Vahe 30
Ko e Fakahā Kau ki he Taú
(25 Tīsema 1832)
Na′e tokolahi ‘a e kakai na‘e papitaiso ki he Siasi ‘o Sīsū Kalaisí. Na‘a nau ma‘u ha fiefia ′i he ongoongoleleí. Ka na‘e hoha‘a ‘a e Kāingalotú ki he ngaahi me‘a ko ia na‘e hoko ′i he ngaahi fonua kehé
Na‘e lahi ‘a e ngaahi me‘a fakamamahi na′e hoko ′i he ngaahi feitu‘u lahi ′i he māmani. Na‘e ′i ai ′a e ngaahi mofuike, na‘e puke ‘a e kakai. Pea na′e mate ′a honau tokolahi
Na‘e ′i ai foki mo e ngaahi me‘a fakamamahi na‘e hoko ‘i ‘Amelika. Na‘e ‘i ai a e kakai na‘e ‘ikai te nau loto ke nau hoko ko e konga ‘o e pule‘anga fakatahatahá. Na‘a nau loto ke ‘i ai honau taki kehe.
‘1 he ‘aho Kilisimasi ‘o e ta‘u 1832, na‘e hanga ‘e Sīsū ‘o foaki ha fakahā kia Siosefa Sāmita. Ko e fakahā ko ‘eni, na‘e fekau‘aki ia pea mo e taú.
Na‘e tala ange ‘e Sīsū ‘e ‘i ai ‘a e tau ‘e hoko ‘i ‘Amelika. Pea ‘e fetau′aki ‘a e kakai ‘o e fonuá.
‘E hoko mai foki pea mo e ngaahi tau ‘i he ngaahi fonua kehé. Pea ‘e tau ‘a māmani kotoa. Na‘e pehē ′e Sīsū ‘oku totonu ke angatonu ‘a e Kāingalotú. ‘Oku totonu ke angatonu ‘a e Kāingalotú. ‘Oku totonu ke nau mateuteu ‘i he taimi te Ne toe hā‘ele mai ai ki he māmaní.
Na‘e loto-mamahi ‘a Siosefa ‘i he‘ene ‘ilo‘i ‘e ‘i ai ‘a e ngaahi tau ‘e hoko. Na‘á ne ‘ilo′i ‘a e mahu′inga ke talangofua ′a e kakaí ki he ngaahi fekau ‘a e ‘Otuá. Pea ‘e ‘ikai leva ke hoko ha tau.