Omoni 1 ; Mosia 9

Mosia ’e ’o Zenifa

Pāruruhia e te Fatu

Mosia e arata’i ra i te nūna’a

E rave rahi tama’i i roto i te ’āti Nephi ’e te ’āti Lamana. I te hō’ē mahana, ’ua parau te Fatu i te hō’ē ’āti Nephi, ’o Mosia te i’oa, e fa’aru’e i te fenua o Nephi ’e te feiā tei hina’aro e pe’e i te Fatu.

Omoni 1:10, 12

Mosia e hiʼo ra i te ’oire

E rave rahi ’āti Nephi tei ha’apa’o i te parau a te Fatu ’e ’ua haere atu nā muri ia Mosia. ’Ua arata’i te Fatu ia rātou i te hō’ē fenua e orahia ra e te mau ta’ata i reira. ’Ua pi’ihia rātou i te nūna’a nō Zarahemela.

Omoni 1:13–14

Mosia e paraparau ra i te nūna’a

Nō Ierusalema ato’a mai te mau ta’ata nō Zarahemela tei haere mai e mea maoro a’enei. ’Ua ’oa’oa rātou i te tonora’a mai te Fatu i te ’āti Nephi ’e te mau ’api veo. ’Ua ’āmui atu te nūna’a o Mosia i te nūna’a o Zarahemela. ’Ua mā’iti te mau ta’ata ato’a ia Mosia ’ei ari’i nō rātou. ’Ua ha’apii ’oia ia rātou nō ni’a i te Fatu.

Omoni 1:14–19

Zenifa e arata’i ra te nūna’a

’Ua ora na te ’āti Nephi i Zarahemela i te hō’ē taime, ’a ho’i fa’ahou ai te hō’ē pupu rahi i te fenua o Nephi. ’Ua arata’ihia rātou e te hō’ē ’āti Nephi, ’o Zenifa te i’oa.

Omoni 1:27–29 ; Mosia 9:3–5

te ari’i ’āti Lamana e paraparau ra

’Ua ora te ’āti Lamana i teienei i te fenua o Nephi, nō reira ’ua ani Zenifa i tō rātou ari’i e nehenehe ānei tōna nūna’a e ora ato’a i reira. ’Ua fa’ari’i te ari’i.

Mosia 9:6–10

te ’āti Lamana e ’aro ra

’Ua ha’avare te ari’i ia Zenifa ’e i tōna mau ta’ata. ’Ua vaiiho ’oia ia rātou ’ia ora i te fenua o Nephi ’ia ti’a iāna e rave i te tahi o tā rātou mā’a ’e tā rātou mau ’ānimara i muri iho. ’Ua ora te mau ta’ata o Zenifa i reira e rave rahi matahiti. ’Ua tanu rātou e rave rahi mā’a ’e ’ua fa’a’amu e rave rahi ’ānimara. I muri iho, ’ua aro atu te ’āti Lamana ’e ’ua tāmata i te haru i tā rātou mā’a ’e tā rātou mau ’ānimara.

Mosia 9:10–14

’ua upo’oti’a te mau ta’ata o Zenifa i te ’arora’a

’Ua ha’api’i Zenifa i tōna mau ta’ata ’ia ti’aturi i te Fatu. I te haerera’a mai te ’āti Lamana e ’aro ia rātou, ’ua pure Zenifa ’e tōna nūna’a i te Fatu. ’Ua hōro’a te Fatu ia rātou te pūai ’e ’ua tauturu i te pāruru ia rātou. ’Ua ti’a roa ia rātou e tūahi ’ē i te mau ’āti Lamana. ’Ua ha’amaita’i te Fatu ia Zenifa ’e i tōna mau ta’ata nō tō rātou fa’aro’o.

Mosia 9:15–18