан.
Бригам Янгийн байшин. Энэ бол Иллиной, Науву дахь Бригам Янгийн дахин сэргээж барьсан байшингийн зураг юм.
Гэгээнтнүүд өрнөд рүү нүүв. С.С.А.Кристэнсэний зураг
Солт Лэйк ариун сүм. Солт Лэйк ариун сүмийг барихад гэгээнтнүүд 40 жил зарцуулжээ.