Vahe 39
The Kirtland Temple Is Dedicated
(Sānuali–Mā ‘asi 1836)
Na ‘e fekau ‘e he ‘Eiki ki he Kāingalotu ke nau langa ha temipale ‘i Ketilani. Pea na‘e ngāue mālohi ‘a e Kāingalotu ke langa ‘a e temipale ‘i Ketilani. Pea na ‘e ‘osi ha ni‘ihi ‘o e ngaahi loki.
Ne fai leva ‘a e fuofua fakataha ‘a e Kāingalotu ‘i he temipalé. ‘i he fakataha ko ‘eni na‘e hanga ‘e he Tamai ‘a Siosefa Sāmita ‘o tāpuaki ‘i ‘a e kau taki ‘o e Siasi. He ko e pēteliake ‘o e Siasi ‘a e tamai ‘a Siosefá.
Na‘e hā mai kia Siosefa ha me‘a-hā-mai fakaofo. Na‘á ne mamata ki he nāunau fakasilesitiale ‘i he langi. Ko e nāunau fakasilesitialé ko e feitu ‘u ia ‘oku ‘afio ai ‘a e ‘Otuá. Na‘e mamata ‘a Siosefa ki he faka ‘ofo ‘ofa ‘o e nāunau fakasilesitialé. Na‘á ne mamata ki he Tamai Hēvani pea mo Sīsū. Na‘e mamata ‘a Siosefa ki hono tokoua kuo mate ko ‘Alavini.
Na ‘e ako ai ‘o ‘ilo ‘e Siosefa ki he fānau ko ia ‘oku nau mate kimu ‘a te ‘eki ke nau ta ‘u valú. Na‘e folofola ‘a Sīsū ‘o pehē te nau ‘alu ki he nāunau fakasilesitiale.
Na‘e pehē foki ‘e Sīsū na‘e tokolahi ‘a e kakai na‘e ‘ikai ke nau ‘ilo ki he ongoongoleleí ‘i he taimi na‘a nau mo‘ui ai ‘i he māmani.
E toe ‘i ai pē foki mo e kakai kehe te nau mo‘ui ‘i he māmani ka ‘e ‘ikai ke nau ‘ilo ki he ongoongolelei.
‘E tui ‘a e kakai ‘e ni‘ihi ‘i he kakai ko ‘eni ki he ongoongoleleí, kapau na‘a nau ‘ilo ki ai. ‘E lava ‘a e kakai ko ‘eni ke nau ‘alu ki he nāunau fakasilesitiale.
Ne faifai pē pea ‘osi ‘a e temipale ‘i Ketilaní. Pea kuo taimi ke fakatapuí ‘a e temipalé. Ko hono ‘uhingá ke foaki ‘a e temipale ki he ‘Eiki. ‘E ngāue ‘aki pē ia ki he ngāue ‘a e ‘Eiki. Ko ia na ‘e fakatahataha mai ‘a e Kāingalotu ‘i ha fakataha makehe ke fakatapuí ‘a e temipalé.
Na ‘e tokolahi ‘a e Kāingalotu na‘a nau ha‘u ki he fakatahá. Na ‘a nau fiefia ‘i he ma ‘u ha temipale. Na ‘e hiva pea lotu ‘a e Kāingalotu ki he Tamai Hēvani. Na‘a nau palōmesi ai te nau fai ‘a e me‘a kotoa pē ‘e tala ange ‘e he palofitá pea mo e kau taki ke nau fai.
Na ‘e hanga ‘e Siosefa Sāmita ‘o lau ha lotu ke tāpuaki ‘i pea fakatapui ‘a e temipalé. Na‘e hoko leva ‘a e temipale ko ha fale toputapu. Ko e fale ia ‘o e ‘Eiki. Na‘e ‘i he loto temipalé ‘i Ketilani ‘a e kau ‘āngelo ‘i he ‘aho ko ‘eni. Na‘e ‘i he Kāingalotu foki mo e Laumālie Mā ‘oni ‘oni pea mo e Kāingalotu. Pea ko e ‘aho fakaofo mo‘oni ia.