Vahe 49
Ko e Kāingalotu ‘i Nāvuú
(Sānuali—Siulai 1841)
Na‘e nofo ‘a Siosefa Sāmita pea mo e Kāingalotu tokolahi ‘i Nāvū, ‘llinoisi. Na‘e fai ‘e Sīsū ha ngaahi fakahā mahu‘inga kia Siosefa. Na‘e tala ange ‘e Sīsū ‘okú Ne fiefia ‘i he ngāue kuo fai ‘e Siosefá. Na‘e pehē ‘e Sīsū ‘oku totonu ke fai mo tala leva ki he ha‘a tu‘i pea mo e kau taki kotoa pē ‘i he māmaní ‘a e ongoongolelei.
Na‘e tala ange ‘e Sīsū ‘oku totonu ke langa ‘e he Kāingalotú ha temipale ‘i Nāvū. Na‘á Ne loto ke hanga ‘e he Kāingalotu ‘o foaki ‘a ‘enau koulá mo e silivá ki he temipalé. ‘Oku totonu ke nau ‘omai ‘a e ngaahi ‘akau faka‘ofo‘ofa kehekehe ke langa‘aki ‘a e temipalé.
Na‘e tala ange ‘e Sīsū te Ne ha‘u ki he temipalé. Pea te Ne foaki ai ha ngaahi fakahā fekau‘aki mo e Siasí pea mo e Puletapú.
Na‘e tala ange ‘e Sīsū kia Siosefa ‘oku fiema‘u ke papitaiso ‘a e Kāingalotú koe ‘uhi ko honau kakai kuo nau pekiá. Na‘á Ne tala ange ‘oku totonu ke langa ha vai papitaiso ‘i he temipalé. ‘E lava ke papitaiso ‘akinautolu ki he kakai pekiá ‘i he vai papitaiso ko ‘ení.
Na‘e tala ange ‘e Sīsū ‘okú Ne ‘ofa ‘ia Hailame ko e tokoua ‘o Siosefá. ‘E hoko ‘a Hailame Sāmita ko e Pēteliake ia ‘o e Siasí. Te ne hanga ‘o foaki ha ngaahi tāpuaki makehe ki he Kāingalotú.
Na‘e ‘i ai ha ‘aho ‘e taha, na‘e fai ‘e he ‘Eikí ha fakahā kia Siosefa Sāmita ‘o fekau‘aki mo Pilikihami ‘longi. Na‘e tala ange ‘e Sīsū ‘oku ‘ofa kia Pilikihami ‘longi. ‘Okú Ne ‘ilo‘i ‘e ngāue mālohi ‘a Pilikihami ‘longi ma‘á e Siasí. Kuo tu‘o lahi ‘a ‘ene mama‘o mei ‘api ke ‘alu ‘o ngāue fakafaifekau. Kuó ne li‘aki ‘i he ngaahi taimi lahi ‘a hono fāmilí.
Na‘e tala ange ‘e he ‘Eiki ‘oku totonu ke nofo ‘a Pilikihami ‘longi pea mo hono fāmilí. ‘Oku totonu ke ne hanga ‘o tokanga‘i makehe kinautolu.