« Enosa », Te mau ’ā’amu o te Buka a Moromona (2023)
« Enosa », Te mau ’ā’amu o te Buka a Moromona
Enosa
E pure ’ū’ana i te Fatu
’Ua hōro’a Iakoba i te mau pāpa’a parau i tāna tamaiti ia Enosa. ’Ua pāpa’i Enosa i ni’a i te reira mai tā Iakoba i nā reira. I te hō’ē mahana, ’ua haere Enosa e a’ua’u i te ’ānimara i roto i te uru rā’au. ’Ua ha’amana’o ’oia i te mea tā tōna metua tāne i ha’api’i nō ni’a i te Fatu. ’Ua ha’api’i Iakoba ia Enosa ē, e hōro’a mai te pe’era’a i te Fatu, te oa’oa iāna.
’Ua hina’aro Enosa ’ia putapū i te ’oa’oa tā tōna metua tāne i parau na. ’Ua fa’aoti ’oia e pure i te Fatu. ’Ua pure ’oia i te mahana tā’āto’a ’e pō noa a’e.
’Ua parau te Fatu ia Enosa ē, ’ua fa’a’orehia tāna mau hara. ’Ua ’oa’oa roa Enosa. ’Ua ha’amaita’ihia Enosa nō tōna fa’aro’o ia Iesu Mesia.
’Ua hina’aro Enosa ’ia putapū te ’āti Nephi i teie ’oa’oa ato’a. ’Ua tāmau noa ’oia i te pure. ’Ua ani ’oia i te Fatu ’ia putapū ato’a te ’āti Nephi i te reira oa’oa.
’Ua parau te Fatu ia Enosa ē, e pārahi ’oia i pīha’i iho i te ’āti Nephi mai te mea e ha’apa’o rātou i tāna mau fa’auera’a. I tō Enosa fa’aro’ora’a i te reira, ’ua pūai atu ā tōna fa’aro’o i te Fatu.
’Ua pure fa’ahou Enosa. ’Ua ani ’oia i te Fatu ’ia ha’amaita’i te mau ’āti Lamana, ’e ’ia pāruruhia te mau pāpa’ira’a i ni’a i te mau ’api. ’Ua hina’aro ’oia ’ia ti’a i te mau ’āti Lamana ’ia tai’o i te mau pāpa’a parau ’e ’ia ti’aturi i te Fatu. ’Ua fafau te Fatu ia Enosa ē, e tai’o te mau ’āti Lamana i te mau pāpa’ira’a i te hō’ē mahana.