Vahe 9
Ko e Siasi Mo‘oni ‘o Sīsū Kalaisít
(6 ‘Epeleli 1830)
Na‘e nofo ‘a Siosefa Sāmita ‘i he ki‘i kolo ko Feieti. Na‘e tu‘u ‘a Feieti ‘i he vahefonua Niu ‘loaké ‘i ‘Amelika. Na‘e tala ange ‘e Sīsū Kalaisí kia Siosefa kuo taimi ke toe fakafoki mai ‘a e Siasi mo‘oni ki he māmaní. Na‘e tala ange ‘e Sīsū kia Siosefa te ne fokotu‘u ‘a e Siasí.
Na‘e talangofua ‘a Siosefa Sāmita. Ko ia ‘i he ‘aho 6 ‘o ‘Epelei 1830, na‘e fai ai ha fakataha. Pea na‘e ha‘u ha kau tangata ‘e toko nima ki he fakataha ko ‘eni ke tokoni kia Siosefa ki hono kamata ‘a e Siasí. Pea ko e kau tangatá, ko ‘Ōliva Kautele, Haliame Sāmita,Samuela Sāmita,Tēvita Uitemā, mo Pita Uitemā. Ne ‘osi papitaiso kotoa Kinautolu. Na‘e toe ‘i ai mo e kakai kehe na‘a nau ha‘u ke sio ‘i he fakatahá.
Na‘e lotu ‘a e kau tangatá ki he Tamai Hēvani. Na‘e fakanofo ‘e Siosefa ‘a ‘Ōliva Ke ne hoko ko e kau mātu‘a ‘i he Siasí. Pea na‘e hanga leva ‘e ‘Ōliva ‘o fakanofo ‘a Siosefa.
Na‘e tāpuaki‘i ‘e Siosefa mo ‘Ōliva ‘a e sākalamēnití. Pea na‘e tufa alu ia ki he kau tangatá.
Na‘e hilifakinima leva ‘a Siosefa pea mo ‘Ōliva honau nimá ki he ‘ulu ‘o e kau tangatá takitaha. Pea na‘á na hanga ‘o fakama‘u ‘a e kau tangatá ke nau hoko ko e kau mēmipa ‘o e Siasí ‘o Sīsū Kalaisí. Na‘á na faoki ki he kau tangatá ‘a e foaki ‘o e Laumālie Mā‘oni‘oní, Na‘a nau fakamālō ki he ‘otuá.
Na‘e toe ‘i ai foki mo e kakai kehe na‘e leva ‘i he fakatahá. Na‘e hanga ‘e Siosefa pea mo ‘Ōliva ‘o fakanofo mo ha ni‘ihi ‘o e kau tangatá. Na‘á na foaki kiate kinautolu ‘a e puletapú. Pea na‘e fiefia ‘a e kau tangata ko ia na‘e fakanofó. ‘O nau pehē ‘oku nau ‘ofa ki he ‘Otuá. Pea na‘a nau fakamatala ki hono tāpuekina kinautola‘e he ‘otuá.
Na‘e foaki ‘e Sīsū ha fakahā kia Siosefa Sāmita ‘i he fakatahá. Na‘e tala ange ‘e Sīsū ko e palōfitá, ‘a Siosefa. Pea ko e taimi ‘oku lea ai ha palōfitá, ‘okú ne lea ia ma‘a Sīsū. ‘Oku totonu ke fanongo ‘a e kau mēmipa ‘o e Siasí ki he palōfitá. Pea nau talangofua ki ai.
Hili ‘a e fakatahá, na‘e papitaiso ha kakai tokolahi. Na‘e papitaiso ‘a e fa‘ē pea mo e tamai ‘a Siosefa Sāmitá ‘i he ‘aho 6. Ko e ‘aho fakafiefia lahi ‘a e ‘aho 6 ‘o ‘Epeleli 1930. He kuo toe ‘i he māmaní ‘a e Siasí ‘o Sīsū kalaisí.