Vahe 21
Ko e ‘Alu ‘a e Palōfitá ki Mīsuli
(Mē-Sune 1831)
Na‘e kei tokolahi pē ‘a e Kāingalotu na‘a nau nofo ‘i Niu ‘Ioaké. Na‘e ‘osi ‘alu foki ‘a Siosefa Sāmita ia mo Sitenei Likitoni Ki Ketilani, ‘Ōhaiō. Na‘e talaange ‘e Siosefa ki he Kāingalotu ‘i Niu ‘loaké ke nau ‘alu ange ki ‘Ōhaiō. Na‘a nau talangofua ki he palōfitá. Pea na‘a nau ‘alu ki ‘Ōhaiō.
Na‘e tala ange ‘e Sīsū kia Siosefa ke hanga ‘e he Kāingalotu ‘i Ketilaní ‘o vahevahe atu honau kelekelé ki he Kāingalotu ko ia mei Niu ‘loaké. Na‘e lahi ‘a e kelekele ‘o Līmani Kōpelí. Na‘á ne palōmesi te ne hanga ‘o vahevahe atu hono kekekelé. Ko ia na‘e hiki atu ‘a e Kāingalotu‘o Niu ‘loaké ki he ‘api ko ‘eni.
Na‘e ‘ikai ke tauhi ‘e Līmani Kōpeli ‘a ‘ene palōmesi. Na‘e ‘ikai ke loto ia ke ‘alu ange ‘a e Kāingalotu mei Niu ‘loaké ‘o ma‘u hono kelekelé. Pea na‘e pau ke nau hiki. Na‘e ‘ikai ha feitu‘u ke nau ‘alu ‘o nofo ai.
Ko Niueli Naiti honau takí. Na‘e ‘ikai ke ne ‘ilo‘i pe ko e hā te ne faí. Ko ia na‘á ne ‘alu ke ki he palōfita ko Siosefa Sāmitá. Na á ne fehu‘i kia Siosefa pe ko e hā ‘e fai ‘e hono Kāingalotú.
Na‘e tala ange ‘e he Eiki kia Siosefa ke hiki ‘a e Kāingalotu mei Niu ‘loaké ki Mīsuli.
Kae kimu‘a pea nau toki ‘alú, na‘e fai ha konifelenisi ‘a e Kāingalotú ‘i Ketilani. Na‘e fe‘unga pea mo e ‘aho ‘e tolu. Na‘e foaki ‘e he ‘Eiki ha ngaahi fakahā mahu‘inga kia Siosefa Sāmita.
Na‘e fakahā ‘e he ‘Eiki kia Siosefa ke ne fakanofo ‘a e ‘uluaki kau taula‘eiki lahi ki he Siasí. ‘Oku ma‘u ‘e he kau taula‘eiki lahi ‘a e Puletapu Melekisētekí. Pea ‘oku nau hoko ko e kau taki ‘i he Siasí. Na‘e fakanofo ‘a e tokolahi ‘o e kau takí ko e kau taula‘eiki lahi.
Na‘e tala ange ‘e he ‘Eiki, ‘oku totonu ke ‘alu ha ni‘ihi ‘o e kau tangatá ‘o ngāue fakafaifekau ki Mīsuli. Pea ken au malanga‘i ‘a e ongoongoleleí ‘i he ngaahi feitu‘u te nau fou atu ai. ‘I he ‘osi ‘a e konifelensí, na‘e ‘alu ‘a e kau faifekaú ki Mīsuli.
Na‘e tala ange ‘e he ‘Eiki kia Siosefa ‘e fai ‘a e konifelenisi hono hoko e Siasí ‘i he vahefonua Siakisoní, ‘i Mīsuli. Ko ia na‘á Ne tala ange kia Siosefa ke ‘alu mo hono ngaahi kaume‘á ki ai. ‘E langa ‘a Saione ‘i he vahefonua Siakisoní, ‘E hanga ‘e Sīsū ‘o fakahā ange kiate kinautolu ‘a e feitu‘u ‘e langa ai ‘a e kolo ko Saioné.