Vahe 25
Ko e ‘Alu ‘a Siosefa Sāmita mo Sitenei Likitoni ‘o Ngāue Fakafaifekaú
(Tīsema 1831-Sānuali 1832)
Na‘e ‘i ai ha kakai na‘e ‘ikai ke nau sai‘ia ‘i he Siasi ‘o Sīsū Kalaisí. Na‘a nau fakamafola holo ha ngaahi loi. Na‘e pulusi ‘a e ngaahi loi ko ‘eni ‘i ha nusipepa. Na‘e tala ange ‘e Sīsū kia Siosefa Sāmita mo Sitenei Likitoni ke na ‘alu ‘o ngāue fakafaifekau ki ha ngaahi kolo kehe. He te na lava ke tala ai ki he kakaí ‘a e mo‘oni ‘o kau ki he Siasí.
Na‘e talangofua ‘a Siosefa mo Siteneí Likitoní kia Sīsū. Ko ia na‘á na mavahe atu mei hona ‘apí. Na‘á na ‘alu atu ki ha ngaahi kolo lahi. Na‘e lea ‘a Siosefa pea mo Sitenei ‘i ha ngaahÍ fakataha‘anga faka-Siasí. Pea na‘á na ako‘i foki ‘a e kakai ‘i honau ngaahi ‘apí.
Na‘e fakamatala ‘e Siosefa pea mo Sitenei ki he kakaí ‘a e ngaahi fekau ‘a e ‘Otuá. Na‘á na tala ki he kakaí ‘o kau ki he‘ena fakamo‘oni kia Sīsū Kalaisí. Na‘á na tala ki he kakaí ke nau fakatomala. Na‘e ‘osi ‘a e ngāue fakafaifekau ‘a Siosefa mo Síteneí. Na‘ á na foki leva ki ‘api ki hona fāmílí.