2 Nephi 4–5

E ’utuāfare ’āpī i te fenua i parauhia ra

Te ’āti Nephi ’e te ’āti Lamana

te mau ’utuāfare ’ati a’e ia Lehi

’Ua tupu noa te ’utuāfare o Lehi ’e o Saria i te rahi i roto i te fenua i parauhia ra. ’Ua fānau tā rāua mau tamari’i i tā rātou iho mau tamari’i. Tē pa’ari noa atu ra ’o Lehi. Hou ’oia ’a pohe ai, ’ua hōro’a ’oia i te mau ha’amaita’ira’a i te mau ta’ata i roto i tōna ’utuāfare. ’Ua parau ’oia ia rātou ē, ’ia ha’apa’o ana’e rātou i te mau fa’auera’a a te Atua, e tauturu te Fatu ia rātou.

2 Nephi 4:3–12

Lamana ’e ’o Lemuela i te hi’ora’a ia Nephi

I muri a’e i te pohera’a o Lehi, ’ua arata’i Nephi i te nūna’a. ’Ua parau ’oia ia rātou ’ia ha’apa’o i te parau a te Fatu. ’Ua riri Lamana ’e ’o Lemuela. ’Ua hina’aro rāua e taparahi pohe ia Nephi, ’ia ti’a ia rāua e arata’i.

2 Nephi 4:13 ; 5:1–4

pupu ta’ata e rātere ra

’Ua parau te Fatu ia Nephi ’ia haere ’ē ’e tōna ’utuāfare ’e te feiā ato’a tei hina’aro e pe’e i te Fatu. ’Ua rātere rātou e rave rahi mahana ’e ’ua ’itehia mai ia rātou te hō’ē vāhi ’āpī nō te ora.

2 Nephi 5:1, 5–8

mau ta’ata e fa’a’apu ra

’O rātou tei ’āpe’e ia Nephi, ’ua pi’ihia ïa rātou te ’āti Nephi, ’e te feiā tei fa’aea atu, ’ua pi’ihia rātou te ’āti Lamana. ’Ua ani te ’āti Nephi ia Nephi ’ia arata’i ia rātou. ’Ua rave ’itoito rātou i te ’ohipa. ’Ua fa’a’apu rātou, ’ua fa’a’amu i te mau ’ānimara, ’e ’ua patu i te hō’ē hiero ’e te tahi atu mau patura’a. ’Ua ha’api’i te mau tahu’a ’e te mau ha’api’i ia rātou nō ni’a i te Fatu, ’e ’ua ’oa’oa te ta’ata.

2 Nephi 5:9–11, 13–17, 26–27